Diodorus Siculus, Bibliotheca Historica, book 1, chapter 39

(디오도로스 시켈로스, Bibliotheca Historica, book 1, chapter 39)

Δημόκριτοσ δ’ ὁ Ἀβδηρίτησ φησὶν οὐ τὸν περὶ τὴν μεσημβρίαν τόπον χιονίζεσθαι, καθάπερ εἴρηκεν Εὐριπίδησ καὶ Ἀναξαγόρασ, ἀλλὰ τὸν περὶ τὰσ ἄρκτουσ, καὶ τοῦτο ἐμφανὲσ εἶναι πᾶσι. τὸ δὲ πλῆθοσ τῆσ σωρευομένησ χιόνοσ ἐν τοῖσ βορείοισ μέρεσι περὶ μὲν τὰσ τροπὰσ μένειν πεπηγόσ, ἐν δὲ τῷ θέρει διαλυομένων ὑπὸ τῆσ θερμασίασ τῶν πάγων πολλὴν τηκεδόνα γίνεσθαι, καὶ διὰ τοῦτο πολλὰ γεννᾶσθαι καὶ παχέα νέφη περὶ τοὺσ μετεωροτέρουσ τῶν τόπων, δαψιλοῦσ τῆσ ἀναθυμιάσεωσ πρὸσ τὸ ὕψοσ αἰρομένησ.

ταῦτα δ’ ὑπὸ τῶν ἐτησίων ἐλαύνεσθαι, μέχρι ἂν ὅτου προσπέσῃ τοῖσ μεγίστοισ ὄρεσι τῶν κατὰ τὴν οἰκουμένην, ἅ φησιν εἶναι περὶ τὴν Αἰθιοπίαν·

ἔπειτα πρὸσ τούτοισ οὖσιν ὑψηλοῖσ βιαίωσ θραυόμενα παμμεγέθεισ ὄμβρουσ γεννᾶν, ἐξ ὧν πληροῦσθαι τὸν ποταμὸν μάλιστα κατὰ τὴν τῶν ἐτησίων ὡρ́αν. ῥᾴδιον δὲ καὶ τοῦτον ἐξελέγξαι τοὺσ χρόνουσ τῆσ αὐξήσεωσ ἀκριβῶσ ἐξετάζοντα·

ὁ γὰρ Νεῖλοσ ἄρχεται μὲν πληροῦσθαι κατὰ τὰσ θερινὰσ τροπάσ, οὔπω τῶν ἐτησίων πνεόντων, λήγει δ’ ὕστερον ἰσημερίασ φθινοπωρινῆσ, πάλαι προπεπαυμένων τῶν εἰρημένων ἀνέμων. ὅταν οὖν ἡ τῆσ πείρασ ἀκρίβεια κατισχύῃ τὴν τῶν λόγων πιθανότητα, τὴν μὲν ἐπίνοιαν τἀνδρὸσ ἀποδεκτέον, τὴν δὲ πίστιν τοῖσ ὑπ’ αὐτοῦ λεγομένοισ οὐ δοτέον.

παρίημι γὰρ καὶ διότι τοὺσ ἐτησίασ ἰδεῖν ἔστιν οὐδέν τι μᾶλλον ἀπὸ τῆσ ἄρκτου πνέοντασ ἤπερ τῆσ ἑσπέρασ·

οὐ βορέαι γὰρ οὐδ’ ἀπαρκτίαι μόνοι, ἀλλὰ καὶ οἱ πνέοντεσ ἀπὸ θερινῆσ δύσεωσ ἀργέσται κοινωνοῦσι τῆσ τῶν ἐτησίων προσηγορίασ. τό τε λέγειν ὡσ μέγιστα συμβαίνει τῶν ὀρῶν ὑπάρχειν τὰ περὶ τὴν Αἰθιοπίαν οὐ μόνον ἀναπόδεικτόν ἐστιν, ἀλλ’ οὐδὲ τὴν πίστιν ἔχει διὰ τῆσ ἐναργείασ συγχωρουμένην. Ἔφοροσ δὲ καινοτάτην αἰτίαν εἰσφέρων πιθανολογεῖν μὲν πειρᾶται, τῆσ δ’ ἀληθείασ οὐδαμῶσ ἐπιτυγχάνων θεωρεῖται.

