Diodorus Siculus, Bibliotheca Historica, book 1, chapter 95

(디오도로스 시켈로스, Bibliotheca Historica, book 1, chapter 95)

μετὰ δὲ τοῦτον προσελθεῖν λέγουσι τοῖσ νόμοισ Ἄμασιν τὸν βασιλέα, ὃν ἱστοροῦσι τὰ περὶ τοὺσ νομάρχασ διατάξαι καὶ τὰ περὶ τὴν σύμπασαν οἰκονομίαν τῆσ Αἰγύπτου. παραδέδοται δὲ συνετόσ τε γεγονέναι καθ’ ὑπερβολὴν καὶ τὸν τρόπον ἐπιεικὴσ καὶ δίκαιοσ· ὧν ἕνεκα καὶ τοὺσ Αἰγυπτίουσ αὐτῷ περιτεθεικέναι τὴν ἀρχὴν οὐκ ὄντι γένουσ βασιλικοῦ. φασὶ δὲ καὶ τοὺσ Ἠλείουσ, σπουδάζοντασ περὶ τὸν Ὀλυμπικὸν ἀγῶνα, πρεσβευτὰσ ἀποστεῖλαι πρὸσ αὐτὸν ἐρωτήσοντασ πῶσ ἂν γένοιτο δικαιότατοσ·

τὸν δ’ εἰπεῖν, ἐὰν μηδεὶσ Ἠλεῖοσ ἀγωνίζηται. Πολυκράτουσ δὲ τοῦ Σαμίων δυνάστου συντεθειμένου πρὸσ αὐτὸν φιλίαν, καὶ βιαίωσ προσφερομένου τοῖσ τε πολίταισ καὶ τοῖσ εἰσ Σάμον καταπλέουσι ξένοισ, τὸ μὲν πρῶτον λέγεται πρεσβευτὰσ ἀποστείλαντα παρακαλεῖν αὐτὸν ἐπὶ τὴν μετριότητα·

οὐ προσέχοντοσ δ’ αὐτοῦ τοῖσ λόγοισ ἐπιστολὴν γράψαι τὴν φιλίαν καὶ τὴν ξενίαν τὴν πρὸσ αὐτὸν διαλυόμενον· οὐ γὰρ βούλεσθαι λυπηθῆναι συντόμωσ ἑαυτόν, ἀκριβῶσ εἰδότα διότι πλησίον ἐστὶν αὐτῷ τὸ κακῶσ παθεῖν οὕτω προεστηκότι τῆσ τυραννίδοσ. θαυμασθῆναι δ’ αὐτόν φασι παρὰ τοῖσ Ἕλλησι διά τε τὴν ἐπιείκειαν καὶ διὰ τὸ τῷ Πολυκράτει ταχέωσ ἀποβῆναι τὰ ῥηθέντα. ἕκτον δὲ λέγεται τὸν Ξέρξου πατέρα Δαρεῖον τοῖσ νόμοισ ἐπιστῆναι τοῖσ τῶν Αἰγυπτίων·

μισήσαντα γὰρ τὴν παρανομίαν τὴν εἰσ τὰ κατ’ Αἴγυπτον ἱερὰ γενομένην ὑπὸ Καμβύσου τοῦ προβασιλεύσαντοσ ζηλῶσαι βίον ἐπιεικῆ καὶ φιλόθεον. ὁμιλῆσαι μὲν γὰρ αὐτοῖσ τοῖσ ἱερεῦσι τοῖσ ἐν Αἰγύπτῳ καὶ μεταλαβεῖν αὐτὸν τῆσ τε θεολογίασ καὶ τῶν ἐν ταῖσ ἱεραῖσ βίβλοισ ἀναγεγραμμένων πράξεων·

ἐκ δὲ τούτων ἱστορήσαντα τήν τε μεγαλοψυχίαν τῶν ἀρχαίων βασιλέων καὶ τὴν εἰσ τοὺσ ἀρχομένουσ εὔνοιαν μιμήσασθαι τὸν ἐκείνων βίον, καὶ διὰ τοῦτο τηλικαύτησ τυχεῖν τιμῆσ ὥσθ’ ὑπὸ τῶν Αἰγυπτίων ζῶντα μὲν θεὸν προσαγορεύεσθαι μόνον τῶν ἁπάντων βασιλέων, τελευτήσαντα δὲ τιμῶν τυχεῖν ἴσων τοῖσ τὸ παλαιὸν νομιμώτατα βασιλεύσασι κατ’ Αἴγυπτον. τὴν μὲν οὖν κοινὴν νομοθεσίαν συντελεσθῆναί φασιν ὑπὸ τῶν εἰρημένων ἀνδρῶν, καὶ δόξησ τυχεῖν τῆσ διαδεδομένησ παρὰ τοῖσ ἄλλοισ·

ἐν δὲ τοῖσ ὕστερον χρόνοισ πολλὰ τῶν καλῶσ ἔχειν δοκούντων νομίμων φασὶ κινηθῆναι, Μακεδόνων ἐπικρατησάντων καὶ καταλυσάντων εἰσ τέλοσ τὴν βασιλείαν τῶν ἐγχωρίων.

일치하는 문장이 없습니다.

SEARCH

MENU NAVIGATION