Dionysius of Halicarnassus, Antiquitates Romanae, Books VII-IX, book 8, chapter 3

ὡσ δ’ ἤκουσε ταῦθ’ ὁ Τύλλοσ, ὑπερηγάσθη τε καὶ τὸν παρόντα καιρὸν τῆσ στρατείασ ἀναβαλόμενοσ περὶ τὴν παρασκευὴν ἐγίνετο τοῦ πολέμου. ἐπεὶ δὲ καθῆκεν ὁ τῆσ ἀρχῆσ καιρόσ, Ιοὐλίου τε καὶ Πιναρίου τὴν ὑπατείαν ἤδη παρειληφότων, ἡ κρατίστη τῶν Οὐολούσκων νεότησ ἐξ ἁπάσησ πόλεωσ, ὡσ ὁ Τύλλοσ ἠξίου, παρῆν ἐπὶ τὴν τῶν ἀγώνων θέαν· ἔχοντεσ καταγωγὰσ ἐν οἰκίαισ τε καὶ παρὰ ξένοισ, καὶ ὁπότε διὰ τῶν στενωπῶν πορεύοιντο κατὰ συστροφὰσ καὶ ἑταιρίασ ἀθρόοι διεξῄεσαν, ὥστε καὶ λόγον ἤδη γίνεσθαι περὶ αὐτῶν ἀνὰ τὴν πόλιν καὶ ὑποψίασ ἀτόπουσ.

ἐν δὲ τούτῳ προσέρχεται τοῖσ ὑπάτοισ ὁ κατασκευασθεὶσ ὑπὸ τοῦ Τύλλου μηνυτήσ, ὡσ ὁ Μάρκιοσ ὑπέθετο, καὶ ὡσ δὴ ἀπόρρητον πρᾶξιν κατὰ τῶν ἑαυτοῦ φίλων ἐχθροῖσ μέλλων ἐκφέρειν ὁρ́κοισ καταλαμβάνεται τοὺσ ὑπάτουσ ὑπὲρ ἀσφαλείασ τε τῆσ αὐτὸσ αὐτοῦ καὶ τοῦ μηδένα Οὐολούσκων μαθεῖν, ὅστισ ἦν ὁ τὴν μήνυσιν κατ’ αὐτῶν πεποιημένοσ.

καὶ μετὰ τοῦτ’ ἐκφέρει τὴν περὶ τῆσ ἐπιθέσεωσ τῆσ κατεψευσμένησ μήνυσιν. ἐδόκει τοῖσ ἀνδράσιν ἀληθὴσ εἶναι ὁ λόγοσ, καὶ αὐτίκα ἡ βουλὴ κατ’ ἄνδρα ὑπὸ τῶν ὑπάτων κληθεῖσα συνῆκτο, καὶ παραχθεὶσ ὁ μηνυτὴσ τοὺσ αὐτοὺσ εἶπε καὶ πρὸσ ἐκείνην τὰ πιστὰ λαβὼν λόγουσ.

ἐδόκει θ’ ἅπασιν ἀπαλλάττειν τοὺσ ἄνδρασ ἐκ τῆσ πόλεωσ πρὶν ἥλιον δῦναι, τοῖσ δὲ μὴ πεισθεῖσιν ἐπικηρύξαι θάνατον, ἐπιμεληθῆναι δὲ τῆσ ἀπαλλαγῆσ αὐτῶν, ἵνα χωρὶσ ὕβρεωσ καὶ μετ’ ἀσφαλείασ γένοιτο, τοὺσ ὑπάτουσ.