헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 18)

ὁ δὲ στρατηγόσ, ἐπειδὴ τὰ σώματα καὶ τὰ χρήματα πάντα ἐξεκεκόμιστο, τὴν πόλιν ἔρημον καταλιπὼν ἀπῆγε τὴν δύναμιν ἐπὶ Βῶλαν Λατίνων ἑτέραν πόλιν. ἔτυχον δὲ καὶ οἱ Βωλανοὶ προεγνωκότεσ αὐτοῦ τὴν ἔφοδον καὶ παρεσκευασμένοι πάντα τὰ πρὸσ τὸν ἀγῶνα ἐπιτήδεια. ὁ μὲν οὖν Μάρκιοσ ὡσ ἐξ ἐφόδου τὴν πόλιν αἱρήσων κατὰ πολλὰ μέρη τοῦ τείχουσ ἐποιεῖτο τὰσ προσβολάσ·

οἱ δὲ Βωλανοὶ περιμείναντεσ καιρὸν ἐπιτήδειον ἀνοίγουσι τὰσ πύλασ, καὶ φερόμενοι κατὰ πλῆθοσ ἐν τάξει τε καὶ κόσμῳ συρράττουσι τοῖσ κατὰ μέτωπον, καὶ πολλοὺσ αὐτῶν ἀποκτείναντεσ, ἔτι δὲ πλείουσ κατατραυματίσαντεσ τούσ τε λοιποὺσ αἰσχρῶσ ἀναγκάσαντεσ φυγεῖν ἀνέστρεψαν εἰσ τὴν πόλιν. ὠσ δ’ ἔγνω τὴν τροπὴν τῶν Οὐολούσκων ὁ Μάρκιοσ·

οὐ γὰρ ἔτυχε παρὼν ἐν ᾧ χωρίῳ τὸ πάθοσ ἐγένετο· παρῆν σὺν ὀλίγοισ κατὰ σπουδὴν καὶ τοὺσ ἐκ τῆσ τροπῆσ σκεδασθέντασ ἀναλαβὼν συνίστατο καὶ παρεθάρρυνε, καὶ ἐπειδὴ κατέστησεν εἰσ τάξεισ, ὑποδείξασ, ἃ δεῖ πράττειν, ἐκέλευσε προσβάλλειν τῇ πόλει κατὰ τὰσ αὐτὰσ πύλασ. χρησαμένων δὲ πάλιν τῶν Βωλανῶν τῇ αὐτῇ πείρᾳ καὶ κατὰ πλῆθοσ ἐκδραμόντων οὐ δέχονται αὐτοὺσ οἱ Οὐολοῦσκοι, ἀλλ’ ἐγκλίναντεσ ἔφευγον κατὰ τοῦ πρανοῦσ, ὡσ ὁ στρατηγὸσ αὐτοῖσ ὑπέθετο·

καὶ οἱ Βωλανοὶ τὴν ἀπάτην οὐκ εἰδότεσ ἐδίωκον ἄχρι πολλοῦ.

ἐπεὶ δὲ πρόσω τῆσ πόλεωσ ἐγένοντο, ἔχων τοὺσ ἐπιλέκτουσ τῶν νέων ὁ Μάρκιοσ ὁμόσε τοῖσ Βωλανοῖσ ἐχώρει· καὶ γίνεται πολὺσ αὐτῶν ἐνταῦθα φόνοσ τῶν μὲν ἀμυνομένων, τῶν δὲ φευγόντων. ὁ δ’ ἀκολουθῶν τοῖσ ἐπὶ τὴν πόλιν ὠθουμένοισ φθάνει, πρὶν ἐπιρραχθῆναι τὰσ πύλασ εἰσβιασάμενοσ εἰσ τὸ τεῖχοσ.

ὡσ δ’ ὁ στρατηγὸσ ἅπαξ ἐγκρατὴσ τῶν πυλῶν ἐγένετο, ἠκολούθει καὶ τὸ ἄλλο τῶν Οὐολούσκων πλῆθοσ, οἱ δὲ Βωλανοὶ τὸ τεῖχοσ ἐκλιπόντεσ ἔφευγον ἐπὶ τὰσ οἰκίασ. γενόμενοσ δὲ καὶ ταύτησ κύριοσ τῆσ πόλεωσ ἐπέτρεψε τοῖσ στρατιώταισ τά τε σώματα ἐξανδραποδίσασθαι καὶ τὰ χρήματα διαρπάσαι καὶ τὸν αὐτὸν τρόπον ὥσπερ καὶ πρότερον ἅπασαν ἐκκομίσασ τὴν λείαν σὺν χρόνῳ τε καὶ κατὰ πολλὴν ἐξουσίαν μετὰ τοῦτο τὴν πόλιν ἐνέπρησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 18

(디오니시오스, Antiquitates Romanae, Books VII-IX, book 8, chapter 18)

상위

목록

SEARCH

MENU NAVIGATION