Ancient Greek Text

Dionysius of Halicarnassus, Antiquitates Romanae, Books VII-IX, book 8, chapter 23

(디오니시오스, Antiquitates Romanae, Books VII-IX, book 8, chapter 23)

ὅτι μὲν οὐ δίκαια πέπονθασ ὑπὸ τοῦ δήμου, ὦ Μάρκιε, μετ’ αἰτίασ αἰσχρᾶσ ἐξελασθεὶσ ἐκ τῆσ πατρίδοσ, ἅπαντεσ ἴσμεν· καὶ οὐδὲν οἰόμεθά σε ποιεῖν θαυμαστόν, εἰ χαλεπαίνεισ καὶ ἀγανακτεῖσ ἐπὶ ταῖσ τύχαισ. κοινὸσ γὰρ δὴ τῆσ ἁπάντων φύσεωσ οὗτοσ ὁ νόμοσ, ἐχθρὸν εἶναι τῷ δράσαντι τὸ πεπονθὸσ κακῶσ. ὅτι δ’ οὐ μετὰ λογισμοῦ σώφρονοσ ἐξετάζεισ, οὓσ ἀμύνεσθαί τε καὶ τιμωρεῖσθαί σοι προσῆκεν, οὐδὲ μετριάζεισ περὶ τὴν ἀνάπραξιν τῆσ δίκησ, ἀλλ’ ἐν ταὐτῷ τίθεσαι τά τ’ ἀναίτια τοῖσ αἰτίοισ καὶ τὰ φίλια τοῖσ πολεμίοισ, νόμουσ τε κινεῖσ φύσεωσ ἀκινήτουσ καὶ τὰ πρὸσ τοὺσ θεοὺσ συνταράττεισ ὅσια, καὶ οὐδὲ σεαυτὸν ἐξ ὧν τε καὶ ὅστισ ἔφυσ ἔτι μέμνησαι, τοῦτο τεθαυμάκαμεν.

ἥκομέν τ’ ἀποσταλέντεσ ὑπὸ τοῦ κοινοῦ πρέσβεισ οἱ προὔχοντεσ ἡλικίᾳ τῶν πατρικίων καὶ περὶ σὲ προθυμότατοι μεμιγμένην φέροντεσ δικαιολογίαν παραιτήσει, καὶ ἐφ’ οἷσ ἀξιοῦμέν σε διαλύσεσθαι τὴν ἔχθραν, πρὸσ τὸν δῆμον ἀπαγγελοῦντεσ·

πρὸσ δὲ τούτοισ, ἃ νομίζομεν εἶναι κάλλιστα καὶ συμφορώτατά σοι, ταῦτα παραινέσοντεσ.