헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 26)

ἀγαθὰ μὲν δὴ ταῦτα ὑπάρξει σοι διαλλαττομένῳ, μένοντι δ’ ἐπὶ τῆσ ὀργῆσ καὶ μὴ διαλυομένῳ τὸ μῖσοσ πρὸσ ἡμᾶσ πολλὰ καὶ χαλεπά, ἐξ ὧν ἐγὼ δύο τὰ μέγιστα νυνὶ καὶ φανερώτατα ἐρῶ. πρῶτον μὲν ὅτι δυσκόλου γενέσθαι, μᾶλλον δ’ ἀδυνάτου πράγματοσ πονηρὸν ἔρωτα ἔχεισ, πόλεωσ τῆσ Ῥωμαίων καθελεῖν τὴν ἰσχὺν καὶ ταῦτα τοῖσ Οὐολούσκων ὅπλοισ· ἔπειθ’ ὅτι σοι κατορθώσαντί τε καὶ δὴ τυχόντι πάντων ἀνθρώπων ὑπάρξει δυστυχεστάτῳ νομίζεσθαι.

ἐξ ὧν δὲ ταῦτα παρίσταταί μοι περὶ σοῦ φρονεῖν, ἄκουσον, ὦ Μάρκιε, μηθὲν πρὸσ τὴν ἐλευθερίαν μου τῶν λόγων τραχυνόμενοσ. σκόπει δὲ πρῶτον ὑπὲρ τοῦ ἀδυνάτου. Ῥωμαίοισ, ὡσ οἶσθα καὶ σύ, πολλὴ μέν ἐστι νεότησ ἐπιχώριοσ, ἧσ εἰ τὸ στασιάζον ἐξαιρεθείη·

γενήσεται δὲ τοῦτο κατὰ πολλὴν ἀνάγκην νυνὶ διὰ τόνδε τὸν πόλεμον, πάντα γὰρ ὑπὸ δέουσ κοινοῦ συνίστασθαι φιλεῖ τὰ διάφορα· οὐχ ὅτι Οὐολοῦσκοι κρατήσουσιν, ἀλλ’ οὐδὲ ἄλλο τῶν κατὰ τὴν Ἰταλίαν ἐθνῶν οὐθέν· πολλὴ δ’ ἡ Λατίνων καὶ τῶν ἄλλων συμμάχων τε καὶ ἀποίκων τῆσ πόλεωσ ἰσχύσ, ἣν ὀλίγου πᾶσαν ἐπίκουρον ἥξειν προσδέχου· στρατηγοί τε οἱο͂σ σὺ καὶ πρεσβύτεροι καὶ νέοι τοσοῦτοι τὸ πλῆθοσ, ὅσοι παρὰ πάσαισ οὐκ εἰσὶ ταῖσ ἄλλαισ πόλεσι.

μεγίστη δὲ πασῶν βοήθεια καὶ τὰσ ἐν τοῖσ δεινοῖσ ἐλπίδασ οὐδέποθ’ ἡμῶν ψευσαμένη συμπάσησ τ’ ἀμείνων ἀνθρωπίνησ ἰσχύοσ, ἡ παρὰ τῶν θεῶν εὔνοια, δι’ οὓσ οὐ μόνον ἐλευθέραν εἰσ τόδε χρόνου τὴν πόλιν τήνδε οἰκοῦμεν ὀγδόην ἤδη τὴν νῦν γενεάν, ἀλλὰ καὶ εὐδαίμονα καὶ πολλῶν ἐθνῶν ἄρχουσαν.

μὴ δὲ Πεδανοῖσ ἡμᾶσ εἰκάσῃσ μηδὲ Τολερίνοισ μηδὲ τοῖσ ἄλλοισ μικροπολίταισ, ὧν κατέσχεσ τὰ πολίχνια·

καὶ γὰρ ἥττων ἄν τίσ σου στρατηγὸσ καὶ ἀπ’ ἐλάττονοσ ἢ τοσαύτησ στρατιᾶσ ὀλιγανθρωπίαν καὶ φαυλότητα ἐρυμάτων ἐβιάσατο· ἀλλ’ ἐνθυμοῦ τὸ μέγεθοσ τῆσ πόλεωσ καὶ τὴν λαμπρότητα τῶν ἐν τοῖσ πολέμοισ πράξεων καὶ τὴν ἐκ τοῦ θείου παροῦσαν αὐτῇ τύχην, δἰ ἣν ἐκ μικρᾶσ τοσαύτη γέγονε.

καὶ τὴν σεαυτοῦ δύναμιν, ἣν ἄγων ἔργῳ τοσῷδε ἐπιχειρεῖσ, μὴ νόμιζε ἠλλάχθαι, ἀλλὰ μέμνησο ἀκριβῶσ, ὅτι Οὐολούσκων τε καὶ Αἰκανῶν στρατιὰν ἐπάγῃ, οὓσ ἡμεῖσ οἵδε ἐν πολλαῖσ ἐνικῶμεν μάχαισ, ὁσάκισ ἡμῖν ἐτόλμησαν εἰσ πόλεμον καταστῆναι·

ὥστε σὺν τοῖσ χείροσιν ἀγωνίζεσθαι μέλλων ἴσθι πρὸσ τοὺσ κρείττονασ καὶ σὺν τοῖσ ἡττωμένοισ διὰ παντὸσ πρὸσ τοὺσ νικῶντασ ἀεί. εἰ δὲ δὴ τἀναντία τούτων ἦν, ἐκεῖνό γέ τοι θαυμάζειν ἄξιον, πῶσ λέληθέ σε πολεμικῶν ὄντα πραγμάτων ἔμπειρον, ὅτι τὸ παρὰ τὰ δεινὰ εὔτολμον οὐκ ἐξ ἴσου παραγίνεσθαι φιλεῖ τοῖσ θ’ ὑπὲρ οἰκείων ἀγαθῶν ἀγωνιζομένοισ καὶ τοῖσ ἐπὶ τἀλλότρια πορευομένοισ·

οἱ μέν γ’ οὐδέν, ἐὰν μὴ κατορθώσωσι, βλάπτονται, τοῖσ δ’ οὐδέν, ἐὰν πταίσωσι, καταλείπεται· καὶ τοῦ σφάλλεσθαι τὰσ μεγάλασ δυνάμεισ ὑπὸ τῶν ἐλαττόνων καὶ τὰσ κρείττουσ ὑπὸ τῶν φαυλοτέρων τοῦτ’ ἐν τοῖσ μάλιστ’ αἴτιον ἦν. δεινὴ γὰρ ἡ ἀνάγκη, καὶ ὁ περὶ τῶν ἐσχάτων κίνδυνοσ ἱκανὸσ θάρσοσ ἐνθεῖναί τινι καὶ μὴ προϋπάρχον φύσει. εἶχον ἔτι πλείω λέγειν ὑπὲρ τοῦ ἀδυνάτου, ἀλλὰ καὶ ταῦθ’ ἱκανά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 26

(디오니시오스, Antiquitates Romanae, Books VII-IX, book 8, chapter 26)

상위

목록

SEARCH

MENU NAVIGATION