헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 8)

ὃν δὲ τρόπον ἀγωνιεῖσθε καὶ πῶσ χρήσεσθε τοῖσ πράγμασιν, ἐπειδὴ γνώμην ἀξιοῦτέ με ἀποφήνασθαι, εἴτ’ ἐμπειρίαν μοι μαρτυροῦντεσ εἴτ’ εὔνοιαν εἴτε καὶ ἀμφότερα, φράσω καὶ οὐκ ἀποκρύψομαι. πρῶτον μὲν οὖν ὑμῖν παραινῶ σκοπεῖν, ὅπωσ εὐσεβῆ καὶ δικαίαν πορίσησθε τοῦ πολέμου πρόφασιν. εὐσεβὴσ δὲ καὶ δικαία τοῦ πολέμου πρόφασισ, ἥτισ ἂν γένοιτο καὶ ἅμα συμφέρουσα ὑμῖν, ἀκούσατέ μου. Ῥωμαίοισ ἡ μὲν ἐξ ἀρχῆσ ὑπάρξασα γῆ βραχεῖά ἐστι καὶ λυπρά, ἡ δ’ ἐπίκτητοσ, ἣν τοὺσ περιοίκουσ ἀφελόμενοι ἔχουσι, πολλὴ καὶ ἀγαθή·

καὶ εἰ τῶν ἠδικημένων ἕκαστοι τὴν ἑαυτῶν ἀξιοῖεν ἀπολαβεῖν, οὐδὲν οὕτωσ μικρὸν οὐδ’ ἀσθενὲσ οὐδ’ ἄπορον, ὡσ τὸ Ῥωμαίων ἄστυ γενήσεται. τούτου δ’ οἰόμαι δεῖν ὑμᾶσ ἄρξαι.

πέμπετε οὖν πρέσβεισ ὡσ αὐτοὺσ ἀπαιτοῦντεσ ἃσ κατέχουσιν ὑμῶν πόλεισ καὶ ὅσα τείχη ἐν τῇ ὑμετέρᾳ γῇ ἐνετειχίσαντο ἀξιοῦντεσ ἐκλιπεῖν, καὶ εἴ τι ἄλλο βίᾳ σφετερισάμενοι τῶν ὑμετέρων ἔχουσι πείθοντεσ ἀποδιδόναι. πολέμου δὲ μήπω ἄρχετε, πρὶν ἢ λαβεῖν τὰσ παρ’ αὐτῶν ἀποκρίσεισ. ἐὰν γὰρ ταῦτα ποιήσητε, δυεῖν ὧν βούλεσθε ὑπάρξει θάτερον ὑμῖν· ἢ τὰ ἑαυτῶν ἀπολήψεσθε ἄνευ κινδύνων καὶ δαπάνησ, ἢ καλὴν καὶ δικαίαν πρόφασιν εἰληφότεσ ἔσεσθε τοῦ πολέμου. τὸ γὰρ μὴ τῶν ἀλλοτρίων ἐπιθυμεῖν, ἀλλὰ τὰ ἑαυτῶν ἀπαιτεῖν καὶ μὴ τυγχάνοντασ τούτου πολεμεῖν, ἅπαντεσ ἂν ὁμολογήσουσιν εἶναι καλόν. φέρε δή, τί ποιήσειν οἰέσθε Ῥωμαίουσ ταῦθ’ ὑμῶν προελομένων;

πότερον ἀποδώσειν τὰ χωρία ὑμῖν; καὶ τί κωλύσει πάντων αὐτοὺσ ἀποστῆναι τῶν ἀλλοτρίων; ἥξουσι γὰρ Αἰκανοί τε καὶ Ἀλβανοὶ καὶ Τυρρηνοὶ καὶ πολλοὶ ἄλλοι τὴν ἑαυτῶν ἕκαστοι γῆν ἀποληψόμενοι. ἢ καθέξειν τὰ χωρία καὶ μηθὲν τῶν δικαίων ποιήσειν;

ὅπερ ἐγὼ νομίζω. οὐκοῦν ἀδικεῖσθαι πρότεροι λέγοντεσ ὑπ’ αὐτῶν κατὰ τὸ ἀναγκαῖον ἐπὶ τὰ ὅπλα χωρήσετε καὶ συμμάχουσ ἕξετε, ὅσοι τὰ ἑαυτῶν ἀφαιρεθέντεσ ἀπεγνώκασιν ἄλλωσ ἂν ἔτι αὐτὰ ἢ πολεμοῦντεσ οὐκ ἀπολήψεσθαι. κράτιστοσ δ’ ὁ καιρὸσ καὶ οἱο͂σ οὐκ ἕτεροσ ἐπιθέσθαι Ῥωμαίοισ, ὃν ἡ τύχη τοῖσ ἀδικουμένοισ οὐδ’ ἂν ἐλπισθέντα παρεσκεύασεν, ἐν ᾧ στασιάζουσι καὶ ὑποπτεύουσιν ἀλλήλουσ καὶ ἡγεμόνασ ἔχουσιν ἀπείρουσ πολέμου.

ἃ μὲν οὖν ὑποτίθεσθαι ἔδει λόγοισ καὶ παραινεῖν φίλοισ, μετὰ πάσησ εὐνοίασ καὶ πίστεωσ εἰρημένα ὑπ’ ἐμοῦ, ταῦτ’ ἐστίν, ἃ δὲ παρ’ αὐτὰ τὰ ἔργα ἑκάστοτε προορᾶσθαί τε καὶ μηχανᾶσθαι δεήσει, τοῖσ ἡγεμόσι τῆσ δυνάμεωσ ἐπιτρέψατε διανοεῖσθαι. πρόθυμον γὰρ καὶ τοὐμὸν ἔσται, ἐν ᾧ ἄν με τάττητε τόπῳ, καὶ πειράσομαι μηδενὸσ εἶναι χείρων μήτε στρατιώτου μήτε λοχαγοῦ μήτε ἡγεμόνοσ·

ἀλλὰ καταχρῆσθέ μοι λαβόντεσ, ὅπου ἂν μέλλω τι ὑμᾶσ ὠφελήσειν, καὶ εὖ ἴστε ὅτι, εἰ πολεμῶν ὑμῖν μεγάλα βλάπτειν δυνατὸσ ἦν, καὶ σὺν ὑμῖν ἀγωνιζόμενοσ μεγάλα δυνήσομαι ὠφελεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 8

(디오니시오스, Antiquitates Romanae, Books VII-IX, book 8, chapter 8)

상위

목록

SEARCH

MENU NAVIGATION