호흡부호 보기
강세부호 보기
장단부호 보기
작은 Iota 보기
모든 부호 보기
ἀναβάντοσ δὲ τοῦ ἀνδρὸσ ἐπὶ τὴν ἀπολογίαν βοή τε πολλὴ κωλύουσα τοὺσ λόγουσ ἐκ τῆσ ἑταιρίασ τῆσ περὶ τὸν Τύλλον ἐγίνετο· φωνοῦντεσ περιίστανται αὐτὸν οἱ θρασύτατοι καὶ συναράττοντεσ τοῖσ λίθοισ ἀποκτιννύουσιν. ἐρριμμένου δ’ αὐτοῦ χαμαὶ κατὰ τὴν ἀγορὰν οἵ τε παραγενόμενοι τῷ πάθει καὶ οἱ μετὰ ταῦτ’ ἤδη νεκροῦ ὄντοσ ἀφικόμενοι τόν τ’ ἄνδρα τῆσ τύχησ ὠδύροντο ὡσ οὐ καλὰσ εἰληφότα παρὰ σφῶν ἀμοιβάσ, ἐπιλεγόμενοι πάντα ὅσα τὸ κοινὸν ὠφέλησε, καὶ τοὺσ δράσαντασ τὸν φόνον ἐπόθουν λαβεῖν ὡσ ἀνόμου ἔργου καὶ ἀσυμφόρου ταῖσ πόλεσιν ἄρξαντασ, ἄνευ δίκησ ἐν χειρῶν νόμῳ τινὰ ἀποκτεῖναι καὶ ταῦθ’ ἡγεμόνα. ἔδει τοῖσ ἀγαθοῖσ ἀνδράσιν εἰσ τὴν ἀναγκαίαν τιμήν.
ἐπειδὴ δὲ πάντ’ εὐτρέπιστο, θέντεσ ἐπὶ στρωμνῆσ ἐκπρεπεστάτῳ ἠσκημένησ κόσμῳ τὴν αὐτοκρατορικὴν ἔχοντα ἐσθῆτα, καὶ πρὸ τῆσ κλίνησ αὐτοῦ φέρεσθαι κελεύσαντεσ λάφυρά τε καὶ σκῦλα καὶ στεφάνουσ καὶ μνήμασ ὧν εἷλε πόλεων, ἤραντο τὴν κλίνην οἱ λαμπρότατοι τῶν νέων ἐν τοῖσ κατὰ πολέμουσ ἔργοισ·
καὶ κομίσαντεσ εἰσ τὸ προάστειον, ὃ μάλιστα ἦν ἐπιφανέσ, ἔθεσαν ἐπὶ τὴν παρεσκευασμένην πυράν, συμπροπεμπούσησ τὸ σῶμα τῆσ πόλεωσ ὅλησ μετ’ οἰμωγῆσ τε καὶ δακρύων. ἔπειτα κατασφάξαντέσ τ’ αὐτῷ πολλὰ βοσκήματα καὶ τῶν ἄλλων ἀπαρξάμενοι πάντων, ὅσων ἄνθρωποι βασιλεῦσιν ἢ στρατιᾶσ ἡγεμόσιν ἐπὶ πυραῖσ ἀπάρχονται, παρέμειναν οἱ μάλιστα τὸν ἄνδρα ἀσπαζόμενοι μέχρι τοῦ μαρανθῆναι τὴν φλόγα, κἄπειτα συναγαγόντεσ τὰ λείψανα ἔθαψαν ἐν τῷ αὐτῷ χωρίῳ χώματι ὑψηλῷ διὰ πολυχειρίασ ἐργασθέντι μνῆμα ἐπίσημον ἐργασάμενοι.
호흡부호 보기
강세부호 보기
장단부호 보기
작은 Iota 보기
모든 부호 보기