호흡부호 보기
강세부호 보기
장단부호 보기
작은 Iota 보기
모든 부호 보기
τοιαῦτα μὲν ὁ Μάρκιοσ εἶπεν. οἱ δὲ Οὐολοῦσκοι λέγοντόσ τε τοῦ ἀνδρὸσ ἔτι δῆλοι ἦσαν ἀγάμενοι τοὺσ λόγουσ, καὶ ἐπειδὴ ἐπαύσατο μεγάλῃ βοῇ πάντεσ ἐπεσήμηναν ὡσ τὰ κράτιστα ὑποθεμένῳ λόγον τ’ οὐθενὶ προθέντεσ ἐπικυροῦσι τὴν γνώμην. γραφέντοσ δὲ τοῦ δόγματοσ εὐθὺσ ἐξ ἑκάστησ πόλεωσ τοὺσ ἐπιφανεστάτουσ ἄνδρασ ἑλόμενοι πρεσβευτὰσ εἰσ τὴν Ῥώμην ἀπέστειλαν· τῷ δὲ Μαρκίῳ ψηφίζονται βουλῆσ τε μετουσίαν ἐν ἁπάσῃ πόλει καὶ ἀρχὰσ ἐξεῖναι πανταχόσε μετιέναι καὶ τῶν ἄλλων, ὁπόσα τιμιώτατα ἦν παρ’ αὐτοῖσ, μετέχειν. καὶ πρὶν ἢ τὰσ Ῥωμαίων ἀποκρίσεισ ἀναμεῖναι, πάντεσ ἔργου εἴχοντο παρασκευαζόμενοι τὰ πολέμια·
ὅσοι τ’ ἦσαν αὐτῶν ἄθυμοι τέωσ κακωθέντεσ ἐν ταῖσ προτέραισ μάχαισ, τότε πάντεσ ἐπερρώσθησαν ὡσ τὴν Ῥωμαίων καθαιρήσοντεσ ἰσχύν.
οἱ δ’ εἰσ τὴν Ῥώμην ἀποσταλέντεσ ὑπ’ αὐτῶν πρέσβεισ καταστάντεσ ἐπὶ τὴν βουλὴν ἔλεγον·
ὅτι Οὐολούσκοισ περὶ πολλοῦ ἐστι καταλύσασθαι τὰ πρὸσ Ῥωμαίουσ ἐγκλήματα καὶ τὸν λοιπὸν χρόνον εἶναι φίλοισ καὶ συμμάχοισ ἄνευ δόλου καὶ ἀπάτησ. ἔσεσθαι δὲ τὸ πιστὸν αὐτοῖσ τῆσ φιλίασ βέβαιον ἀπέφαινον, εἰ κομίσαιντο γῆν τε τὴν ἑαυτῶν καὶ πόλεισ, ἃσ ὑπὸ Ῥωμαίων ἀφῃρέθησαν· ἄλλωσ δ’ οὔτ’ εἰρήνην οὔτε φιλότητα βεβαίαν ὑπάρξειν αὐτοῖσ· τὸ γὰρ ἀδικούμενον ἀεὶ πολέμιον εἶναι τῷ πλημμελοῦντι φύσει. ἠξίουν τε μὴ καταστῆσαι σφᾶσ εἰσ ἀνάγκην πολέμου τῶν δικαίων ἀποτυγχάνοντασ.
호흡부호 보기
강세부호 보기
장단부호 보기
작은 Iota 보기
모든 부호 보기