헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 38

(디오니시오스, Antiquitates Romanae, Books VII-IX, book 8, chapter 38)

ταῦτα δὲ πράττοντεσ καὶ παρασκευαζόμενοι τῆσ τ’ ἐλπίδοσ οὔπω ἀφιστάμενοι ὡσ δυνατὸν ὑπάρχον ἔτι μεταπεισθῆναι τὸν Μάρκιον, εἰ μείζονι καὶ τιμιωτέρᾳ πρεσβείᾳ δεηθεῖεν αὐτοῦ, ψηφίζονται τούσ θ’ ἱεροφάντασ καὶ τοὺσ οἰωνοσκόπουσ καὶ τοὺσ ἄλλουσ ἅπαντασ, ὅσοι τιμήν τινα ἱερὰν ἢ λειτουργίαν περὶ τὰ θεῖα δημοτελῆ λαβόντεσ εἶχον· εἰσὶ δὲ παρ’ αὐτοῖσ ἱερεῖσ καὶ θεραπευταὶ θεῶν πάνυ πολλοὶ καὶ αὐτοὶ οὗτοι διαφανέστατοι τῶν ἄλλων κατά τ’ οἴκουσ πατέρων καὶ ἀρετῆσ οἰκείασ ἀξίωσιν· τῶν ὀργιαζομένων τε καὶ θεραπευομένων θεῶν τὰ σύμβολα καὶ τὰσ ἱερὰσ ἀμπεχομένουσ ἐσθῆτασ ἀθρόουσ ἐπὶ τὸν χάρακα τῶν πολεμίων πορεύεσθαι τοὺσ αὐτοὺσ φέροντασ τοῖσ προτέροισ λόγουσ.

ὡσ δ’ ἀφίκοντο οἱ ἄνδρεσ καὶ ἔλεξαν, ὅσα ἡ βουλὴ αὐτοῖσ ἐπέστελλεν, οὐδὲ τούτοισ ἔδωκεν ὁ Μάρκιοσ ἀπόκρισιν ὑπὲρ ὧν ἠξίουν, ἀλλ’ ἢ τὰ κελευόμενα ποιεῖν συνεβούλευεν ἀπιόντασ, εἰ θέλουσιν εἰρήνην ἄγειν, ἢ προσδέχεσθαι τὸν πόλεμον ἥξοντα πρὸσ τὴν πόλιν, καὶ τὸ λοιπὸν ἀπεῖπε μὴ διαλέγεσθαι πρὸσ αὐτόν.

οἷσ ἔτι τὰ σώματα ἱκανὰ ἦν κακοπαθεῖν, ἐπὶ τοῖσ τείχεσιν.