Diodorus Siculus, Bibliotheca Historica, book 1, chapter 17

(디오도로스 시켈로스, Bibliotheca Historica, book 1, chapter 17)

τὸν δὲ Ὄσιριν λέγουσιν, ὥσπερ εὐεργετικὸν ὄντα καὶ φιλόδοξον, στρατόπεδον μέγα συστήσασθαι, διανοούμενον ἐπελθεῖν ἅπασαν τὴν οἰκουμένην καὶ διδάξαι τὸ γένοσ τῶν ἀνθρώπων τήν τε τῆσ ἀμπέλου φυτείαν καὶ τὸν σπόρον τοῦ τε πυρίνου καὶ κριθίνου καρποῦ· ὑπολαμβάνειν γὰρ αὐτὸν ὅτι παύσασ τῆσ ἀγριότητοσ τοὺσ ἀνθρώπουσ καὶ διαίτησ ἡμέρου μεταλαβεῖν ποιήσασ τιμῶν ἀθανάτων τεύξεται διὰ τὸ μέγεθοσ τῆσ εὐεργεσίασ.

ὅπερ δὴ καὶ γενέσθαι· οὐ μόνον γὰρ τοὺσ κατ’ ἐκείνουσ τοὺσ χρόνουσ τυχόντασ τῆσ δωρεᾶσ ταύτησ, ἀλλὰ καὶ πάντασ τοὺσ μετὰ ταῦτα ἐπιγενομένουσ διὰ τὴν ἐν ταῖσ εὑρεθείσαισ τροφαῖσ χάριτα τοὺσ εἰσηγησαμένουσ ὡσ ἐπιφανεστάτουσ θεοὺσ τετιμηκέναι. τὸν δ’ οὖν Ὄσιρίν φασι τὰ κατὰ τὴν Αἴγυπτον καταστήσαντα καὶ τὴν τῶν ὅλων ἡγεμονίαν Ἴσιδι τῇ γυναικὶ παραδόντα, ταύτῃ μὲν παρακαταστῆσαι σύμβουλον τὸν Ἑρμῆν διὰ τὸ φρονήσει τοῦτον διαφέρειν τῶν ἄλλων φίλων, καὶ στρατηγὸν μὲν ἀπολιπεῖν ἁπάσησ τῆσ ὑφ’ αὑτὸν χώρασ Ἡρακλέα γένει τε προσήκοντα καὶ θαυμαζόμενον ἐπ’ ἀνδρείᾳ τε καὶ σώματοσ ῥώμῃ, ἐπιμελητὰσ δὲ τάξαι τῶν μὲν πρὸσ Φοινίκην κεκλιμένων μερῶν καὶ τῶν ἐπὶ θαλάττῃ τόπων Βούσιριν, τῶν δὲ κατὰ τὴν Αἰθιοπίαν καὶ Λιβύην Ἀνταῖον, αὐτὸν δ’ ἐκ τῆσ Αἰγύπτου μετὰ τῆσ δυνάμεωσ ἀναζεῦξαι πρὸσ τὴν στρατείαν, ἔχοντα μεθ’ αὑτοῦ καὶ τὸν ἀδελφόν, ὃν οἱ Ἕλληνεσ Ἀπόλλωνα καλοῦσιν.

εὑρετὴν δὲ καὶ τοῦτόν φασι γενέσθαι τοῦ φυτοῦ τῆσ δάφνησ, ἣν καὶ περιτιθέασι τούτῳ τῷ θεῷ μάλιστα πάντεσ ἄνθρωποι.

τοῦ δὲ κιττοῦ τὴν εὑρ́εσιν ἀνατιθέασιν Ὀσίριδι, καὶ καθιεροῦσιν αὐτὸν τούτῳ τῷ θεῷ, καθάπερ καὶ οἱ Ἕλληνεσ Διονύσῳ. καὶ κατὰ τὴν Αἰγυπτίων μὲν διάλεκτον ὀνομάζεσθαί φασι τὸν κιττὸν φυτὸν Ὀσίριδοσ, προκεκρίσθαι δὲ τῆσ ἀμπέλου τοῦτον πρὸσ τὴν ἀφιέρωσιν διὰ τὸ τὴν μὲν φυλλορροεῖν, τὸν δὲ πάντα τὸν χρόνον ἀειθαλῆ διαμένειν·

ὅπερ τοὺσ παλαιοὺσ καὶ ἐφ’ ἑτέρων φυτῶν ἀεὶ θαλλόντων πεποιηκέναι, τῇ μὲν Ἀφροδίτῃ τὴν μυρσίνην, τῷ δ’ Ἀπόλλωνι τὴν δάφνην προσάψαντασ.

일치하는 문장이 없습니다.

SEARCH

MENU NAVIGATION