헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 84

(디오니시오스, Antiquitates Romanae, Books VII-IX, book 8, chapter 84)

διακληρωσαμένων δὲ τῶν ὑπάτων τὰσ δυνάμεισ, ὡσ ἔστιν αὐτοῖσ ἔθοσ, τὸ μὲν ἐπικουρεῖν μέλλον τοῖσ συμμάχοισ στράτευμα Καίσων Φάβιοσ παρέλαβε, θάτερον δὲ Λεύκιοσ ἔχων ἐπὶ τὴν Ἀντιατῶν ἦγε πόλιν. γενόμενοσ δὲ πλησίον τῶν ὁρίων καὶ κατιδὼν τὰσ τῶν πολεμίων δυνάμεισ, τότε μὲν ἀντικατεστρατοπέδευσεν ἐπὶ λόφου, ταῖσ δ’ ἑξῆσ ἡμέραισ ἐξιόντων εἰσ τὸ πεδίον τῶν πολεμίων θαμινὰ καὶ προκαλουμένων εἰσ μάχην, ἡνίκα τὸν οἰκεῖον ἔχειν καιρὸν ὑπελάμβανεν, ἐξῆγε τὰσ δυνάμεισ· καὶ πρὶν εἰσ χεῖρασ ἐλθεῖν παρακλήσει τε πολλῇ καὶ ἐπικελεύσει χρησάμενοσ, ἐκέλευσε σημαίνειν τὸ πολεμικόν· καὶ οἱ στρατιῶται τὸ σύνηθεσ ἀλαλάξαντεσ ἀθρόοι κατὰ σπείρασ τε καὶ κατὰ λόχουσ συνέβαλλον. ὡσ δὲ τὰσ λόγχασ καὶ τὰ σαυνία καὶ ὅσα εἶχον ἑκηβόλα ἐξανάλωσαν, σπασάμενοι τὰ ξίφη συρράττουσιν ἀλλήλοισ ἴσῃ τόλμῃ τε καὶ ἐπιθυμίᾳ τοῦ ἀγῶνοσ ἑκάτεροι χρώμενοι·

ἦν τε, ὡσ καὶ πρότερον ἔφην, παραπλήσιοσ αὐτοῖσ ὁ τοῦ ἀγῶνοσ τρόποσ, καὶ οὔτε ἡ σοφία καὶ ἡ ἐμπειρία Ῥωμαίων περὶ τὰσ μάχασ, ᾗ χρώμενοι τὰ πολλὰ ἐπεκράτουν, οὔτε τὸ καρτερικὸν καὶ ταλαίπωρον ἐν τοῖσ πόνοισ διὰ πολλῶν ἠσκημένον ἀγώνων ἐπεκράτει· τὰ γὰρ αὐτὰ καὶ περὶ τοὺσ πολεμίουσ ἦν, ἐξ οὗ Μάρκιον ἡγεμόνα Ῥωμαίων οὐ τὸν ἀφανέστατον στρατηλάτην ἔσχον·

ἀλλ’ ἀντεῖχον ἑκάτεροι τῆσ χώρασ, ἐν ᾗ τὸ πρῶτον ἔστησαν οὐχ ὑφιέμενοι. ἔπειτα κατὰ μικρὸν οἱ Οὐολοῦσκοι ὑπεχώρουν ἐν κόσμῳ τε καὶ τάξει δεχόμενοι τοὺσ Ῥωμαίουσ.

στρατήγημα δὲ τοῦτ’ ἦν, ἵνα διασπάσωσί τ’ αὐτῶν τὰσ τάξεισ καὶ ἐξ ὑπερδεξιοῦ γένωνται χωρίου.