Diodorus Siculus, Bibliotheca Historica, book 1, chapter 36

(디오도로스 시켈로스, Bibliotheca Historica, book 1, chapter 36)

χωρὶσ δὲ τῶν εἰρημένων θηρίων ὁ Νεῖλοσ ἔχει παντοῖα γένη ἰχθύων καὶ κατὰ τὸ πλῆθοσ ἄπιστα· τοῖσ γὰρ ἐγχωρίοισ οὐ μόνον ἐκ τῶν προσφάτωσ ἁλισκομένων παρέχεται δαψιλῆ τὴν ἀπόλαυσιν, ἀλλὰ καὶ πλῆθοσ εἰσ ταριχείαν ἀνίησιν ἀνέκλειπτον. καθόλου δὲ ταῖσ εἰσ ἀνθρώπουσ εὐεργεσίαισ ὑπερβάλλει πάντασ τοὺσ κατὰ τὴν οἰκουμένην ποταμούσ.

τῆσ γὰρ πληρώσεωσ τὴν ἀρχὴν ἀπὸ θερινῶν τροπῶν ποιούμενοσ αὔξεται μὲν μέχρι τῆσ ἰσημερίασ τῆσ μετοπωρινῆσ, ἐπάγων δ’ ἀεὶ νέαν ἰλὺν βρέχει τὴν γῆν ὁμοίωσ τήν τε ἀργὴν καὶ σπόριμον καὶ φυτεύσιμον τοσοῦτον χρόνον ὅσον ἂν οἱ γεωργοῦντεσ τὴν χώραν ἐθελήσωσι. τοῦ γὰρ ὕδατοσ πραέωσ φερομένου ῥᾳδίωσ ἀποτρέπουσιν αὐτὸν μικροῖσ χώμασι, καὶ πάλιν ἐπάγουσιν εὐχερῶσ ταῦτα διαιροῦντεσ, ὅταν δόξῃ συμφέρειν.

καθόλου δὲ τοσαύτην τοῖσ μὲν ἔργοισ εὐκοπίαν παρέχεται, τοῖσ δ’ ἀνθρώποισ λυσιτέλειαν, ὥστε τοὺσ μὲν πλείστουσ τῶν γεωργῶν τοῖσ ἀναξηραινομένοισ τῆσ γῆσ τόποισ ἐφισταμένουσ καὶ τὸ σπέρμα βάλλοντασ ἐπάγειν τὰ βοσκήματα, καὶ τούτοισ συμπατήσαντασ μετὰ τέτταρασ ἢ πέντε μῆνασ ἀπαντᾶν ἐπὶ τὸν θερισμόν, ἐνίουσ δὲ κούφοισ ἀρότροισ ἐπαγαγόντασ βραχέωσ τὴν ἐπιφάνειαν τῆσ βεβρεγμένησ χώρασ σωροὺσ ἀναιρεῖσθαι τῶν καρπῶν χωρὶσ δαπάνησ πολλῆσ καὶ κακοπαθείασ.

ὅλωσ γὰρ πᾶσα γεωργία παρὰ μὲν τοῖσ ἄλλοισ ἔθνεσι μετὰ μεγάλων ἀναλωμάτων καὶ ταλαιπωριῶν διοικεῖται, παρὰ δ’ Αἰγυπτίοισ μόνοισ ἐλαχίστοισ δαπανήμασι καὶ πόνοισ συγκομίζεται.

ἥ τε ἀμπελόφυτοσ ὁμοίωσ ἀρδευομένη δαψίλειαν οἴνου τοῖσ ἐγχωρίοισ παρασκευάζει. οἱ δὲ χερσεύειν ἐάσαντεσ τὴν χώραν τὴν ἐπικεκλυσμένην καὶ τοῖσ ποιμνίοισ ἀνέντεσ μηλόβοτον διὰ τὸ πλῆθοσ τῆσ νομῆσ δὶσ τεκόντα καὶ δὶσ ἀποκαρέντα τὰ πρόβατα καρποῦνται.

τὸ δὲ γινόμενον περὶ τὴν ἀνάβασιν τοῦ Νείλου τοῖσ μὲν ἰδοῦσι θαυμαστὸν φαίνεται, τοῖσ δ’ ἀκούσασι παντελῶσ ἄπιστον.

