헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 54)

ταῦτ’ εἰποῦσα ἔρριψεν ἑαυτὴν χαμαὶ καὶ περιπλέξασα ταῖσ χερσὶν ἀμφοτέραισ τοὺσ πόδασ τοῦ Μαρκίου κατεφίλησε. πεσούσησ δ’ αὐτῆσ αἱ μὲν γυναῖκεσ ἀνεβόησαν ἅμα πᾶσαι κωκυτὸν ὀξὺν καὶ μακρόν, οἱ δ’ ἐν τῷ συνεδρίῳ παρόντεσ Οὐολούσκων οὐκ ἠνέσχοντο τὴν ἀήθειαν τῆσ ὄψεωσ, ἀλλ’ ἀπεστράφησαν. αὐτὸσ δ’ ὁ Μάρκιοσ ἀναλόμενοσ ἐκ τοῦ δίφρου καὶ περιπεσὼν τῇ μητρὶ ἀνίστησιν αὐτὴν ἀπὸ τῆσ γῆσ ὀλίγον ἐμπνέουσαν, καὶ περιβαλὼν καὶ πολλὰ ἐκχέασ δάκρυα εἶπε·

νικᾷσ, ὦ μῆτερ, οὐκ εὐτυχῆ νίκην οὔτε σεαυτῇ οὔτ’ ἐμοί· τὴν μὲν γὰρ πατρίδα σέσωκασ, ἐμὲ δὲ τὸν εὐσεβῆ καὶ φιλόστοργον υἱὸν ἀπολώλεκασ. ταῦτ’ εἰπὼν ἐπὶ τὴν σκηνὴν ἀπῄει κελεύσασ ἀκολουθεῖν τήν τε μητέρα καὶ τὴν γυναῖκα καὶ τὰ παιδία, ἔνθα τὸν λοιπὸν τῆσ ἡμέρασ χρόνον σκοπούμενοσ σὺν αὐταῖσ, ὅ τι χρὴ πράττειν, διετέλεσεν.

ἦν δὲ τὰ δόξαντα αὐτοῖσ τοιάδε· περὶ μὲν τῆσ καθόδου μήτε τὴν βουλὴν τέλοσ μηθὲν ἐκφέρειν εἰσ τὸν δῆμον μήτ’ ἐκεῖνον ἐπιψηφίζειν, πρὶν ἂν τοῖσ Οὐολούσκοισ εὐτρεπῆ γένηται τὰ περὶ φιλίασ καὶ καταλύσεωσ τοῦ πολέμου· αὐτὸν δὲ τὴν στρατιὰν ἀναστήσαντα ὡσ διὰ φιλίασ γῆσ ἀπάγειν· ὑποσχόντα δὲ τῆσ ἀρχῆσ λόγον καὶ τὰσ εὐεργεσίασ ἀποδειξάμενον ἀξιοῦν τοὺσ ἐπιτρέψαντασ αὐτῷ τὴν στρατιάν, μάλιστα μὲν φιλίᾳ δέχεσθαι τοὺσ πολεμίουσ καὶ συνθήκασ ποιήσασθαι δικαίασ, αὐτῷ τὴν ἰσότητα καὶ τὸ μὴ σφαλῆναι περὶ τὰσ ὁμολογίασ ἐπιτρέψαντασ.

εἰ δ’ ἐπὶ τοῖσ κατωρθωμένοισ σφίσιν αὐθαδείασ ἀναπιμπλάμενοι μὴ δέχοιντο τὰσ διαλλαγάσ, ἀφίστασθαι τῆσ ἀρχῆσ αὐτοῖσ.

ἢ γὰρ οὐχ ὑπομενεῖν αὐτοὺσ ἄλλον τινὰ αἱρεῖσθαι στρατηγὸν δι’ ἀπορίαν ἀγαθοῦ ἡγεμόνοσ, ἢ παρακινδυνεύσαντασ ὁτῳδήτινι παραδοῦναι τὰσ δυνάμεισ σὺν μεγάλῃ διδαχθήσεσθαι βλάβῃ τὴν τοῦ συμφέροντοσ αἱρ́εσιν. τὰ μὲν δὴ βουλευθέντα αὐτοῖσ καὶ δόξαντα δίκαιά τε καὶ ὅσια εἶναι, φήμησ τ’ ἀγαθῆσ ἐφ’ ᾗ μάλιστα ὁ ἀνὴρ ἐσπούδαζε παρὰ πᾶσι τευξόμενα, τοιάδε ἦν. ἐτάραττε δέ τισ αὐτ ὑποψία δέοσ ἔχουσα, μή ποτε ἀλόγιστοσ ὄχλοσ ἐν ἐλπίδι τοῦ καταπεπολεμηκέναι τὸ ἀντίπαλον ἤδη ὢν δἰ ὀργῆσ ἀκράτου λάβῃ τὴν ἀποτυχίαν κἄπειτα ὡσ προδότην αὐτὸν οὐδὲ λόγου μεταδοὺσ αὐτοχειρίᾳ φθάσῃ διολέσασ.

ἐδόκει οὖν αὐτοῖσ καὶ τοῦτο καὶ εἴ τι ἄλλο δεινότερον εἰή κινδύνευμα σὺν ἀρετῇ σώζουσι τὴν πίστιν ὑπομένειν.

ἐπεὶ δὲ περὶ δύσιν ἡλίου ἦν ἤδη, ἀσπασάμενοι ἀλλήλουσ ἐξῄεσαν ἐκ τῆσ σκηνῆσ· αἱ μὲν γυναῖκεσ εἰσ τὴν πόλιν ἀπῄεσαν, ὁ δὲ Μάρκιοσ ἐν ἐκκλησίᾳ τὰσ αἰτίασ ἀποδοὺσ τοῖσ παροῦσι, δι’ ἃσ ἔμελλε λύειν τὸν πόλεμον, καὶ πολλὰ τῶν στρατιωτῶν δεηθεὶσ συγγνῶναί τ’ αὐτῷ καί, ἐπειδὰν οἴκαδε ἀφίκωνται, μεμνημένουσ ὧν ἔπαθον εὖ τοῦ μηθὲν ὑπὸ τῶν ἄλλων ἀνήκεστον παθεῖν συναγωνιστὰσ γενέσθαι, καὶ ἄλλα πολλὰ καὶ ἐπαγωγὰ διαλεχθεὶσ παρασκευάζεσθαι ἐκέλευσεν ὡσ τῇ ἐπιούσῃ νυκτὶ ἀναστρατοπεδεύσοντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 54

(디오니시오스, Antiquitates Romanae, Books VII-IX, book 8, chapter 54)

상위

목록

SEARCH

MENU NAVIGATION