Dionysius of Halicarnassus, Antiquitates Romanae, Books VII-IX, book 8, chapter 54

(디오니시오스, Antiquitates Romanae, Books VII-IX, book 8, chapter 54)

ταῦτ’ εἰποῦσα ἔρριψεν ἑαυτὴν χαμαὶ καὶ περιπλέξασα ταῖσ χερσὶν ἀμφοτέραισ τοὺσ πόδασ τοῦ Μαρκίου κατεφίλησε. πεσούσησ δ’ αὐτῆσ αἱ μὲν γυναῖκεσ ἀνεβόησαν ἅμα πᾶσαι κωκυτὸν ὀξὺν καὶ μακρόν, οἱ δ’ ἐν τῷ συνεδρίῳ παρόντεσ Οὐολούσκων οὐκ ἠνέσχοντο τὴν ἀήθειαν τῆσ ὄψεωσ, ἀλλ’ ἀπεστράφησαν. αὐτὸσ δ’ ὁ Μάρκιοσ ἀναλόμενοσ ἐκ τοῦ δίφρου καὶ περιπεσὼν τῇ μητρὶ ἀνίστησιν αὐτὴν ἀπὸ τῆσ γῆσ ὀλίγον ἐμπνέουσαν, καὶ περιβαλὼν καὶ πολλὰ ἐκχέασ δάκρυα εἶπε·

νικᾷσ, ὦ μῆτερ, οὐκ εὐτυχῆ νίκην οὔτε σεαυτῇ οὔτ’ ἐμοί· τὴν μὲν γὰρ πατρίδα σέσωκασ, ἐμὲ δὲ τὸν εὐσεβῆ καὶ φιλόστοργον υἱὸν ἀπολώλεκασ. ταῦτ’ εἰπὼν ἐπὶ τὴν σκηνὴν ἀπῄει κελεύσασ ἀκολουθεῖν τήν τε μητέρα καὶ τὴν γυναῖκα καὶ τὰ παιδία, ἔνθα τὸν λοιπὸν τῆσ ἡμέρασ χρόνον σκοπούμενοσ σὺν αὐταῖσ, ὅ τι χρὴ πράττειν, διετέλεσεν.

ἦν δὲ τὰ δόξαντα αὐτοῖσ τοιάδε· περὶ μὲν τῆσ καθόδου μήτε τὴν βουλὴν τέλοσ μηθὲν ἐκφέρειν εἰσ τὸν δῆμον μήτ’ ἐκεῖνον ἐπιψηφίζειν, πρὶν ἂν τοῖσ Οὐολούσκοισ εὐτρεπῆ γένηται τὰ περὶ φιλίασ καὶ καταλύσεωσ τοῦ πολέμου· αὐτὸν δὲ τὴν στρατιὰν ἀναστήσαντα ὡσ διὰ φιλίασ γῆσ ἀπάγειν· ὑποσχόντα δὲ τῆσ ἀρχῆσ λόγον καὶ τὰσ εὐεργεσίασ ἀποδειξάμενον ἀξιοῦν τοὺσ ἐπιτρέψαντασ αὐτῷ τὴν στρατιάν, μάλιστα μὲν φιλίᾳ δέχεσθαι τοὺσ πολεμίουσ καὶ συνθήκασ ποιήσασθαι δικαίασ, αὐτῷ τὴν ἰσότητα καὶ τὸ μὴ σφαλῆναι περὶ τὰσ ὁμολογίασ ἐπιτρέψαντασ.

εἰ δ’ ἐπὶ τοῖσ κατωρθωμένοισ σφίσιν αὐθαδείασ ἀναπιμπλάμενοι μὴ δέχοιντο τὰσ διαλλαγάσ, ἀφίστασθαι τῆσ ἀρχῆσ αὐτοῖσ.

ἢ γὰρ οὐχ ὑπομενεῖν αὐτοὺσ ἄλλον τινὰ αἱρεῖσθαι στρατηγὸν δι’ ἀπορίαν ἀγαθοῦ ἡγεμόνοσ, ἢ παρακινδυνεύσαντασ ὁτῳδήτινι παραδοῦναι τὰσ δυνάμεισ σὺν μεγάλῃ διδαχθήσεσθαι βλάβῃ τὴν τοῦ συμφέροντοσ αἱρ́εσιν. τὰ μὲν δὴ βουλευθέντα αὐτοῖσ καὶ δόξαντα δίκαιά τε καὶ ὅσια εἶναι, φήμησ τ’ ἀγαθῆσ ἐφ’ ᾗ μάλιστα ὁ ἀνὴρ ἐσπούδαζε παρὰ πᾶσι τευξόμενα, τοιάδε ἦν. ἐτάραττε δέ τισ αὐτ ὑποψία δέοσ ἔχουσα, μή ποτε ἀλόγιστοσ ὄχλοσ ἐν ἐλπίδι τοῦ καταπεπολεμηκέναι τὸ ἀντίπαλον ἤδη ὢν δἰ ὀργῆσ ἀκράτου λάβῃ τὴν ἀποτυχίαν κἄπειτα ὡσ προδότην αὐτὸν οὐδὲ λόγου μεταδοὺσ αὐτοχειρίᾳ φθάσῃ διολέσασ.

ἐδόκει οὖν αὐτοῖσ καὶ τοῦτο καὶ εἴ τι ἄλλο δεινότερον εἰή κινδύνευμα σὺν ἀρετῇ σώζουσι τὴν πίστιν ὑπομένειν.

ἐπεὶ δὲ περὶ δύσιν ἡλίου ἦν ἤδη, ἀσπασάμενοι ἀλλήλουσ ἐξῄεσαν ἐκ τῆσ σκηνῆσ· αἱ μὲν γυναῖκεσ εἰσ τὴν πόλιν ἀπῄεσαν, ὁ δὲ Μάρκιοσ ἐν ἐκκλησίᾳ τὰσ αἰτίασ ἀποδοὺσ τοῖσ παροῦσι, δι’ ἃσ ἔμελλε λύειν τὸν πόλεμον, καὶ πολλὰ τῶν στρατιωτῶν δεηθεὶσ συγγνῶναί τ’ αὐτῷ καί, ἐπειδὰν οἴκαδε ἀφίκωνται, μεμνημένουσ ὧν ἔπαθον εὖ τοῦ μηθὲν ὑπὸ τῶν ἄλλων ἀνήκεστον παθεῖν συναγωνιστὰσ γενέσθαι, καὶ ἄλλα πολλὰ καὶ ἐπαγωγὰ διαλεχθεὶσ παρασκευάζεσθαι ἐκέλευσεν ὡσ τῇ ἐπιούσῃ νυκτὶ ἀναστρατοπεδεύσοντασ.

일치하는 문장이 없습니다.

SEARCH

MENU NAVIGATION