τῶν γὰρ ἄλλων ποταμῶν ἁπάντων περὶ τὰσ θερινὰσ τροπὰσ ἐλαττουμένων καὶ κατὰ τὸν ἑξῆσ χρόνον τοῦ θέρουσ ἀεὶ μᾶλλον ταπεινουμένων, οὗτοσ μόνοσ τότε τὴν ἀρχὴν λαβὼν τῆσ πληρώσεωσ ἐπὶ τοσοῦτον αὔξεται καθ’ ἡμέραν ὥστε τὸ τελευταῖον πᾶσαν σχεδὸν ἐπικλύζειν τὴν Αἴγυπτον. ὡσαύτωσ δὲ πάλιν εἰσ τοὐναντίον μεταβαλὼν τὸν ἴσον χρόνον καθ’ ἡμέραν ἐκ τοῦ κατ’ ὀλίγον ταπεινοῦται, μέχρι ἂν εἰσ τὴν προϋπάρξασαν ἀφίκηται τάξιν.

καὶ τῆσ μὲν χώρασ οὔσησ πεδιάδοσ, τῶν δὲ πόλεων καὶ τῶν κωμῶν, ἔτι δὲ τῶν ἀγροικιῶν κειμένων ἐπὶ χειροποιήτων χωμάτων, ἡ πρόσοψισ ὁμοία γίνεται ταῖσ Κυκλάσι νήσοισ. τῶν δὲ χερσαίων θηρίων τὰ πολλὰ μὲν ὑπὸ τοῦ ποταμοῦ περιληφθέντα διαφθείρεται βαπτιζόμενα, τινὰ δ’ εἰσ τοὺσ μετεωροτέρουσ ἐκφεύγοντα τόπουσ διασώζεται, τὰ δὲ βοσκήματα κατὰ τὸν τῆσ ἀναβάσεωσ χρόνον ἐν ταῖσ κώμαισ καὶ ταῖσ ἀγροικίαισ διατρέφεται, προπαρασκευαζομένησ αὐτοῖσ τῆσ τροφῆσ.

οἱ δ’ ὄχλοι πάντα τὸν τῆσ πληρώσεωσ χρόνον ἀπολελυμένοι τῶν ἔργων εἰσ ἄνεσιν τρέπονται, συνεχῶσ ἑστιώμενοι καὶ πάντων τῶν πρὸσ ἡδονὴν ἀνηκόντων ἀνεμποδίστωσ ἀπολαύοντεσ.

διὰ δὲ τὴν ἀγωνίαν τὴν ἐκ τῆσ ἀναβάσεωσ τοῦ ποταμοῦ γινομένην κατεσκεύασται Νειλοσκοπεῖον ὑπὸ τῶν βασιλέων ἐν τῇ Μέμφει·

ἐν τούτῳ δὲ τὴν ἀνάβασιν ἀκριβῶσ ἐκμετροῦντεσ οἱ τὴν τούτου διοίκησιν ἔχοντεσ ἐξαποστέλλουσιν εἰσ τὰσ πόλεισ ἐπιστολάσ, διασαφοῦντεσ πόσουσ πήχεισ ἢ δακτύλουσ ἀναβέβηκεν ὁ ποταμὸσ καὶ πότε τὴν ἀρχὴν πεποίηται τῆσ ἐλαττώσεωσ. διὰ δὲ τοῦ τοιούτου τρόπου τῆσ μὲν ἀγωνίασ ἀπολύεται πᾶσ ὁ λαόσ, πυθόμενοσ τὴν τῆσ αὐξήσεωσ εἰσ τοὐναντίον μεταβολήν, τὸ δὲ πλῆθοσ τῶν ἐσομένων καρπῶν εὐθὺσ ἅπαντεσ προεπεγνώκασιν, ἐκ πολλῶν χρόνων τῆσ παρατηρήσεωσ ταύτησ παρὰ τοῖσ Αἰγυπτίοισ ἀκριβῶσ ἀναγεγραμμένησ.

일치하는 문장이 없습니다.

SEARCH

MENU NAVIGATION