헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 7

(디오니시오스, Antiquitates Romanae, Books VII-IX, book 8, chapter 7)

φέρε δή, τίσ ἂν εἰήν ἀνήρ, εἰ δόξησ καὶ τιμῶν, ὧν προσῆκέ μοι παρὰ τοῖσ ἐμαυτοῦ πολίταισ τυγχάνειν, παρὰ τῶν εὖ παθόντων ἀποστερηθείσ, πρὸσ δὲ τούτοισ πατρίδοσ τε καὶ οἴκου καὶ φίλων καὶ θεῶν πατρῴων καὶ τάφων προγονικῶν καὶ παντὸσ ἄλλου ἀπελασθεὶσ ἀγαθοῦ, παρ’ ὑμῖν δ’ ἅπαντα ταῦθ’ εὑρών, οἷσ ἐκείνων χάριν ἐπολέμουν, εἰ μὴ γενοίμην χαλεπὸσ μὲν οἷσ ἀντὶ πολιτῶν ἐχθροῖσ κέχρημαι, χρηστὸσ δ’ οἷσ ἀντὶ πολεμίων φίλοισ; ἀλλ’ ἔγωγ’ οὐδ’ ἐν ἀνδρὸσ μοίρᾳ θείην ἄν, ὅστισ μήτε τὸ πολεμοῦν δι’ ὀργῆσ ἔχει μήτε τὸ σῶζον ἑαυτὸν δι’ εὐνοίασ. πατρίδα θ’ ἡγοῦμαι οὐ τὴν ἀπαρνησαμένην με πόλιν, ἀλλ’ ἧσ ἀλλότριοσ ὢν πολίτησ γέγονα, γῆν τ’ οὐκ ἐν ᾗ ἠδίκημαι φίλην, ἀλλ’ ἐν ᾗ τὸ ἀσφαλὲσ ἔχω.

καὶ ἂν θεόσ τε συλλαμβάνῃ καὶ τὰ ὑμέτερα ὡσ εἰκὸσ πρόθυμα ᾖ, μεγάλην καὶ ταχεῖαν ἐλπίζω γενήσεσθαι τὴν μεταβολήν.

εὖ γὰρ ἴστε, ὅτι πολλῶν ἤδη πολεμίων πειραθέντεσ Ῥωμαῖοι οὐθένασ μᾶλλον ἔδεισαν ὑμῶν, οὐδ’ ἐστίν, ἐφ’ ᾧ μᾶλλον σπουδάζοντεσ διατελοῦσιν ἢ ὅπωσ τὸ ὑμέτερον ἔθνοσ ἀσθενὲσ ἀποδείξουσι. καὶ διὰ τοῦτο τὰσ μὲν πολέμῳ λαβόντεσ ὑμῶν ἔχουσι πόλεισ, τὰσ δὲ φιλίασ ἐλπίδι παρακρουσάμενοι, ἵνα μὴ καθ’ ἓν ἅπαντεσ γενόμενοι κοινὸν ἐξενέγκητε κατ’ αὐτῶν πόλεμον.

νυνί, ῥᾳδίωσ αὐτῶν τὸ κράτοσ παύσετε.