호흡부호 보기
강세부호 보기
장단부호 보기
작은 Iota 보기
모든 부호 보기
πρὸσ δὲ τούτοισ διεξῄεσαν, ὅτι δημεῦσαι τὰ κοινὰ τῆσ πόλεωσ ἐπιβαλόμενοσ οὔτε τῆσ βουλῆσ ψηφισαμένησ οὔτε τῷ συνυπάτῳ δοκοῦν, βίᾳ κυροῦν ἐμέλλησε τὸν νόμον, ὃσ οὐ καθ’ ἓν τοῦτο μόνον ἦν ἀσύμφορόσ τε καὶ ἄδικοσ, ὅτι προβουλεῦσαι δέον τὸ συνέδριον καὶ εἰ δόξειεν ἐκείνῳ κοινὴν ἁπάντων εἶναι τῶν ἐν τέλει τὴν φιλανθρωπίαν ἑνὸσ ἀνδρὸσ ἐποίει τὴν χάριν· ἀλλὰ καὶ κατ’ ἐκεῖνο τὸ πάντων σχετλιώτατον, ὅτι λόγῳ μὲν δόσισ ἦν τοῖσ πολίταισ τῆσ δημοσίασ χώρασ, ἔργῳ δ’ ἀφαίρεσισ, Ῥωμαίων μὲν τῶν κτησαμένων αὐτὴν μίαν μοῖραν ληψομένων, Ἑρνίκων δὲ καὶ Λατίνων, ἧσ οὐθὲν αὐτοῖσ μετῆν, τὰσ δύο·
καὶ ὡσ οὐδὲ τοῖσ δημάρχοισ ἐναντιωθεῖσι καὶ παραλύειν ἐκ τοῦ νόμου θάτερον ἀξιοῦσι μέροσ τὸ κατὰ τὴν ἰσομοιρίαν τῶν ἐπηλύδων, ἐπείσθη, ἀλλὰ καὶ δημάρχοισ καὶ συνυπάτῳ καὶ βουλῇ καὶ πᾶσι τοῖσ ὑπὲρ τοῦ κοινοῦ τὰ κράτιστα βουλευομένοισ τἀναντία πράττων διετέλεσε.
ἀφανεῖσ.
ὑπαχθείσ, οὓσ ὁ ἀνὴρ ἐκ πολλῆσ παρασκευῆσ συγκειμένουσ διέθετο, οὔτ’ οἴκτῳ ἐνδοὺσ τριῶν μὲν αὐτῷ παίδων μεγάλην παρεχόντων εἰσ ἔλεον ἐπικουρίαν, πολλῶν δ’ ἄλλων συγγενῶν τε καὶ ἑταίρων συνολοφυρομένων, οὔτε τῶν κατὰ πολέμουσ ἔργων, δι’ οὓσ ἐπὶ μήκιστον ἦλθε τιμῆσ φειδὼ λαβών τινα, καταψηφίζεται τὴν δίκην.
οὕτωσ τ’ ἄρα ἦν πικρὸσ πρὸσ τὸ τῆσ τυραννίδοσ ὄνομα, ὥστ’ οὐδ’ ἐν τῷ τιμήματι τῆσ δίκησ μετρίᾳ ὀργῇ ἐχρήσατο πρὸσ αὐτόν, ἀλλὰ θανάτου ἐτίμησεν.
εἰσῄει γὰρ αὐτὸν δέοσ, μὴ φυγὰσ ἐλασθεὶσ ἐκ τῆσ πατρίδοσ ἀνὴρ στρατηγῆσαι πολέμουσ τῶν τότε δεινότατοσ ὅμοια δράσῃ Μαρκίῳ τά τε φίλια διαβάλλων καὶ τὰ ἐχθρὰ συνιστὰσ καὶ πόλεμον ἄσπειστον ἐπαγάγῃ τῇ πατρίδι. τοῦτο τὸ τέλοσ τῆσ δίκησ λαβούσησ ἀγαγόντεσ οἱ ταμίαι τὸν ἄνδρα ἐπὶ τὸν ὑπερκείμενον τῆσ ἀγορᾶσ κρημνόν, ἁπάντων ὁρώντων ἔρριψαν κατὰ τῆσ πέτρασ. αὕτη γὰρ ἦν τοῖσ τότε Ῥωμαίοισ ἐπιχώριοσ τῶν ἐπὶ θανάτῳ ἁλόντων ἡ κόλασισ.
호흡부호 보기
강세부호 보기
장단부호 보기
작은 Iota 보기
모든 부호 보기