헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 69)

ταῦτα τῆσ βουλῆσ ψηφισαμένησ ἀναστρέψασ εἰσ τὴν πόλιν ὁ Κάσσιοσ θρίαμβον κατάγειν ἠξίου δεύτερον ὡσ τὰ μέγιστα τῶν ἐθνῶν κεχειρωμένοσ, χάριτι μᾶλλον ἁρπάζων τὸ τίμιον ἢ τῷ δικαίῳ λαμβάνων, ὃσ οὔτε πόλεισ κατὰ κράτοσ ἑλὼν ἐκ τειχομαχίασ, οὔτ’ ἐν ὑπαίθρῳ μάχῃ στρατιὰν πολεμίων τρεψάμενοσ αἰχμάλωτα καὶ σκῦλα, οἷσ κοσμεῖται θρίαμβοσ, ἔμελλε κατάγειν. τοιγάρτοι δόξαν αὐθαδείασ καὶ τοῦ μηδὲν ἔτι τῶν ὁμοίων τοῖσ ἄλλοισ φρονεῖν τοῦτο τὸ ἔργον αὐτῷ πρῶτον ἤνεγκε.

διαπραξάμενοσ δὲ τὸν θρίαμβον αὑτῷ δοθῆναι τὰσ πρὸσ Ἕρνικασ ἐξήνεγκεν ὁμολογίασ·

αὐτὴν τοῖσ ἴσοισ, οὐδὲ μετὰ κοινῆσ γνώμησ τῶν συνέδρων, ἀλλ’ ὡσ αὐτῷ ἐδόκει γράψασ ἐξήνεγκε τὰσ ὁμολογίασ.

ἦν τ’ ἄρα τὸ ἐν πολλοῖσ εὐτυχεῖν σφαλερὸν ἀνθρώπῳ χρῆμα καὶ ἀσύμφορον·

αὐχήματόσ τε γὰρ ἀνοήτου πολλοῖσ αἴτιον γενόμενον λανθάνει καὶ ἐπιθυμιῶν ἀρχηγὸν ἐκβαινουσῶν τὴν ἀνθρωπίνην φύσιν· ὃ καὶ τῷ ἀνδρὶ ἐκείνῳ συνέβη. τρισὶ γὰρ ὑπατείαισ καὶ δυσὶ θριάμβοισ μόνοσ τῶν τότε ἀνθρώπων ὑπὸ τῆσ πόλεωσ τετιμημένοσ σεμνότερον ἑαυτὸν ἦγε καὶ μοναρχικῆσ ἐξουσίασ ἐλάμβανε πόθον· ἐνθυμούμενοσ δ’ ὅτι τοῖσ βασιλείασ ἢ τυραννίδοσ ἐφιεμένοισ ῥᾴστη τε καὶ ἀσφαλεστάτη πασῶν ἐστιν ὁδὸσ ἡ τὸ πλῆθοσ εὐεργεσίαισ τισὶν ὑπαγομένη καὶ ἐκ τῶν χειρῶν τοῦ διδόντοσ τὰ κοινὰ σιτεῖσθαι ἐθίζουσα, ταύτην ἐτράπετο· καὶ αὐτίκα οὐθενὶ προειπών·

ἦν γάρ τισ χώρα δημοσία πολλὴ παρημελημένη τε καὶ ὑπὸ τῶν εὐπορωτάτων κατεχομένη, ταύτην ἔγνω τῷ δήμῳ διανέμειν. καὶ εἰ μὲν ἄχρι τοῦδ’ ἐλθὼν ἠρκέσθη, τάχ’ ἂν αὐτῷ κατὰ νοῦν τὸ ἔργον ἐχώρησε·

νῦν δὲ πλειόνων ὀρεγόμενοσ στάσιν οὐ μικρὰν ἤγειρεν, ἐξ ἧσ οὐκ εὐτυχὲσ τὸ τέλοσ αὐτῷ συνέβη. Λατίνουσ τε γὰρ ἠξίου τῇ καταγραφῇ τῆσ χώρασ συμπεριλαμβάνειν καὶ τοὺσ νεωστὶ προσληφθέντασ εἰσ τὴν πολιτείαν Ἕρνικασ οἰκεῖα ἑαυτῷ παρασκευάσασ τὰ ἔθνη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 69

(디오니시오스, Antiquitates Romanae, Books VII-IX, book 8, chapter 69)

상위

목록

SEARCH

MENU NAVIGATION