헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 31)

ἴθι δή μοι, Μηνύκιε, ἀπόκριναι, πότερα καὶ τῇ βουλῇ τῆσ τιμωρίασ ἄξιοσ ἐφάνην εἶναι, ὅτι τὰ κράτιστα ἐπολιτευόμην τε καὶ ἔπραττον, ἢ τῷ δήμῳ μόνῳ; εἰ μὲν γὰρ ἅπασι ταὐτὰ ἐδόκει τότε καὶ πάντεσ με ἀπηλάσατε, φανερὸν ὅτι πάντεσ οἱ ταῦτα βουληθέντεσ ἀρετὴν μισεῖτε, καὶ τόποσ οὐδείσ ἐστιν ἐν τῇ πόλει δεχόμενοσ καλοκαγαθίαν· εἰ δὲ βιασθεῖσα ἡ βουλὴ συνεχώρησε τῷ δήμῳ καὶ τὸ ἔργον αὐτῆσ ἀνάγκησ ἦν, οὐ γνώμησ, ὁμολογεῖτε δήπου πονηροκρατεῖσθαι καὶ μηδενὸσ εἶναι τὴν βουλὴν ὧν ἂν προέληται κυρίαν. ἔπειτ’ εἰσ τοιαύτην ἀξιοῦτέ με κατελθεῖν πόλιν, ἐν ᾗ τὸ κρεῖττον μέροσ ὑπὸ τοῦ χείρονοσ ἄρχεται;

πολλὴν ἄρα κατεγνώκατέ μου μανίαν. φέρε, καὶ δὴ πέπεισμαι καὶ διαλυσάμενοσ τὸν πόλεμον, ὥσπερ ἀξιοῦτε, κατελήλυθα, τίσ ἡ μετὰ ταῦτ’ ἔσται μου διάνοια καὶ τίνα βίον ζήσομαι; πότερα τἀσφαλὲσ καὶ ἀκίνδυνον αἱρούμενοσ ἀρχάσ τε καὶ τιμὰσ καὶ τἆλλα ἀγαθά, ὧν ἄξιον ἐμαυτὸν ἡγοῦμαι, μετιὼν θεραπεύειν ὑπομενῶ τὸν ἔχοντα τὴν τούτων ἐξουσίαν ὄχλον;

πονηρὸσ ἄρα ἐξ ἀγαθοῦ γενήσομαι, καὶ οὐδὲν ἔσται μοι τῆσ προτέρασ ἀρετῆσ ὄφελοσ. ἀλλ’ ἐν τοῖσ αὐτοῖσ ἤθεσι μένων καὶ τὴν αὐτὴν προαίρεσιν τῆσ πολιτείασ φυλάττων ἐναντιώσομαι τοῖσ μὴ ταὐτὰ προαιρουμένοισ;

εἶτα οὐ πρόδηλον, ὅτι πολεμήσει μοι πάλιν ὁ δῆμοσ καὶ δίκασ ἑτέρασ πάλιν ἀξιώσει λαμβάνειν, τοῦτ’ αὐτὸ πρῶτον ἔγκλημα ποιούμενοσ, ὅτι τῆσ καθόδου δι’ ἐκείνου τυχὼν οὐ τὰ πρὸσ ἡδονὴν αὐτῷ πολιτεύομαι; οὐκ ἔνεστ’ ἄλλωσ εἰπεῖν. με διιστάναι τοὺσ πολίτασ ἀπ’ ἀλλήλων ἢ κατὰ τοῦ δήμου πράττειν ἐπιβουλὴν ἢ προδιδόναι τοῖσ πολεμίοισ τὴν πόλιν ἢ τυραννίδι, ὥσπερ καὶ Δέκιοσ ᾐτιάσατο, ἐπιχειρεῖν ἢ ἄλλο ἀδικεῖν, ὁτιδήποτ’ ἂν αὐτῷ φανῇ·

οὐ γὰρ ἀπορήσει τὸ μισοῦν αἰτίασ.

ἥξει τε πρὸσ τοῖσ ἄλλοισ ἐγκλήμασι καὶ ταυτὶ φερόμενα οὐκ εἰσ μακράν, ὅσα ἐν τῷ πολέμῳ πέπρακταί μοι τούτῳ, ὅτι χώραν ὑμῶν τέτμηκα καὶ λείαν ἀπελήλακα καὶ πόλεισ ἀφῄρημαι καὶ τοὺσ ὑπὲρ τούτων ἀμυνομένουσ τοὺσ μὲν πεφόνευκα, τοὺσ δὲ τοῖσ πολεμίοισ παραδέδωκα. ταῦτ’ ἐὰν οἱ κατήγοροι λέγωσι, τί φήσω πρὸσ αὐτοὺσ ἀπολογούμενοσ ἢ τίνι βοηθείᾳ χρήσομαι;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 31

(디오니시오스, Antiquitates Romanae, Books VII-IX, book 8, chapter 31)

상위

목록

SEARCH

MENU NAVIGATION