헬라어 문장 검색 - Διοδορ́Βιβλιοτ́1́74́

(디오도로스 시켈로스, Bibliotheca Historica, book 1, chapter 73)

τῆσ Αἰγύπτου δὲ πάσησ εἰσ πλείω μέρη διῃρημένησ, ὧν ἕκαστον κατὰ τὴν Ἑλληνικὴν διάλεκτον ὀνομάζεται νομόσ, ἐφ’ ἑκάστῳ τέτακται νομάρχησ ὁ τὴν ἁπάντων ἔχων ἐπιμέλειάν τε καὶ φροντίδα. τῆσ δὲ χώρασ ἁπάσησ εἰσ τρία μέρη διῃρημένησ τὴν μὲν πρώτην ἔχει μερίδα τὸ σύστημα τῶν ἱερέων, μεγίστησ ἐντροπῆσ τυγχάνον παρὰ τοῖσ ἐγχωρίοισ διά τε τὴν εἰσ τοὺσ θεοὺσ ἐπιμέλειαν καὶ διὰ τὸ πλείστην σύνεσιν τοὺσ ἄνδρασ τούτουσ ἐκ παιδείασ εἰσφέρεσθαι.

ἐκ δὲ τούτων τῶν προσόδων τάσ τε θυσίασ ἁπάσασ τὰσ κατ’ Αἴγυπτον συντελοῦσι καὶ τοὺσ ὑπηρέτασ τρέφουσι καὶ ταῖσ ἰδίαισ χρείαισ χορηγοῦσιν·

οὔτε γὰρ τὰσ τῶν θεῶν τιμὰσ ᾤοντο δεῖν ἀλλάττειν, ἀλλ’ ὑπό τε τῶν αὐτῶν ἀεὶ καὶ παραπλησίωσ συντελεῖσθαι, οὔτε τοὺσ πάντων προβουλευομένουσ ἐνδεεῖσ εἶναι τῶν ἀναγκαίων. καθόλου γὰρ περὶ τῶν μεγίστων οὗτοι προβουλευόμενοι συνδιατρίβουσι τῷ βασιλεῖ, τῶν μὲν συνεργοί, τῶν δὲ εἰσηγηταὶ καὶ διδάσκαλοι γινόμενοι, καὶ διὰ μὲν τῆσ ἀστρολογίασ καὶ τῆσ ἱεροσκοπίασ τὰ μέλλοντα προσημαίνοντεσ, ἐκ δὲ τῶν ἐν ταῖσ ἱεραῖσ βίβλοισ ἀναγεγραμμένων πράξεων τὰσ ὠφελῆσαι δυναμένασ παραναγινώσκοντεσ.

οὐ γάρ, ὥσπερ παρὰ τοῖσ Ἕλλησιν, εἷσ ἀνὴρ ἢ μία γυνὴ τὴν ἱερωσύνην παρείληφεν, ἀλλὰ πολλοὶ περὶ τὰσ τῶν θεῶν θυσίασ καὶ τιμὰσ διατρίβουσι, καὶ τοῖσ ἐκγόνοισ τὴν ὁμοίαν τοῦ βίου προαίρεσιν παραδιδόασιν.

εἰσὶ δὲ οὗτοι πάντων τε ἀτελεῖσ καὶ δευτερεύοντεσ μετὰ τὸν βασιλέα ταῖσ τε δόξαισ καὶ ταῖσ ἐξουσίαισ. τὴν δὲ δευτέραν μοῖραν οἱ βασιλεῖσ παρειλήφασιν εἰσ προσόδουσ, ἀφ’ ὧν εἴσ τε τοὺσ πολέμουσ χορηγοῦσι καὶ τὴν περὶ αὑτοὺσ λαμπρότητα διαφυλάττουσι, καὶ τοὺσ μὲν ἀνδραγαθήσαντασ δωρεαῖσ κατὰ τὴν ἀξίαν τιμῶσι, τοὺσ δ’ ἰδιώτασ διὰ τὴν ἐκ τούτων εὐπορίαν οὐ βαπτίζουσι ταῖσ εἰσφοραῖσ.

τὴν δὲ μερίδα τὴν τελευταίαν ἔχουσιν οἱ μάχιμοι καλούμενοι καὶ πρὸσ τὰσ λειτουργίασ τὰσ εἰσ τὴν στρατείαν ὑπακούοντεσ, ἵν’ οἱ κινδυνεύοντεσ εὐνούστατοι τῇ χώρᾳ διὰ τὴν κληρουχίαν ὄντεσ προθύμωσ ἐπιδέχωνται τὰ συμβαίνοντα κατὰ τοὺσ πολέμουσ δεινά.

ἄτοπον γὰρ ἦν τὴν μὲν τῶν ἁπάντων σωτηρίαν τούτοισ ἐπιτρέπειν, ὑπὲρ οὗ δὲ ἀγωνιοῦνται μηδὲν αὐτοῖσ ὑπάρχειν κατὰ τὴν χώραν σπουδῆσ ἄξιον·

τὸ δὲ μέγιστον, εὐπορουμένουσ αὐτοὺσ ῥᾳδίωσ τεκνοποιήσειν, καὶ διὰ τοῦτο τὴν πολυανθρωπίαν κατασκευάσειν, ὥστε μὴ προσδεῖσθαι ξενικῆσ δυνάμεωσ τὴν χώραν. ὁμοίωσ δ’ οὗτοι τὴν τάξιν ταύτην ἐκ προγόνων διαδεχόμενοι ταῖσ μὲν τῶν πατέρων ἀνδραγαθίαισ προτρέπονται πρὸσ τὴν ἀνδρείαν, ἐκ παίδων δὲ ζηλωταὶ γινόμενοι τῶν πολεμικῶν ἔργων ἀνίκητοι ταῖσ τόλμαισ καὶ ταῖσ ἐμπειρίαισ ἀποβαίνουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 73

(디오도로스 시켈로스, Bibliotheca Historica, book 1, chapter 73)

상위

목록

SEARCH

MENU NAVIGATION