헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 5)

ὑπὲρ δὲ τοῦ τίνα χρὴ πολεμεῖν αὐτοῖσ τρόπον προθέντων σκοπεῖν τῶν ἐν τοῖσ τέλεσι παρελθὼν ὁ Τύλλοσ συνεβούλευσεν αὐτοῖσ καλεῖν τὸν Μάρκιον καὶ παρ’ ἐκείνου πυνθάνεσθαι, πῶσ ἂν ἡ Ῥωμαίων καταλυθείη δύναμισ· κράτιστα γὰρ ἁπάντων ἀνθρώπων εἰδέναι, πῇ τε κάμνει τὰ τῆσ πόλεωσ πράγματα καὶ πῇ μάλιστα ἔρρωται. ἐδόκει ταῦτα, καὶ αὐτίκα πάντεσ ἐβόων καλεῖν τὸν ἄνδρα. καὶ ὁ Μάρκιοσ ἧσ ἐβούλετο ἀφορμῆσ λαβόμενοσ ἀνέστη κατηφὴσ καὶ δεδακρυμένοσ καὶ μικρὸν ἐπισχὼν χρόνον τοιούτουσ διέθετο λόγουσ· εἰ μὲν ἡγούμην ὑμᾶσ ἅπαντασ ὅμοια γινώσκειν περὶ τῆσ ἐμῆσ συμφορᾶσ, οὐκ ἂν ὑπελάμβανον ἀναγκαῖον εἶναι περὶ αὐτῆσ ἀπολογεῖσθαι·

ἐν πολλοῖσ καὶ διαφόροισ ἤθεσιν εἰκόσ, εἶναί τινασ, οἷσ παραστήσεται δόξα οὔτ’ ἀληθὴσ οὔτε προσήκουσα περὶ ἐμοῦ, ὡσ οὐκ ἂν ἄτερ αἰτίασ ἀληθοῦσ καὶ δικαίασ ἐξήλασέ με ὁ δῆμοσ ἐκ τῆσ πατρίδοσ, παντὸσ μάλιστα οἰόμαι δεῖν πρῶτον ὑπὲρ τῆσ ἐμῆσ φυγῆσ ἐν κοινῷ πρὸσ ἅπαντασ ὑμᾶσ ἀπολογήσασθαι.

ἀλλ’ ἀνάσχεσθέ μου, πρὸσ θεῶν, καὶ οἱ κράτιστα ἐγνωκότεσ, ἃ πέπονθα ὑπὸ τῶν ἐχθρῶν καὶ ὡσ οὐ προσῆκόν μοι ταύτησ πεπείραμαι τῆσ τύχησ διεξιόντοσ, καὶ μὴ πρότερον ποθεῖτε, ὅ τι χρὴ πράττειν ἀκοῦσαι, πρίν, ὁποῖόσ τισ εἰμὶ ὁ τὴν γνώμην ἀποδειξόμενοσ, ἐξετάσαι.

ἔσται δὲ βραχὺσ ὁ περὶ αὐτῶν, κἂν πρόσωθεν ἄρξωμαι, λόγοσ. Ῥωμαίοισ τὸ μὲν ἐξ ἀρχῆσ πολίτευμα ἦν μικτὸν ἔκ τε βασιλείασ καὶ ἀριστοκρατίασ·

ἔπειτα ὁ τελευταῖοσ βασιλεὺσ Ταρκύνιοσ τυραννίδα τὴν ἀρχὴν ἠξίου ποιεῖν. συστάντεσ οὖν ἐπ’ αὐτὸν οἱ τῆσ ἀριστοκρατίασ ἡγεμόνεσ ἐκεῖνον μὲν ἐξέβαλον ἐκ τῆσ πόλεωσ, αὐτοὶ δὲ τὰ κοινὰ κατέσχον ἀρίστην καὶ σωφρονεστάτην, ὡσ ἅπαντεσ ὁμολογοῦσι, καταστησάμενοι πολιτείαν. χρόνοισ δ’ οὐ πολλοῖσ τῶν νῦν πρότερον, ἀλλὰ τρίτον ἢ τέταρτον τοῦτ’ ἔτοσ οἱ πενέστατοί τε καὶ ἀργότατοι τῶν πολιτῶν πονηροῖσ χρησάμενοι προστάταισ ἄλλα τε πολλὰ ἐξύβρισαν, καὶ τελευτῶντεσ καταλύειν τὴν ἀριστοκρατίαν ἐπεχείρουν.

ἐφ’ οἷσ ἅπαντεσ μὲν οἱ τῆσ βουλῆσ προεστηκότεσ ἤχθοντο καί, ὅπωσ παύσωνται τῆσ ὕβρεωσ οἱ κινοῦντεσ τὴν πολιτείαν, σκοπεῖν ἠξίουν. ὑπὲρ ἅπαντασ δὲ τοὺσ ἀριστοκρατικοὺσ ἐκ μὲν τῶν πρεσβυτέρων Ἄππιοσ ἀνὴρ πολλῶν ἄξιοσ ἕνεκεν ἐπαινεῖσθαι, ἐκ δὲ τῶν νεωτέρων ἐγώ·

ἀξιοῦντεσ ὑπάρχειν, τὴν δὲ προστασίαν τῶν κοινῶν ἀποδεδόσθαι τοῖσ κρείττοσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 5

(디오니시오스, Antiquitates Romanae, Books VII-IX, book 8, chapter 5)

상위

목록

SEARCH

MENU NAVIGATION