헬라어 문장 검색 - Διοδορ́Βιβλιοτ́1́53́

(디오도로스 시켈로스, Bibliotheca Historica, book 1, chapter 52)

ἐπειδὴ γὰρ ὁ μὲν Νεῖλοσ οὐχ ὡρισμένασ ἐποιεῖτο τὰσ ἀναβάσεισ, ἡ δὲ χώρα τὴν εὐκαρπίαν παρεσκεύαζεν ἀπὸ τῆσ ἐκείνου συμμετρίασ, εἰσ ὑποδοχὴν τοῦ πλεονάζοντοσ ὕδατοσ ὤρυξε τὴν λίμνην, ὅπωσ μήτε διὰ τὸ πλῆθοσ τῆσ ῥύσεωσ ἐπικλύζων ἀκαίρωσ τὴν χώραν ἕλη καὶ λίμνασ κατασκευάζῃ, μήτ’ ἐλάττω τοῦ συμφέροντοσ τὴν πλήρωσιν ποιούμενοσ τῇ λειψυδρίᾳ τοὺσ καρποὺσ λυμαίνηται. καὶ διώρυχα μὲν ἐκ τοῦ ποταμοῦ κατεσκεύασεν εἰσ τὴν λίμνην ὀγδοήκοντα μὲν σταδίων τὸ μῆκοσ, τρίπλεθρον δὲ τὸ πλάτοσ·

διὰ δὲ ταύτησ ποτὲ μὲν δεχόμενοσ τὸν ποταμόν, ποτὲ δ’ ἀποστρέφων, παρείχετο τοῖσ γεωργοῖσ τὴν τῶν ὑδάτων εὐκαιρίαν, ἀνοιγομένου τοῦ στόματοσ καὶ πάλιν κλειομένου φιλοτέχνωσ καὶ πολυδαπάνωσ· διαμεμένηκε δ’ ἡ λίμνη τὴν εὐχρηστίαν παρεχομένη τοῖσ κατ’ Αἴγυπτον ἑώσ τῶν καθ’ ἡμᾶσ χρόνων, καὶ τὴν προσηγορίαν ἀπὸ τοῦ κατασκευάσαντοσ ἔχει, καλουμένη μέχρι τοῦ νῦν Μοίριδοσ λίμνη.

ὁ δ’ οὖν βασιλεὺσ ὀρύττων ταύτην κατέλιπεν ἐν μέσῃ τόπον, ἐν ᾧ τάφον ᾠκοδόμησε καὶ δύο πυραμίδασ, τὴν μὲν ἑαυτοῦ, τὴν δὲ τῆσ γυναικόσ, σταδιαίασ τὸ ὕψοσ, ἐφ’ ὧν ἐπέστησεν εἰκόνασ λιθίνασ καθημένασ ἐπὶ θρόνου, νομίζων διὰ τούτων τῶν ἔργων ἀθάνατον ἑαυτοῦ καταλείψειν τὴν ἐπ’ ἀγαθῷ μνήμην.

τὴν δ’ ἐκ τῆσ λίμνησ ἀπὸ τῶν ἰχθύων γινομένην πρόσοδον ἔδωκε τῇ γυναικὶ πρὸσ μύρα καὶ τὸν ἄλλον καλλωπισμόν, φερούσησ τῆσ θήρασ ἀργυρίου τάλαντον ἑκάστησ ἡμέρασ·

εἴκοσι γὰρ καὶ δύο γένη τῶν κατ’ αὐτήν φασιν ἰχθύων εἶναι, καὶ τοσοῦτον αὐτῶν ἁλίσκεσθαι πλῆθοσ ὥστε τοὺσ προσκαρτεροῦντασ ταῖσ ταριχείαισ ὄντασ παμπληθεῖσ δυσχερῶσ περιγίνεσθαι τῶν ἔργων.

περὶ μὲν οὖν Μοίριδοσ τοσαῦθ’ ἱστοροῦσιν Αἰγύπτιοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 52

(디오도로스 시켈로스, Bibliotheca Historica, book 1, chapter 52)

상위

목록

SEARCH

MENU NAVIGATION