Diodorus Siculus, Bibliotheca Historica, book 1, chapter 84

(디오도로스 시켈로스, Bibliotheca Historica, book 1, chapter 84)

ἀπίστων δὲ φαινομένων πολλοῖσ τῶν εἰρημένων καὶ μύθοισ παραπλησίων πολλῷ παραδοξότερα φανήσεται τὰ μετὰ ταῦτα ῥηθησόμενα. λιμῷ γάρ ποτε πιεζομένων τῶν κατ’ Αἴγυπτόν φασι πολλοὺσ ἀλλήλων μὲν ἅψασθαι διὰ τὴν ἔνδειαν, τῶν δ’ ἀφιερωμένων ζῴων τὸ παράπαν μηδ’ αἰτίαν σχεῖν μηδένα προσενηνέχθαι. ἀλλὰ μήν γε καὶ καθ’ ἣν ἂν οἰκίαν εὑρεθῇ κύων τετελευτηκώσ, ξυρῶνται πάντεσ οἱ κατ’ οἶκον ὄντεσ ὅλον τὸ σῶμα καὶ ποιοῦνται πένθοσ, καὶ τὸ τούτου θαυμασιώτερον, ἐὰν οἶνοσ ἢ σῖτοσ ἤ τι τῶν πρὸσ τὸν βίον ἀναγκαίων τυγχάνῃ κείμενον ἐν τοῖσ οἰκήμασιν οὗ τὸ ζῆν ἐξέλιπέ τι τῶν θηρίων, οὐκ ἂν ἔτι χρήσασθαι πρὸσ οὐδὲν αὐτοῖσ ὑπομείνειαν.

κἂν ἐν ἄλλῃ χώρᾳ που στρατευόμενοι τύχωσι, λυτρούμενοι τοὺσ αἰλούρουσ καὶ τοὺσ ἱέρακασ κατάγουσιν εἰσ Αἴγυπτον·

καὶ τοῦτο πράττουσιν ἐνίοτε τῶν ἐφοδίων αὐτοὺσ ὑπολιπόντων. τὰ δὲ γινόμενα περὶ τὸν Ἆπιν τὸν ἐν Μέμφει καὶ τὸν Μνεῦιν τὸν ἐν Ἡλιουπόλει καὶ τὰ περὶ τὸν τράγον τὸν ἐν Μένδητι, πρὸσ δὲ τούτοισ τὸν κροκόδειλον τὸν κατὰ τὴν Μοίριδοσ λίμνην καὶ τὸν λέοντα τὸν τρεφόμενον ἐν τῇ καλουμένῃ Λεόντων πόλει, καὶ πολλὰ τοιαῦθ’ ἕτερα, διηγήσασθαι μὲν εὐχερέσ, ἀπαγγείλαντα δὲ πιστευθῆναι παρὰ τοῖσ μὴ τεθεαμένοισ δύσκολον.

ταῦτα γὰρ ἐν ἱεροῖσ μὲν περιβόλοισ τρέφεται, θεραπεύουσι δ’ αὐτὰ πολλοὶ τῶν ἀξιολόγων ἀνδρῶν τροφὰσ διδόντεσ τὰσ πολυτελεστάτασ·

σεμίδαλιν γὰρ ἢ χόνδρον ἕψοντεσ ἐν γάλακτι καὶ πέμματα παντοδαπὰ μέλιτι φυρῶντεσ, καὶ κρέα χήνεια τὰ μὲν ἕψοντεσ, τὰ δ’ ὀπτῶντεσ ἀνεκλείπτωσ χορηγοῦσι, τοῖσ δ’ ὠμοφάγοισ πολλὰ τῶν ὀρνέων θηρεύοντεσ παραβάλλουσι, καὶ τὸ καθόλου μεγάλην εἰσφέρονται σπουδὴν εἰσ τὴν πολυτέλειαν τῆσ τροφῆσ. λουτροῖσ τε χλιαροῖσ χρώμενοι καὶ μύροισ τοῖσ κρατίστοισ ἀλείφοντεσ καὶ παντοδαπὰσ εὐωδίασ θυμιῶντεσ οὐ διαλείπουσι, στρωμνάσ τε τὰσ πολυτελεστάτασ καὶ κόσμον εὐπρεπῆ χορηγοῦσι, καὶ τῶν συνουσιῶν ὅπωσ τυγχάνῃ κατὰ φύσιν φροντίδα ποιοῦνται τὴν μεγίστην, πρὸσ δὲ τούτοισ ὁμοφύλουσ θηλείασ ἑκάστῳ τῶν ζῴων τὰσ εὐειδεστάτασ συντρέφουσιν, ἃσ παλλακίδασ προσαγορεύουσι καὶ θεραπεύουσι ταῖσ μεγίσταισ δαπάναισ καὶ λειτουργίαισ.

πενθοῦσι μὲν ἴσα τοῖσ ἀγαπητῶν τέκνων στερομένοισ, θάπτουσι δὲ οὐ κατὰ τὴν ἑαυτῶν δύναμιν, ἀλλὰ πολὺ τὴν ἀξίαν τῆσ ἑαυτῶν οὐσίασ ὑπερβάλλοντεσ.

μετὰ γὰρ τὴν Ἀλεξάνδρου τελευτήν, Πτολεμαίου τοῦ Λάγου παρειληφότοσ ἄρτι τὴν Αἴγυπτον, ἔτυχεν ἐν Μέμφει τελευτήσασ ὁ Ἆπισ γήρᾳ·

ὁ δὲ τὴν ἐπιμέλειαν ἔχων αὐτοῦ τήν τε ἡτοιμασμένην χορηγίαν, οὖσαν πάνυ πολλήν, εἰσ ταφὴν ἅπασαν ἐδαπάνησε καὶ παρὰ τοῦ Πτολεμαίου πεντήκοντα ἀργυρίου τάλαντα προσεδανείσατο. καὶ καθ’ ἡμᾶσ δὲ τινεσ τῶν τὰ ζῷα ταῦτα τρεφόντων εἰσ τὰσ ταφὰσ αὐτῶν οὐκ ἔλαττον τῶν ἑκατὸν ταλάντων δεδαπανήκασιν.

일치하는 문장이 없습니다.

SEARCH

MENU NAVIGATION