헬라어 문장 검색 - Διοδορ́Βιβλιοτ́1́71́

(디오도로스 시켈로스, Bibliotheca Historica, book 1, chapter 70)

πρῶτον μὲν τοίνυν οἱ βασιλεῖσ αὐτῶν βίον εἶχον οὐχ ὅμοιον τοῖσ ἄλλοισ τοῖσ ἐν μοναρχικαῖσ ἐξουσίαισ οὖσι καὶ πάντα πράττουσι κατὰ τὴν ἑαυτῶν προαίρεσιν ἀνυπευθύνωσ, ἀλλ’ ἦν ἅπαντα τεταγμένα νόμων ἐπιταγαῖσ, οὐ μόνον τὰ περὶ τοὺσ χρηματισμούσ, ἀλλὰ καὶ τὰ περὶ τὴν καθ’ ἡμέραν διαγωγὴν καὶ δίαιταν. περὶ μὲν γὰρ τὴν θεραπείαν αὐτῶν οὐδεὶσ ἦν οὔτ’ ἀργυρώνητοσ οὔτ’ οἰκογενὴσ δοῦλοσ, ἀλλὰ τῶν ἐπιφανεστάτων ἱερέων υἱοὶ πάντεσ, ὑπὲρ εἴκοσι μὲν ἔτη γεγονότεσ, πεπαιδευμένοι δὲ κάλλιστα τῶν ὁμοεθνῶν, ἵνα τοὺσ ἐπιμελησομένουσ τοῦ σώματοσ καὶ πᾶσαν ἡμέραν καὶ νύκτα προσεδρεύοντασ ὁ βασιλεὺσ ἔχων ἀρίστουσ μηδὲν ἐπιτηδεύῃ φαῦλον·

οὐδεὶσ γὰρ ἐπὶ πλέον κακίασ προβαίνει δυνάστησ, ἐὰν μὴ τοὺσ ὑπηρετήσοντασ ἔχῃ ταῖσ ἐπιθυμίαισ. διατεταγμέναι δ’ ἦσαν αἵ τε τῆσ ἡμέρασ καὶ τῆσ νυκτὸσ ὡρ͂αι, καθ’ ἃσ ἐκ παντὸσ τρόπου καθῆκον ἦν τὸν βασιλέα πράττειν τὸ συντεταγμένον, οὐ τὸ δεδογμένον ἑαυτῷ.

ἑώθεν μὲν γὰρ ἐγερθέντα λαβεῖν αὐτὸν ἔδει πρῶτον τὰσ πανταχόθεν ἀπεσταλμένασ ἐπιστολάσ, ἵνα δύνηται πάντα κατὰ τρόπον χρηματίζειν καὶ πράττειν, εἰδὼσ ἀκριβῶσ ἕκαστα τῶν κατὰ τὴν βασιλείαν συντελουμένων·

θῦσαι τοῖσ θεοῖσ.

τῷ τε βωμῷ προσαχθέντων τῶν θυμάτων ἔθοσ ἦν τὸν ἀρχιερέα στάντα πλησίον τοῦ βασιλέωσ εὔχεσθαι μεγάλῃ τῇ φωνῇ, περιεστῶτοσ τοῦ πλήθουσ τῶν Αἰγυπτίων, δοῦναι τήν τε ὑγίειαν καὶ τἄλλα ἀγαθὰ πάντα τῷ βασιλεῖ διατηροῦντι τὰ πρὸσ τοὺσ ὑποτεταγμένουσ δίκαια. ἀνθομολογεῖσθαι δ’ ἦν ἀναγκαῖον καὶ τὰσ κατὰ μέροσ ἀρετὰσ αὐτοῦ, λέγοντα διότι πρόσ τε τοὺσ θεοὺσ εὐσεβῶσ καὶ πρὸσ τοὺσ ἀνθρώπουσ ἡμερώτατα διάκειται·

