Diodorus Siculus, Bibliotheca Historica, book 1, chapter 71

(디오도로스 시켈로스, Bibliotheca Historica, book 1, chapter 71)

παραδόξου δ’ εἶναι δοκοῦντοσ τοῦ μὴ πᾶσαν ἔχειν ἐξουσίαν τὸν βασιλέα τῆσ καθ’ ἡμέραν τροφῆσ, πολλῷ θαυμασιώτερον ἦν τὸ μήτε δικάζειν μήτε χρηματίζειν τὸ τυχὸν αὐτοῖσ ἐξεῖναι, μηδὲ τιμωρήσασθαι μηδένα δι’ ὕβριν ἢ διὰ θυμὸν ἤ τινα ἄλλην αἰτίαν ἄδικον, ἀλλὰ καθάπερ οἱ περὶ ἑκάστων κείμενοι νόμοι προσέταττον. ταῦτα δὲ κατὰ τὸ ἔθοσ πράττοντεσ οὐχ ὅπωσ ἠγανάκτουν ἢ προσέκοπτον ταῖσ ψυχαῖσ, ἀλλὰ τοὐναντίον ἡγοῦντο ἑαυτοὺσ ζῆν βίον μακαριώτατον·

τοὺσ μὲν γὰρ ἄλλουσ ἀνθρώπουσ ἐνόμιζον ἀλογίστωσ τοῖσ φυσικοῖσ πάθεσι χαριζομένουσ πολλὰ πράττειν τῶν φερόντων βλάβασ ἢ κινδύνουσ, καὶ πολλάκισ ἐνίουσ εἰδότασ ὅτι μέλλουσιν ἁμαρτάνειν μηδὲν ἧττον πράττειν τὰ φαῦλα, κατισχυομένουσ ὑπ’ ἔρωτοσ ἢ μίσουσ ἤ τινοσ ἑτέρου πάθουσ, ἑαυτοὺσ δ’ ἐζηλωκότασ βίον τὸν ὑπὸ τῶν φρονιμωτάτων ἀνδρῶν προκεκριμένον ἐλαχίστοισ περιπίπτειν ἀγνοήμασι.

τοιαύτῃ δὲ χρωμένων τῶν βασιλέων δικαιοσύνῃ πρὸσ ὑποτεταγμένουσ, τὰ πλήθη ταῖσ εἰσ τοὺσ ἡγουμένουσ εὐνοίαισ πᾶσαν συγγενικὴν φιλοστοργίαν ὑπερεβάλλετο οὐ γὰρ μόνον τὸ σύστημα τῶν ἱερέων, ἀλλὰ καὶ συλλήβδην ἅπαντεσ οἱ κατ’ Αἴγυπτον οὐχ οὕτω γυναικῶν καὶ τέκνων καὶ τῶν ἄλλων τῶν ὑπαρχόντων αὐτοῖσ ἀγαθῶν ἐφρόντιζον ὡσ τῆσ τῶν βασιλέων ἀσφαλείασ.

τοιγαροῦν πλεῖστον μὲν χρόνον τῶν μνημονευομένων βασιλέων πολιτικὴν κατάστασιν ἐτήρησαν, εὐδαιμονέστατον δὲ βίον ἔχοντεσ διετέλεσαν, ἑώσ ἔμεινεν ἡ προειρημένη τῶν νόμων σύνταξισ, πρὸσ δὲ τούτοισ ἐθνῶν τε πλείστων ἐπεκράτησαν καὶ μεγίστουσ πλούτουσ ἔσχον, καὶ τὰσ μὲν χώρασ ἔργοισ καὶ κατασκευάσμασιν ἀνυπερβλήτοισ, τὰσ δὲ πόλεισ ἀναθήμασι πολυτελέσι καὶ παντοίοισ ἐκόσμησαν.

일치하는 문장이 없습니다.

SEARCH

MENU NAVIGATION