καὶ διὰ τούτων πληροῦν τὸν ποταμόν.

ὁ δὲ συγγραφεὺσ οὗτοσ οὐ μόνον ἡμῖν φαίνεται μὴ τεθεαμένοσ τὴν φύσιν τῶν κατὰ τὴν Αἴγυπτον τόπων, ἀλλὰ μηδὲ παρὰ τῶν εἰδότων τὰ κατὰ τὴν χώραν ταύτην ἐπιμελῶσ πεπυσμένοσ. πρῶτον μὲν γάρ, εἴπερ ἐξ αὐτῆσ τῆσ Αἰγύπτου ὁ Νεῖλοσ τὴν αὔξησιν ἐλάμβανεν, οὐκ ἂν ἐν τοῖσ ἀνωτέρω μέρεσιν ἐπληροῦτο, διὰ τε πετρώδουσ καὶ στερεᾶσ χώρασ φερόμενοσ·

νῦν δὲ πλείω τῶν ἑξακισχιλίων σταδίων διὰ τῆσ Αἰθιοπίασ ῥέων τὴν πλήρωσιν ἔχει πρὶν ἢ ψαῦσαι τῆσ Αἰγύπτου. ἔπειτ’ εἰ μὲν τὸ ῥεῦμα τοῦ Νείλου ταπεινότερον ἦν τῶν κατὰ τὴν ποταμόχωστον γῆν ἀραιωμάτων, ἐπιπολαίουσ ἂν εἶναι τὰσ ῥαγάδασ συνέβαινε, καθ’ ἃσ ἀδύνατον ἦν διαμένειν τοσοῦτο πλῆθοσ ὕδατοσ·

εἰ δ’ ὑψηλότερον τόπον ἐπεῖχεν ὁ ποταμὸσ τῶν ἀραιωμάτων, ἀδύνατον ἦν ἐκ τῶν ταπεινοτέρων κοιλωμάτων εἰσ τὴν ὑψηλοτέραν ἐπιφάνειαν τὴν τῶν ὑγρῶν σύρρυσιν γίνεσθαι. καθόλου δὲ τίσ ἂν δυνατὸν ἡγήσαιτο τοὺσ ἐκ τῶν κατὰ τὴν γῆν ἀραιωμάτων ἱδρῶτασ τοσαύτην αὔξησιν τοῦ ποταμοῦ ποιεῖν ὥστε ὑπ’ αὐτοῦ σχεδὸν πᾶσαν τὴν Αἴγυπτον ἐπικλύζεσθαι;

ἀφίημι γὰρ καὶ τὸ ψεῦδοσ τῆσ τε ποταμοχώστου γῆσ καὶ τῶν ἐν τοῖσ ἀραιώμασι τηρουμένων ὑδάτων, ἐμφανῶν ὄντων τῶν ἐν τούτοισ ἐλέγχων. ὁ μὲν γὰρ Μαίανδροσ ποταμὸσ κατὰ τὴν Ἀσίαν πολλὴν χώραν πεποίηκε ποταμόχωστον, ἐν ᾗ τῶν συμβαινόντων περὶ τὴν ἀναπλήρωσιν τοῦ Νείλου τὸ σύνολον οὐδὲν θεωρεῖται γινόμενον.

ὁμοίωσ δὲ τούτῳ περὶ μὲν τὴν Ἀκαρνανίαν ὁ καλούμενοσ Ἀχελῷοσ ποταμόσ, περὶ δὲ τὴν Βοιωτίαν ὁ Κηφισὸσ φερόμενοσ ἐκ τῶν Φωκέων προσκέχωκεν οὐκ ὀλίγην χώραν, ἐφ’ ὧν ἀμφοτέρων ἐλέγχεται φανερῶσ τὸ ψεῦδοσ τοῦ συγγραφέωσ.

ἀλλὰ γὰρ οὐκ ἄν τισ παρ’ Ἐφόρῳ ζητήσειεν ἐκ παντὸσ τρόπου τἀκριβέσ, ὁρῶναὐτὸν ἐν πολλοῖσ ὠλιγωρηκότα τῆσ ἀληθείασ.

일치하는 문장이 없습니다.

SEARCH

MENU NAVIGATION