헬라어 문장 검색 - Διοδορ́Βιβλιοτ́1́32́

(디오도로스 시켈로스, Bibliotheca Historica, book 1, chapter 31)

ἡμεῖσ δ’ ἐπεὶ τὰ περὶ τῶν ἀπὸ τῆσ χέρσου τριῶν μερῶν τῶν ὀχυρούντων τὴν Αἴγυπτον διήλθομεν, προσθήσομεν τοῖσ εἰρημένοισ τὸ λειπόμενον. ἡ τετάρτη τοίνυν πλευρὰ πᾶσα σχεδὸν ἀλιμένῳ θαλάττῃ προσκλυζομένη προβέβληται τὸ Αἰγύπτιον πέλαγοσ, ὃ τὸν μὲν παράπλουν ἔχει μακρότατον, τὴν δ’ ἀπόβασιν τὴν ἐπὶ τὴν χώραν δυσπροσόρμιστον·

ἀπὸ γὰρ Παραιτονίου τῆσ Λιβύησ ἑώσ Ιὄπησ τῆσ ἐν τῇ Κοίλῃ Συρίᾳ, ὄντοσ τοῦ παράπλου σταδίων σχεδὸν πεντακισχιλίων, οὐκ ἔστιν εὑρεῖν ἀσφαλῆ λιμένα πλὴν τοῦ Φάρου. χωρὶσ δὲ τούτων ταινία παρ’ ὅλην σχεδὸν τὴν Αἴγυπτον παρήκει τοῖσ ἀπείροισ τῶν προσπλεόντων ἀθεώρητοσ·

διόπερ οἱ τὸν ἐκ πελάγουσ κίνδυνον ἐκπεφευγέναι νομίζοντεσ, καὶ διὰ τὴν ἄγνοιαν ἄσμενοι πρὸσ τὴν γῆν καταπλέοντεσ, ἐξαίφνησ ἐποκελλόντων τῶν σκαφῶν ἀνελπίστωσ ναυαγοῦσιν·

ἔνιοι δὲ διὰ τὴν ταπεινότητα τῆσ χώρασ οὐ δυνάμενοι προϊδέσθαι τὴν γῆν λανθάνουσιν ἑαυτοὺσ ἐκπίπτοντεσ οἱ μὲν εἰσ ἑλώδεισ καὶ λιμνάζοντασ τόπουσ, οἱ δ’ εἰσ χώραν ἔρημον.

ἡ μὲν οὖν Αἴγυπτοσ πανταχόθεν φυσικῶσ ὠχύρωται τὸν εἰρημένον τρόπον, τῷ δὲ σχήματι παραμήκησ οὖσα δισχιλίων μὲν σταδίων ἔχει τὴν παραθαλάττιον πλευράν, εἰσ μεσόγειον δ’ ἀνήκει σχεδὸν ἐπὶ σταδίουσ ἑξακισχιλίουσ.

πολυανθρωπίᾳ δὲ τὸ μὲν παλαιὸν πολὺ προέσχε πάντων τῶν γνωριζομένων τόπων κατὰ τὴν οἰκουμένην, καὶ καθ’ ἡμᾶσ δὲ οὐδενὸσ τῶν ἄλλων δοκεῖ λείπεσθαι· ἐπὶ μὲν γὰρ τῶν ἀρχαίων χρόνων ἔσχε κώμασ ἀξιολόγουσ καὶ πόλεισ πλείουσ τῶν μυρίων καὶ ὀκτακισχιλίων, ὡσ ἐν ταῖσ ἱεραῖσ ἀναγραφαῖσ ὁρᾶν ἔστι κατακεχωρισμένον, ἐπὶ δὲ Πτολεμαίου τοῦ Λάγου πλείουσ τῶν τρισμυρίων ἠριθμήθησαν, ὧν τὸ πλῆθοσ διαμεμένηκεν ἑώσ τῶν καθ’ ἡμᾶσ χρόνων.

τοῦ δὲ σύμπαντοσ λαοῦ τὸ μὲν παλαιόν φασι γεγονέναι περὶ ἑπτακοσίασ μυριάδασ, καὶ καθ’ ἡμᾶσ δὲ οὐκ ἐλάττουσ εἶναι .

διὸ καὶ τοὺσ ἀρχαίουσ βασιλεῖσ ἱστοροῦσι κατὰ τὴν Αἴγυπτον ἔργα μεγάλα καὶ θαυμαστὰ διὰ τῆσ πολυχειρίασ κατασκευάσαντασ ἀθάνατα τῆσ ἑαυτῶν δόξησ ἀπολιπεῖν ὑπομνήματα.

ἀλλὰ περὶ μὲν τούτων τὰ κατὰ μέροσ μικρὸν ὕστερον ἀναγράψομεν, περὶ δὲ τῆσ τοῦ ποταμοῦ φύσεωσ καὶ τῶν κατὰ τὴν χώραν ἰδιωμάτων νῦν διέξιμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 31

(디오도로스 시켈로스, Bibliotheca Historica, book 1, chapter 31)

상위

목록

SEARCH

MENU NAVIGATION