Ancient Greek Text

Dionysius of Halicarnassus, Antiquitates Romanae, Books VII-IX, book 8, chapter 88

(디오니시오스, Antiquitates Romanae, Books VII-IX, book 8, chapter 88)

τότε δ’ οὖν οἱ δημόται τῆσ δημαρχικῆσ ἐξουσίασ οὐδὲν ἀπολαύοντεσ ὑφεῖντο τοῦ θράσουσ καὶ προσιόντεσ τοῖσ ἐπὶ τῆσ στρατολογίασ τεταγμένοισ τὸν ἱερὸν ὁρ́κον ὤμνυσαν, καὶ ὑπὸ τὰσ σημαίασ κατεγράφοντο. ἐπεὶ δὲ τὸ ἐλλιπὲσ τῶν λόχων ἐξεπληρώθη, διεκληρώσαντο τὰσ ἡγεμονίασ τῶν στρατοπέδων οἱ ὕπατοι·

καὶ ὁ μὲν Φάβιοσ τὴν ἐπὶ τῇ βοηθείᾳ τῶν συμμάχων ἀποσταλεῖσαν δύναμιν παρελάμβανεν, ὁ δὲ Οὐαλέριοσ τὴν ἐν Οὐολούσκοισ στρατοπεδεύουσαν ἄγων τοὺσ νεωστὶ καταγραφέντασ. μαθοῦσι δὲ τὴν παρουσίαν αὐτοῦ τοῖσ πολεμίοισ ἐδόκει στρατιάν θ’ ἑτέραν μεταπέμπεσθαι καὶ ἐν ἰσχυροτέρῳ τὸ στρατόπεδον ποιήσασθαι χωρίῳ καὶ μηδὲν ἐκ τοῦ καταφρονεῖν αὐτῶν ἔτι προπετὲσ κινδύνευμα ὡσ πρότερον ὑπομένειν.

ἐγεγόνει ταῦτα διὰ ταχέων, ἀμφοτέροισ τε παρέστη τοῖσ ἡγεμόσι τῶν δυνάμεων ὁμοία περὶ τοῦ πολέμου γνώμη, τὰ ἑαυτῶν φυλάττειν ἐρύματα, ἐάν τισ ἐπίῃ, τοῖσ δὲ τῶν πολεμίων ὡσ βίᾳ κρατηθησομένοισ μὴ ἐπιχειρεῖν. καὶ ὁ διὰ μέσου χρόνοσ οὐκ ὀλίγοσ ἐγένετο φόβῳ τῶν ἐπιχειρήσεων τριβόμενοσ·

οὐ μέντοι καὶ εἰσ τέλοσ γε διαμένειν ἐν τοῖσ ἐγνωσμένοισ ἐδυνήθησαν. ὁπότε γὰρ ἐπισιτισμοῦ χάριν ἢ τῶν ἄλλων ἐπιτηδείων τινόσ, ὧν ἀμφοτέροισ ἔδει, μοῖρά τισ ἀποσταλείη τῆσ στρατιᾶσ, συμβολαί τ’ αὐτῶν ἐγίνοντο καὶ πληγαί, καὶ τὸ νικᾶν οὐκ ἀεὶ παρὰ τοῖσ αὐτοῖσ ἔμενε· πολλάκισ δὲ συμπλεκομένων ἀλλήλοισ ἀπέθνησκόν τ’ οὐκ ὀλίγοι καὶ τραυματίαι πλείουσ ἐγίνοντο.

τοῖσ μὲν οὖν Ῥωμαίοισ τὸ ἀπαναλούμενον τῆσ στρατιᾶσ οὐδεμία ποθὲν ἐπικουρία ἐξεπλήρου, τὸ δὲ τῶν Οὐολούσκων στρατόπεδον ἄλλων ἐπ’ ἄλλοισ ἡκόντων πολλὴν αὔξησιν ἐλάμβανε·

καὶ τούτῳ ἐπαρθέντεσ οἱ ἡγεμόνεσ ἐξῆγον ἐκ τοῦ χάρακοσ τὴν δύναμιν ὡσ εἰσ μάχην.