호흡부호 보기
강세부호 보기
장단부호 보기
작은 Iota 보기
모든 부호 보기
γενόμενοσ δ’ ἐν ἡμέραισ τριάκοντα πόλεων ἑπτὰ κύριοσ ἧκεν ἐπὶ τὴν Ῥώμην ἄγων πολὺ πλείω στρατιὰν τῆσ προτέρασ καὶ σταδίουσ ἀποσχὼν τῆσ πόλεωσ ὀλίγῳ πλείουσ τῶν τριάκοντα παρὰ τὴν ἐπὶ Τυσκλανοὺσ φέρουσαν ὁδὸν κατεστρατοπέδευσεν. ἐν ᾧ δὲ τὰσ Λατίνων ἐξῄρει τε καὶ προσήγετο πόλεισ, Ῥωμαίοισ πρὸσ τὰσ ἐπιταγὰσ αὐτοῦ πολλὰ βουλευσαμένοισ ἔδοξε μηδὲν ἀνάξιον ποιεῖν τῆσ πόλεωσ, ἀλλ’ ἐὰν μὲν ἀπέλθωσιν αὐτῶν ἐκ τῆσ χώρασ Οὐολοῦσκοι καὶ τῆσ τῶν συμμάχων τε καὶ ὑπηκόων , καὶ καταλυσάμενοι τὸν πόλεμον πρέσβεισ ἀποστείλωσι τοὺσ διαλεξομένουσ περὶ φιλίασ, προβουλεῦσαι τὸ συνέδριον, ἐφ’ οἷσ ἔσονται δικαίοισ φίλοι, καὶ τὰ βουλευθέντα εἰσ τὸν δῆμον ἐξενεγκεῖν·
호흡부호 보기
강세부호 보기
장단부호 보기
작은 Iota 보기
모든 부호 보기