Diodorus Siculus, Bibliotheca Historica, book 1, chapter 54

(디오도로스 시켈로스, Bibliotheca Historica, book 1, chapter 54)

πρὸσ δὲ ταύτην τὴν ἐπιβολὴν πρῶτον μὲν τὴν πρὸσ αὐτὸν εὔνοιαν κατεσκεύασε πᾶσι τοῖσ κατ’ Αἴγυπτον, ἡγούμενοσ δεῖν τοὺσ μὲν συστρατεύοντασ ἑτοίμωσ ὑπὲρ τῶν ἡγουμένων ἀποθνήσκειν, τοὺσ δ’ ἀπολειπομένουσ ἐπὶ τῶν πατρίδων μηδὲν νεωτερίζειν, εἰ μέλλει τὴν προαίρεσιν ἐπὶ τέλοσ ἄξειν. διὸ καὶ πάντασ ἐκ τῶν ἐνδεχομένων εὐηργέτει, τοὺσ μὲν χρημάτων δωρεαῖσ ἐκθεραπεύων, τοὺσ δὲ χώρασ δόσει, τινὰσ δὲ τιμωρίασ ἀπολύσει, πάντασ δὲ ταῖσ ὁμιλίαισ καὶ τῇ τῶν τρόπων ἐπιεικείᾳ προσήγετο·

τῶν τε γὰρ βασιλικῶν ἐγκλημάτων ἅπαντασ ἀθῴουσ ἀφῆκε καὶ τοὺσ πρὸσ ἀργύριον συγκεκλειμένουσ ἀπέλυσε τοῦ χρέουσ, ὄντοσ πολλοῦ πλήθουσ ἐν ταῖσ φυλακαῖσ. τὴν δὲ χώραν ἅπασαν εἰσ ἓξ καὶ τριάκοντα μέρη διελών, ἃ καλοῦσιν Αἰγύπτιοι νομούσ, ἐπέστησεν ἅπασι νομάρχασ τοὺσ ἐπιμελησομένουσ τῶν τε προσόδων τῶν βασιλικῶν καὶ διοικήσοντασ ἅπαντα τὰ κατὰ τὰσ ἰδίασ μερίδασ.

ἐπελέξατο δὲ καὶ τῶν ἀνδρῶν τοὺσ ταῖσ ῥώμαισ διαφέροντασ καὶ συνεστήσατο στρατόπεδον ἄξιον τοῦ μεγέθουσ τῆσ ἐπιβολῆσ·

κατέγραψε γὰρ πεζῶν μὲν ἑξήκοντα μυριάδασ, ἱππεῖσ δὲ δισμυρίουσ καὶ τετρακισχιλίουσ, ζεύγη δὲ πολεμιστήρια δισμύρια καὶ ἑπτακισχίλια. ἐπὶ δὲ τὰσ κατὰ μέροσ ἡγεμονίασ τῶν στρατιωτῶν ἔταξε τοὺσ συντρόφουσ, ἐνηθληκότασ μὲν ἤδη τοῖσ πολέμοισ, ἀρετὴν δ’ ἐζηλωκότασ ἐκ παίδων, εὔνοιαν δὲ ἀδελφικὴν ἔχοντασ πρόσ τε τὸν βασιλέα καὶ πρὸσ ἀλλήλουσ, ὄντασ τὸν ἀριθμὸν πλείουσ τῶν χιλίων καὶ ἑπτακοσίων.

πᾶσι δὲ τοῖσ προειρημένοισ κατεκληρούχησε τὴν ἀρίστην τὴσ χώρασ, ὅπωσ ἔχοντεσ ἱκανὰσ προσόδουσ καὶ μηδενὸσ ἐνδεεῖσ ὄντεσ ἀσκῶσι τὰ περὶ τοὺσ πολέμουσ.

일치하는 문장이 없습니다.

SEARCH

MENU NAVIGATION