헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 32)

ἆρ’ οὐ φανερόν, ὅτι καλλιλογεῖτε καὶ εἰρωνεύεσθε, ὦ Μηνύκιε, ὄνομα καλὸν ἔργῳ περιθέντεσ ἀνοσίῳ; οὐ γὰρ δὴ κάθοδόν μοι δίδοτε, ἀλλὰ σφάγιόν με τῷ δήμῳ κατάγετε, τάχα μὲν καὶ βεβουλευμένοι τοῦτο πράττειν· οὐθὲν γὰρ ἔτι μοι χρηστὸν ὑπὲρ ὑμῶν ἐπέρχεται φρονεῖν·

εἰ δὲ βούλεσθε ‐ τίθημι γάρ ‐ οὐδὲν ὧν πείσομαι προορώμενοι, τί οὖν ἔσται μοι τῆσ ὑμετέρασ ἀγνοίασ ἢ μωρίασ ὄφελοσ, κωλύειν μὲν οὐδὲν οὐδ’ ἂν οἱοῖ ἦτε δυνησομένων, χαρίζεσθαι δὲ καὶ τοῦτο τῷ δήμῳ σὺν τοῖσ ἄλλοισ ἀναγκαζομένων; ἀλλὰ γὰρ ὅτι μὲν οὐ συνοίσει μοι πρὸσ ἀσφάλειαν ἥδε, ἣν ὑμεῖσ μὲν κάθοδον καλεῖτε, ἐγὼ δὲ ταχεῖαν ὁδὸν ἐπὶ τὸν ὄλεθρον, οὐ πολλῶν οἰόμαι δεῖν ἔτι λόγων·

ὅτι δ’ οὐδὲ πρὸσ εὐδοξίαν ἢ τιμὴν ἢ πρὸσ εὐσέβειαν, ἐπειδὴ καὶ σὺ τούτων, ὦ Μηνύκιε, πρόνοιαν ἔχειν με ἠξίουσ, εὖ ποιῶν, ἀλλ’ αἴσχιστά μοι καὶ ἀνοσιώτατα πραχθήσεται πεισθέντι ὑμῖν, ἄκουσον ἐν τῷ μέρει. ἐγὼ πολέμιοσ ἐγενόμην τούτοισ καὶ πολλὰ ἠδίκησα αὐτοὺσ ἐν τῷ πολέμῳ, τῇ πατρίδι πράττων ἡγεμονίαν καὶ ἰσχὺν καὶ κλέοσ.

οὐκοῦν προσῆκέ μοι τιμᾶσθαι μὲν ὑπὸ τῶν εὖ πεπονθότων, μισεῖσθαι δ’ ὑπὸ τῶν ἠδικημένων; εἰ γοῦν τι τῶν εἰκότων ἐγένετο.

ἀνέτρεψε δ’ ἀμφότερα ταῦθ’ ἡ τύχη, καὶ εἰσ τἀναντία μετέθηκε τὰσ ἀξιώσεισ. ὑμεῖσ μὲν γάρ, ὑπὲρ ὧν τούτοισ ἐχθρὸσ ἦν, ἀφείλεσθέ με πάντα τἀμὰ καὶ τὸ μηδὲν ποιήσαντεσ ἐρρίψατε· οὗτοι δ’ οἱ τὰ δεινὰ ὑπ’ ἐμοῦ παθόντεσ, τὸν ἄπορον καὶ ἀνέστιον καὶ ταπεινὸν καὶ ἄπολιν ὑπεδέξαντό με ταῖσ ἑαυτῶν πόλεσι. καὶ οὐκ ἀπέχρη αὐτοῖσ τοῦτο ποιήσασι μόνον οὕτω λαμπρὸν καὶ μεγαλόψυχον ἔργον, ἀλλὰ καὶ πολιτείαν ἔδοσάν μοι ἐν ἁπάσαισ ταῖσ ἑαυτῶν πόλεσι καὶ ἀρχὰσ καὶ τιμάσ, αἳ μέγισται παρ’ αὐτοῖσ εἰσιν.

ἐῶ τἆλλα· ἀλλὰ νυνὶ στρατηγὸν ἀποδεδείχασί με αὐτοκράτορα τῆσ ὑπερορίου στρατιᾶσ καὶ πάντα τὰ κοινὰ ἐπ’ ἐμοὶ πεποιήκασι μόνῳ. φέρε δή, τίνα λαβὼν καρδίαν προδοίην ἂν ἔτι τούτουσ, ὑφ’ ὧν τηλικαύταισ κεκόσμημαι τιμαῖσ, οὐθὲν οὔτε μεῖζον οὔτ’ ἔλαττον ἀδικηθείσ;

εἰ μὴ ἄρα αἱ χάριτεσ αὐτῶν ἀδικοῦσί με, ὥσπερ ὑμᾶσ αἱ ἐμαί·

καλήν γε δόξαν οἴσει μοι παρὰ πᾶσιν ἀνθρώποισ γνωσθεῖσα ἡ παλιμπροδοσία. τίσ δ’ ἂν ἐπαινέσειέ με ἀκούσασ, ὅτι τοὺσ μὲν φίλουσ, ὑφ’ ὧν εὖ πάσχειν μοι προσῆκε, πολεμίουσ εὑρών, τοὺσ δ’ ἐχθρούσ, ὑφ’ ὧν ἐχρῆν με ἀπολωλέναι, φίλουσ, ἀντὶ τοῦ μισεῖν μὲν τὰ μισοῦντα, φιλεῖν δὲ τὰ φιλοῦντα, τὴν ἐναντίαν γνώμην ἔσχον;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 32

(디오니시오스, Antiquitates Romanae, Books VII-IX, book 8, chapter 32)

상위

목록

SEARCH

MENU NAVIGATION