Diodorus Siculus, Bibliotheca Historica, book 1, chapter 96 7:

(디오도로스 시켈로스, Bibliotheca Historica, book 1, chapter 96 7:)

ὠκεανὸν μὲν οὖν καλεῖν τὸν ποταμὸν διὰ τὸ τοὺσ Αἰγυπτίουσ κατὰ τὴν ἰδίαν διάλεκτον Ὠκεανὸν λέγειν τὸν Νεῖλον, Ἡλίου δὲ πύλασ τὴν πόλιν τὴν τῶν Ἡλιοπολιτῶν, λειμῶνα δ’ ὀνομάζειν, τὴν μυθολογουμένην οἴκησιν τῶν μετηλλαχότων, τὸν παρὰ τὴν λίμνην τόπον τὴν καλουμένην μὲν Ἀχερουσίαν, πλησίον δὲ οὖσαν τῆσ Μέμφεωσ, ὄντων περὶ αὐτὴν λειμώνων καλλίστων, ἕλουσ καὶ λωτοῦ καὶ καλάμου. ἀκολούθωσ δ’ εἰρῆσθαι καὶ τὸ κατοικεῖν τοὺσ τελευτήσαντασ ἐν τούτοισ τοῖσ τόποισ διὰ τὸ τὰσ τῶν Αἰγυπτίων ταφὰσ τὰσ πλείστασ καὶ μεγίστασ ἐνταῦθα γίνεσθαι, διαπορθμευομένων μὲν τῶν νεκρῶν διά τε τοῦ ποταμοῦ καὶ τῆσ Ἀχερουσίασ λίμνησ, τιθεμένων δὲ τῶν σωμάτων εἰσ τὰσ ἐνταῦθα κειμένασ θήκασ.

일치하는 문장이 없습니다.

SEARCH

MENU NAVIGATION