Diodorus Siculus, Bibliotheca Historica, book 1, chapter 90

(디오도로스 시켈로스, Bibliotheca Historica, book 1, chapter 90)

φέρουσι δὲ καί τινεσ τοιαύτην αἰτίαν τῆσ τῶν ζῴων ἀφιερώσεωσ. συναγομένων γὰρ ἐν ἀρχῇ τῶν ἀνθρώπων ἐκ τοῦ θηριώδουσ βίου, τὸ μὲν πρῶτον ἀλλήλουσ κατεσθίειν καὶ πολεμεῖν, ἀεὶ τοῦ πλέον δυναμένου τὸν ἀσθενέστερον κατισχύοντοσ· μετὰ δὲ ταῦτα τοὺσ τῇ ῥώμῃ λειπομένουσ ὑπὸ τοῦ συμφέροντοσ διδαχθέντασ ἀθροίζεσθαι καὶ ποιῆσαι σημεῖον ἑαυτοῖσ ἐκ τῶν ὕστερον καθιερωθέντων ζῴων· πρὸσ δὲ τοῦτο τὸ σημεῖον τῶν ἀεὶ δεδιότων συντρεχόντων, οὐκ εὐκαταφρόνητον τοῖσ ἐπιτιθεμένοισ γίνεσθαι τὸ σύστημα· τὸ δ’ αὐτὸ καὶ τῶν ἄλλων ποιούντων διαστῆναι μὲν τὰ πλήθη κατὰ συστήματα, τὸ δὲ ζῷον τὸ τῆσ ἀσφαλείασ ἑκάστοισ γενόμενον αἴτιον τιμῶν τυχεῖν ἰσοθέων, ὡσ τὰ μέγιστ’ εὐηργετηκόσ·

διόπερ ἄχρι τῶν νῦν χρόνων τὰ τῶν Αἰγυπτίων ἔθνη διεστηκότα τιμᾶν τὰ παρ’ ἑαυτοῖσ ἐξ ἀρχῆσ τῶν ζῴων καθιερωθέντα. καθόλου δέ φασι τοὺσ Αἰγυπτίουσ ὑπὲρ τοὺσ ἄλλουσ ἀνθρώπουσ εὐχαρίστωσ διακεῖσθαι πρὸσ πᾶν τὸ εὐεργετοῦν, νομίζοντασ μεγίστην ἐπικουρίαν εἶναι τῷ βίῳ τὴν ἀμοιβὴν τῆσ πρὸσ τοὺσ εὐεργέτασ χάριτοσ· δῆλον γὰρ εἶναι διότι πάντεσ πρὸσ εὐεργεσίαν ὁρμήσουσι τούτων μάλιστα παρ’ οἷσ ἄν ὁρῶσι κάλλιστα θησαυρισθησομένασ τὰσ χάριτασ. διὰ δὲ τὰσ αὐτὰσ αἰτίασ δοκοῦσιν Αἰγύπτιοι τοὺσ ἑαυτῶν βασιλεῖσ προσκυνεῖν τε καὶ τιμᾶν ὡσ πρὸσ ἀλήθειαν ὄντασ θεούσ, ἅμα μὲν οὐκ ἄνευ δαιμονίου τινὸσ προνοίασ νομίζοντεσ αὐτοὺσ τετευχέναι τῆσ τῶν ὅλων ἐξουσίασ, ἅμα δὲ τοὺσ βουλομένουσ τε καὶ δυναμένουσ τὰ μέγιστ’ εὐεργετεῖν ἡγούμενοι θείασ μετέχειν φύσεωσ.

περὶ μὲν οὖν τῶν ἀφιερωμένων ζῴων εἰ καὶ πεπλεονάκαμεν, ἀλλ’ οὖν γε τὰ μάλιστα θαυμαζόμενα τῶν παρ’ Αἰγυπτίοισ νόμιμα διευκρινήκαμεν.

일치하는 문장이 없습니다.

SEARCH

MENU NAVIGATION