헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 24)

ἀρχέτω δ’ ὁ περὶ τῶν δικαίων λόγοσ. συνέστη τὸ δημοτικὸν ἐπὶ σοὶ παροξυνθὲν ὑπὸ τῶν δημάρχων, καὶ ἧκον ὡσ ἀποκτενοῦντέσ σε ἄκριτον, οἷσ φοβερὸσ ἦσθα. τοῦτο τὸ ἔργον ἐκωλύσαμεν ἡμεῖσ οἱ ἐκ τοῦ συνεδρίου καὶ παρέσχομέν σοι μηθέν, ὃ μὴ δίκαιον ἦν τότε παθεῖν. μετὰ τοῦτο προὐκαλοῦντό σε οἱ κωλυθέντεσ ἀνελεῖν ἐπὶ δίκην, αἰτιασάμενοι πονηροὺσ κατ’ αὐτῶν εἰπεῖν ἐν τῇ βουλῇ λόγουσ. ἐνέστημεν καὶ πρὸσ τοῦτο, ὡσ οἶσθα, καὶ οὐκ ἐπετρέψαμεν οὔτε γνώμησ οὔτε λόγων ὑποσχεῖν σε δίκασ.

ἀποτυχόντεσ καὶ τούτου τελευτῶντεσ ἧκον ἐφ’ ἡμᾶσ αἰτιώμενοί σε τυραννίδι ἐπιχειρεῖν. ἀναλαβεῖν.

ἡ βουλὴ δὲ καὶ τότε παρῆν καὶ πολλὰσ ἐποιεῖτο δεήσεισ περὶ σοῦ.

τίνοσ οὖν ἡμεῖσ οἱ πατρίκιοι τῶν συμβεβηκότων σοι κακῶν γεγόναμεν αἴτιοι, καὶ διὰ τί πολεμεῖσ ἡμῖν τοσαύτην εὔνοιαν ἀποδειξαμένοισ περὶ σὲ κατὰ τὸν τότε ἀγῶνα; ἀλλὰ μὴν οὐδὲ τὸ δημοτικὸν ἅπαν ἐξελασθῆναί σε βουλόμενον εὑρέθη· δυσὶ γοῦν ψήφοισ ἑάλωσ μόναισ, ὥστ’ οὐδὲ τούτοισ ἂν εἰήσ σὺν δίκῃ πολέμιοσ, οἵ σε ὡσ οὐδὲν ἀδικοῦντα ἀπέλυσαν. τίθημι δ’, εἰ βούλει, πᾶσι μὲν τοῖσ δημόταισ δόξαν, ὅλῃ δὲ τῇ βουλῇ φανὲν ταύτῃ χρήσασθαί σε τῇ συμφορᾷ, καὶ δίκαιον εἶναί σου τὸ πρὸσ ἅπαντασ ἡμᾶσ μῖσοσ·

ἀλλ’ αἱ γυναῖκέσ σε, ὦ Μάρκιε, τί δεινὸν εἰργάσαντο, ἀνθ’ ὅτου πολεμεῖσ αὐταῖσ; ποίαν ἐπενέγκασαι περὶ φυγῆσ ψῆφον ἢ τίνασ εἰποῦσαι κατὰ σοῦ πονηροὺσ λόγουσ; τί δ’ οἱ παῖδεσ ἡμῶν δράσαντεσ ἢ διανοηθέντεσ ἀδικεῖν περὶ σοῦ κινδυνεύουσιν ὑπὲρ αἰχμαλωσίασ καὶ τῶν ἄλλων, ἃ παθεῖν αὐτοὺσ εἰκόσ, ἐὰν ἡ πόλισ ἁλῷ;

Μάρκιε, καὶ εἰ τοῦτον οἰεί δεῖν τὸν τρόπον τὰ ὑπαίτια καὶ ἐχθρὰ μισεῖν, ὥστε μηδὲ τῶν ἀναιτίων φείδεσθαι καὶ φιλίων, οὐκ ἄρα τὰ προσήκοντα ἀνδρὶ ἀγαθῷ φρονεῖσ.

ἵνα δὲ πάντα ταῦτα ἀφῶ, τί ἂν ἔχοισ εἰπεῖν, ὦ πρὸσ Διόσ, εἴ τισ ἔροιτό σε, τοὺσ δὲ δὴ τάφουσ τῶν προγόνων τί παθὼν ἀνασκάπτεισ καὶ τιμάσ, ἃσ κομίζονται παρ’ ἀνθρώπων, ἀφαιρῇ; θεῶν δὲ βωμοὺσ καὶ τεμένη καὶ νεὼσ τίνοσ ἀδικήματοσ ὀργῇ συλᾷσ καὶ κατακαίεισ καὶ ἀνατρέπεισ καὶ σεβασμῶν οὐκ ἐᾷσ τυγχάνειν τῶν νομίμων;

τί πρὸσ ταῦτα φαίησ ἄν; ἐγὼ μὲν γὰρ οὐδὲν ὁρῶ. ταῦτά σοι περί τε ἡμῶν αὐτῶν, ὦ Μάρκιε, τῶν ἐκ τοῦ συνεδρίου καὶ περὶ τῶν ἄλλων πολιτῶν, οὓσ ἀπολέσαι προθυμῇ κακὸν οὐδὲν ὑπ’ αὐτῶν πεπονθώσ, τάφων τε καὶ ἱερῶν καὶ πόλεωσ τῆσ γειναμένησ τε καὶ θρεψαμένησ τὰ δίκαια εἰρήσθω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 24

(디오니시오스, Antiquitates Romanae, Books VII-IX, book 8, chapter 24)

상위

목록

SEARCH

MENU NAVIGATION