헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 41)

ἡ μὲν δὴ ταῦτ’ εἰποῦσα καὶ πολλὰ προεμένη δάκρυα ἐσίγησεν· ὀδυρομένων δὲ καὶ τῶν ἄλλων γυναικῶν καὶ πολλὰσ δεήσεισ ποιουμένων μικρὸν ἐπισχοῦσα ἡ Οὐετουρία καὶ δακρύσασα εἶπεν·

εἰσ ἀσθενῆ καὶ λεπτὴν ἐλπίδα καταπεφεύγατε, ὦ Οὐαλερία, τὴν ἐξ ἡμῶν τῶν ἀθλίων γυναικῶν βοήθειαν, αἷσ ἡ μὲν εὔνοια ἡ πρὸσ τὴν πατρίδα πάρεστι καὶ τὸ θέλειν σώζεσθαι τοὺσ πολίτασ, οἱοῖ́ ποτέ εἰσιν, ἡ δ’ ἰσχὺσ καὶ τὸ δύνασθαι ποιεῖν ἃ θέλομεν ἄπεστιν. ἀπέστραπται γὰρ ἡμᾶσ, ὦ Οὐαλερία, Μάρκιοσ, ἐξ οὗ τὴν πικρὰν ἐκείνην ὁ δῆμοσ αὐτοῦ κατέγνω δίκην, καὶ μεμίσηκε τὴν οἰκίαν ὅλην ἅμα τῇ πατρίδι·

τοῦτο δ’ ὑμῖν οὐ παρ’ ἄλλου τινόσ, ἀλλὰ παρ’ αὐτοῦ Μαρκίου μαθοῦσαι λέγειν ἔχομεν. ἐν τοῖσ γόνασι τὰ τέκνα αὐτοῦ στενούσασ τε οἱᾶ εἰκὸσ καὶ ἀνακλαιομένασ τὴν καθέξουσαν ἡμᾶσ τύχην στερομένασ ἐκείνου, στὰσ μικρὸν ἄπωθεν ἡμῶν ἄδακρυσ ὥσπερ λίθοσ καὶ ἀτενήσ·

οἴχεται, φησίν, ὑμῖν Μάρκιοσ, ὦ μῆτερ ἅμα καὶ σύ, ὦ Οὐολουμνία, κρατίστη γυναικῶν, ἐξελασθεὶσ ὑπὸ τῶν πολιτῶν, ὅτι γενναῖοσ ἦν καὶ φιλόπολισ καὶ πολλοὺσ ὑπέμεινεν ὑπὲρ τῆσ πατρίδοσ ἀγῶνασ.

ἀλλ’ ὡσ πρέπει γυναιξὶν ἀγαθαῖσ, οὕτω φέρετε τὰσ συμφορὰσ μηδὲν ἄσχημον ποιοῦσαι μηδὲ ἀγεννέσ, καὶ τὰ παιδία ταῦτα παραμύθια τῆσ ἐμῆσ ἐρημίασ ἔχουσαι τρέφετε ἀξίωσ ὑμῶν τε καὶ τοῦ γένουσ· οἷσ θεοὶ δοῖεν εἰσ ἄνδρασ ἐλθοῦσι τύχην μὲν κρείττονα τοῦ πατρόσ, ἀρετὴν δὲ μὴ χείρονα· καὶ χαίρετε.

ἀπέρχομαι γὰρ ἤδη καταλιπὼν τὴν οὐκέτι χωροῦσαν ἄνδρασ ἀγαθοὺσ πόλιν. καὶ ὑμεῖσ, ὦ θεοὶ κτήσιοι καὶ ἑστία πατρῴα καὶ δαίμονεσ οἱ κατέχοντεσ τοῦτον τὸν τόπον, χαίρετε. ὡσ δὲ ταῦτ’ εἶπεν, ἡμεῖσ μὲν αἱ δυστυχεῖσ ἃσ τὸ πάθοσ ἀπῄτει φωνὰσ ἀναβοῶσαι καὶ παίουσαι τὰ στήθη περιεχύθημεν αὐτῷ τοὺσ ἐσχάτουσ ἀσπασμοὺσ κομιούμεναι·

τῶν δὲ παιδίων τούτων ἐγὼ μὲν τὸ πρεσβύτερον ἦγον, ἡ δὲ μήτηρ τὸ νεώτερον εἶχεν ἐπὶ τῆσ ἀγκάλησ· ὁ δ’ ἀποστραφεὶσ καὶ παρωσάμενοσ ἡμᾶσ εἶπεν· ἄνδρα λαβοῦσα εὐδαιμονέστερον ἐμοῦ, οὔθ’ ὑμῶν, ὦ τέκνα φίλτατα, πατήρ, ἀλλ’ ὀρφανοὶ καὶ ἔρημοι παρὰ ταύταισ, ἑώσ εἰσ ἄνδρασ ἔλθητε, τραφήσεσθε.

ταῦτ’ εἰπὼν ἄλλ’ οὐθὲν οὔτε διοικησάμενοσ οὔτ’ ἐπιστείλασ οὔθ’ ὅποι πορεύεται φράσασ ἀπῆλθεν ἐκ τῆσ οἰκίασ μόνοσ, ὦ γυναῖκεσ, ἄδουλοσ, ἄποροσ, οὐδὲ τὴν ἐφήμερον ὁ δύστηνοσ ἐκ τῶν ἑαυτοῦ χρημάτων τροφὴν ἐπαγόμενοσ.

καὶ τέταρτον ἐνιαυτὸν ἤδη τοῦτον, ἐξ οὗ φεύγει τὴν πατρίδα, πάντασ ἡμᾶσ ἀλλοτρίουσ ἑαυτοῦ νενόμικεν, οὐ γράφων οὐθέν, οὐκ ἐπιστέλλων, οὐ τὰ περὶ ἡμᾶσ εἰδέναι βουλόμενοσ. πρὸσ δὴ τοιαύτην ψυχὴν οὕτω σκληρὰν καὶ ἄτρωτον, ὦ Οὐαλερία, τίνα ἰσχὺν ἕξουσιν αἱ παρ’ ἡμῶν δεήσεισ, αἷσ οὔτ’ ἀσπασμῶν μετέδωκεν οὔτε φιλημάτων οὔτ’ ἄλλησ φιλοφροσύνησ οὐδεμιᾶσ τὴν τελευταίαν πορευόμενοσ ἐκ τῆσ οἰκίασ ὁδόν;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 41

(디오니시오스, Antiquitates Romanae, Books VII-IX, book 8, chapter 41)

상위

목록

SEARCH

MENU NAVIGATION