헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 72)

τούτοισ δὴ τοῖσ λόγοισ τοῦ Κασσίου θαμινὰ μεταπείθοντοσ ἐν ταῖσ ἐκκλησίαισ τὸν ὄχλον παρελθὼν εἷσ τῶν δημάρχων, Γάϊοσ Ῥαβολήιοσ, ἀνὴρ οὐκ ἄφρων, τήν τε διχοστασίαν τῶν ὑπάτων ὑπέσχετο παύσειν οὐκ εἰσ μακράν, καὶ τῷ δήμῳ ποιήσειν φανερόν, ὅ τι χρὴ ποιεῖν. ἐπισημασίασ δὲ γενομένησ αὐτῷ μεγάλησ καὶ μετὰ τοῦτο σιωπῆσ· οὐχὶ ταῦτ’, εἶπεν, ὦ Κάσσιε, καὶ σὺ Οὐεργίνιε, τὰ κεφάλαιά ἐστι τοῦ νόμου; ἓν μέν, εἰ χρὴ τὴν δημοσίαν γῆν κατ’ ἄνδρα διανεμηθῆναι, ἕτερον δ’, εἰ χρὴ καὶ Λατίνουσ καὶ Ἕρνικασ μέροσ αὐτῆσ λαβόντασ ἔχειν;

ὁμολογησάντων δ’ αὐτῶν· εἰε͂ν δή·

σὺ μέν, εἶπεν, ὦ Κάσσιε, ἀμφότερα ταῦτ’ ἐπιψηφίζειν ἀξιοῖσ τὸν δῆμον, σὺ δὲ δὴ πρὸσ θεῶν, ὦ Οὐεργίνιε, λέξον ἡμῖν, πότερα θάτερον ἀκυροῖσ τῆσ. Κασσίου γνώμησ μέροσ τὸ κατὰ τοὺσ συμμάχουσ οὐκ οἰόμενοσ δεῖν ἰσομοίρουσ ἡμῖν Ἕρνικάσ τε καὶ Λατίνουσ ποιεῖν, ἢ καὶ θάτερον μόνον ἀκυροῖσ ἀξιῶν οὐδὲ ἡμῖν αὐτοῖσ διανέμειν τὰ κοινά; ταυτὶ γὰρ ἀπόκριναί μοι μηδὲν ἀποκρυψάμενοσ. εἰπόντοσ δὲ τοῦ Οὐεργινίου τῇ Λατίνων τε καὶ Ἑρνίκων ἀντιλέγειν ἰσομοιρίᾳ, τὸ δὲ κατὰ τοὺσ πολίτασ, εἰ πᾶσι δόξειε, διανέμεσθαι συγχωρεῖν, ἐπιστρέψασ ὁ δήμαρχοσ εἰσ τὸν ὄχλον εἶπεν·

ἐπεὶ τοίνυν τὸ μὲν ἕτερον τῆσ γνώμησ μέροσ ἀμφοτέροισ τοῖσ ὑπάτοισ συνδοκεῖ, τὸ δ’ ἕτερον ἀντιλέγεται πρὸσ θατέρου, ἰσότιμοι δ’ ἀμφότεροι, καὶ οὐχ οἱο͂́ν τε βιάσασθαι θατέρῳ τὸν ἕτερον, ὃ μὲν δίδοται δοται παρ’ ἀμφοτέρων, ἤδη λάβωμεν, ὑπὲρ οὗ δ’ ἀμφισβητοῦσιν, ἀναβαλώμεθα. ἐπισημήναντοσ δὲ τοῦ πλήθουσ ὡσ τὰ πράτιστα ὑποθεμένῳ καὶ καταλύειν ἐκ τοῦ νόμου τὸ ποιοῦν διχοστασίαν μέροσ ἀξιοῦντοσ, ἀπορῶν, ὅ τι χρὴ πράττειν, ὁ Κάσσιοσ καὶ οὔτ’ ἀναθέσθαι τὴν γνώμην προαιρούμενοσ οὔτε μένειν ἐπ’ αὐτῆσ ἀντιπραττόντων τῶν δημάρχων δυνάμενοσ, τότε μὲν διέλυσε τὴν ἐκκλησίαν, ταῖσ δ’ ἑξῆσ ἡμέραισ ἀρρωστίαν σκηπτόμενοσ οὐκέτι κατέβαινεν εἰσ τὴν ἀγοράν, ἀλλ’ ὑπομένων ἔνδον ἐπραγματεύετο βίᾳ καὶ χειροκρασίᾳ κυρῶσαι τὸν νόμον·

καὶ μετεπέμπετο Λατίνων τε καὶ Ἑρνίκων ὅσουσ ἐδύνατο πλείστουσ ἐπὶ τὴν ψηφοφορίαν.

οἱ δὲ συνῄεσαν ἀθρόοι, καὶ δι’ ὀλίγου μεστὴ ξένων ἦν ἡ πόλισ.

ταῦτα μαθὼν ὁ Οὐεργίνιοσ κηρύττειν ἐκέλευσε κατὰ τοὺσ στενωποὺσ ἀπιέναι τοὺσ μὴ κατοικοῦντασ ἐν τῇ πόλει, χρόνον ὁρίσασ οὐ πολύν. ὁ δὲ Κάσσιοσ τἀναντία ἐκέλευσε κηρύττειν παραμένειν τοὺσ μετέχοντασ τῆσ ἰσοπολιτείασ, ἑώσ ἂν ἐπικυρωθῇ ὁ νόμοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 72

(디오니시오스, Antiquitates Romanae, Books VII-IX, book 8, chapter 72)

상위

목록

SEARCH

MENU NAVIGATION