헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 52)

ἀλλ’ ἐξ οὗ ἐπολιτεύου καὶ τὰ κοινὰ ἔπραττεσ, ἡδονήν τινα ἐκαρπωσάμην ἡ μήτηρ ἐγὼ διὰ σέ; τότε μὲν οὖν τὰ μάλιστα ἠτύχουν στάσεωσ πολιτικῆσ μέσον ὁρῶσά σε κείμενον.

ἐν οἷσ γὰρ ἀνθεῖν ἐδόκεισ πολιτεύμασι καὶ πολὺσ ἔπνεισ ἐναντιούμενοσ ὑπὲρ τῆσ ἀριστοκρατίασ τοῖσ δημοτικοῖσ, ταῦτ’ ἐμοὶ φόβου μεστὰ ἦν ἐνθυμουμένῃ τὸν ἀνθρώπινον βίον, ὡσ ἐπὶ μικρᾶσ αἰωρεῖται ῥοπῆσ, καὶ ἐκ πολλῶν ἀκουσμάτων τε καὶ παθημάτων μαθούσῃ, ὅτι τοῖσ ἐπισήμοισ ἀνδράσι θεία τισ ἐναντιοῦται νέμεσισ ἢ φθόνοσ τισ ἀνθρώπινοσ πολεμεῖ· καὶ ἦν ἄρα μάντισ ἀληθὴσ ὡσ μήποτε ὤφελον τῶν ἐκβησομένων. κατηγωνίσατό γ’ οὖν σε πολὺσ ἐπιρράξασ ὁ πολιτικὸσ φθόνοσ καὶ ἀνήρπασεν ἐκ τῆσ πατρίδοσ· ὁ δὲ μετὰ ταῦτά μου βίοσ, εἰ δὴ καὶ βίον αὐτὸν δεῖ καλεῖν, ἀφ’ οὗ με καταλιπὼν ἔρημον ἐπὶ τοῖσ παιδίοισ τούτοισ ἀπῆλθεσ, ἐν τούτῳ δεδαπάνηται τῷ ῥύπῳ καὶ ἐν τοῖσ πενθίμοισ τρύχεσι τούτοισ. ἀνθ’ ὧν ἁπάντων ταύτην ἀπαιτῶ σε χάριν, μηδέποτέ σοι βαρεῖα γενομένη μηδ’ εἰσ τὸν λοιπὸν ἐσομένη χρόνον, ἑώσ ἂν ζῶ, διαλλαγῆναι πρὸσ τοὺσ σεαυτοῦ πολίτασ ἤδη ποτὲ καὶ παύσασθαι τὸν ἀμείλικτον χόλον φυλάσσοντα κατὰ τῆσ πατρίδοσ·

κοινὸν ἀγαθὸν ἀμφοτέροισ ἡμῖν ἀξιοῦσα λαβεῖν καὶ οὐκ ἐμαυτῆσ ἴδιον μόνησ.

σοί τε γάρ, ἐὰν πεισθῇσ καὶ μηθὲν ἀνήκεστον ἐξεργάσῃ, καθαρὰν καὶ ἀμίαντον ἔχειν συμβήσεται τὴν ψυχὴν ἀπὸ παντὸσ χόλου καὶ ταράγματοσ δαιμονίου·

ἐμοί τε ἡ παρὰ τῶν πολιτῶν τε καὶ πολιτίδων τιμὴ ζώσῃ τε παρακολουθοῦσα τὸν βίον εὐδαίμονα ποιήσει, καὶ μετὰ τὴν τελευτὴν ἀποδιδομένη καθάπερ εἰκὸσ εὔκλειαν ἀθάνατον οἴσει. καὶ εἴ τισ ἄρα τὰσ ἀνθρωπίνουσ ψυχὰσ ἀπολυθείσασ τοῦ σώματοσ ὑποδέξεται τόποσ, οὐχ ὁ καταχθόνιοσ καὶ ἀφεγγὴσ ὑποδέξεται τὴν ἐμήν, ἐν ᾧ φασι τοὺσ κακοδαίμονασ οἰκεῖν, οὐδὲ τὸ λεγόμενον τῆσ Λήθησ πεδίον, ἀλλ’ ὁ μετέωροσ καὶ καθαρὸσ αἰθήρ, ἐν ᾧ τοὺσ ἐκ θεῶν φύντασ οἰκεῖν λόγοσ εὐδαίμονα καὶ μακάριον ἔχοντασ βίον·

ἐκόσμησασ, ἀεί τινασ αἰτήσεταί σοι παρὰ θεῶν ἀμοιβὰσ καλάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 52

(디오니시오스, Antiquitates Romanae, Books VII-IX, book 8, chapter 52)

상위

목록

SEARCH

MENU NAVIGATION