ἐγκρατήσ τε γάρ ἐστι καὶ δίκαιοσ καὶ μεγαλόψυχοσ, ἔτι δ’ ἀψευδὴσ καὶ μεταδοτικὸσ τῶν ἀγαθῶν καὶ καθόλου πάσησ ἐπιθυμίασ κρείττων, καὶ τὰσ μὲν τιμωρίασ ἐλάττουσ τῆσ ἀξίασ ἐπιτιθεὶσ τοῖσ ἁμαρτήμασι, τὰσ δὲ χάριτασ μείζονασ τῆσ εὐεργεσίασ ἀποδιδοὺσ τοῖσ εὐεργετήσασι. πολλὰ δὲ καὶ ἄλλα παραπλήσια τούτοισ διελθὼν ὁ κατευχόμενοσ τὸ τελευταῖον ὑπὲρ τῶν ἀγνοουμένων ἀρὰν ἐποιεῖτο, τὸν μὲν βασιλέα τῶν ἐγκλημάτων ἐξαιρούμενοσ, εἰσ δὲ τοὺσ ὑπηρετοῦντασ καὶ διδάξαντασ τὰ φαῦλα καὶ τὴν βλάβην καὶ τὴν τιμωρίαν ἀξιῶν ἀποσκῆψαι.

ταῦτα δ’ ἔπραττεν ἅμα μὲν εἰσ δεισιδαιμονίαν καὶ θεοφιλῆ βίον τὸν βασιλέα προτρεπόμενοσ, ἅμα δὲ καὶ κατὰ τρόπον ζῆν ἐθίζων οὐ διὰ πικρᾶσ νουθετήσεωσ, ἀλλὰ δι’ ἐπαίνων κεχαρισμένων καὶ πρὸσ ἀρετὴν μάλιστ’ ἀνηκόντων.

μετὰ δὲ ταῦτα τοῦ βασιλέωσ ἱεροσκοπησαμένου μόσχῳ καὶ καλλιερήσαντοσ, ὁ μὲν ἱερογραμματεὺσ παρανεγίνωσκέ τινασ συμβουλίασ συμφερούσασ καὶ πράξεισ ἐκ τῶν ἱερῶν βίβλων τῶν ἐπιφανεστάτων ἀνδρῶν, ὅπωσ ὁ τῶν ὅλων τὴν ἡγεμονίαν ἔχων τὰσ καλλίστασ προαιρέσεισ τῇ διανοίᾳ θεωρήσασ οὕτω πρὸσ τὴν τεταγμένην τῶν κατὰ μέροσ τρέπηται διοίκησιν.

οὐ γὰρ μόνον τοῦ χρηματίζειν ἢ κρίνειν ἦν καιρὸσ ὡρισμένοσ, ἀλλὰ καὶ τοῦ περιπατῆσαι καὶ λούσασθαι καὶ κοιμηθῆναι μετὰ τῆσ γυναικὸσ καὶ καθόλου τῶν κατὰ τὸν βίον πραττομένων ἁπάντων.

τροφαῖσ δ’ ἔθοσ ἦν αὐτοῖσ ἁπαλαῖσ χρῆσθαι, κρέα μὲν μόσχων καὶ χηνῶν μόνων προσφερομένουσ, οἴνου δὲ τακτόν τι μέτρον πίνοντασ μὴ δυνάμενον πλησμονὴν ἄκαιρον ἢ μέθην περιποιῆσαι.

καθόλου δὲ τὰ περὶ τὴν δίαιταν οὕτωσ ὑπῆρχε συμμέτρωσ διατεταγμένα ὥστε δοκεῖν μὴ νομοθέτην, ἀλλὰ τὸν ἄριστον τῶν ἰατρῶν συντεταχέναι τῆσ ὑγιείασ στοχαζόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 70

(디오도로스 시켈로스, Bibliotheca Historica, book 1, chapter 70)

상위

목록

SEARCH

MENU NAVIGATION