헬라어 문장 검색 - Διοδορ́Βιβλιοτ́1́23́

(디오도로스 시켈로스, Bibliotheca Historica, book 1, chapter 22)

τὴν δὲ Ἶσίν φασι μετὰ τὴν Ὀσίριδοσ τελευτὴν ὀμόσαι μηδενὸσ ἀνδρὸσ ἔτι συνουσίαν προσδέξεσθαι, διατελέσαι δὲ τὸν λοιπὸν τοῦ βίου χρόνον βασιλεύουσαν νομιμώτατα καὶ ταῖσ εἰσ τοὺσ ἀρχομένουσ εὐεργεσίαισ ἅπαντασ ὑπερβαλλομένην. ὁμοίωσ δὲ καὶ ταύτην μεταστᾶσαν ἐξ ἀνθρώπων τυχεῖν ἀθανάτων τιμῶν καὶ ταφῆναι κατὰ τὴν Μέμφιν, ὅπου δείκνυται μέχρι τοῦ νῦν ὁ σηκόσ, ὑπάρχων ἐν τῷ τεμένει τοῦ Ἡφαίστου.

ἔνιοι δέ φασιν οὐκ ἐν Μέμφει κεῖσθαι τὰ σώματα τούτων τῶν θεῶν, ἀλλ’ ἐπὶ τῶν ὁρ́ων τῆσ Αἰθιοπίασ καὶ τῆσ Αἰγύπτου κατὰ τὴν ἐν τῷ Νείλῳ νῆσον, κειμένην μὲν πρὸσ ταῖσ καλουμέναισ Φίλαισ, ἔχουσαν δὲ προσηγορίαν ἀπὸ τοῦ συμβεβηκότοσ ἱεροῦ πεδίου.

σημεῖα δὲ τούτου δεικνύουσιν ἐν τῇ νήσῳ ταύτῃ διαμένοντα τόν τε τάφον τὸν κατεσκευασμένον Ὀσίριδι, κοινῇ τιμώμενον ὑπὸ τῶν κατ’ Αἴγυπτον ἱερέων, καὶ τὰσ περὶ τοῦτον κειμένασ ἑξήκοντα καὶ τριακοσίασ χοάσ·

ταύτασ γὰρ καθ’ ἑκάστην ἡμέραν γάλακτοσ πληροῦν τοὺσ πρὸσ τούτοισ ταχθέντασ ἱερεῖσ, καὶ θρηνεῖν ἀνακαλουμένουσ τὰ τῶν θεῶν ὀνόματα.

διὰ ταύτην δὲ τὴν αἰτίαν καὶ τὴν νῆσον ταύτην ἄβατον εἶναι τοῖσ παριοῦσι.

καὶ πάντασ τοὺσ τὴν Θηβαΐδα κατοικοῦντασ, ἥπερ ἐστὶν ἀρχαιοτάτη τῆσ Αἰγύπτου, μέγιστον ὁρ́κον κρίνειν, ὅταν τισ τὸν Ὄσιριν τὸν ἐν Φίλαισ κείμενον ὀμόσῃ. τὰ μὲν οὖν ἀνευρεθέντα τοῦ Ὀσίριδοσ μέρη ταφῆσ ἀξιωθῆναί φασι τὸν εἰρημένον τρόπον, τὸ δὲ αἰδοῖον ὑπὸ μὲν Τυφῶνοσ εἰσ τὸν ποταμὸν ῥιφῆναι λέγουσι διὰ τὸ μηδένα τῶν συνεργησάντων αὐτὸ λαβεῖν βουληθῆναι, ὑπὸ δὲ τῆσ Ἴσιδοσ οὐδὲν ἧττον τῶν ἄλλων ἀξιωθῆναι τιμῶν ἰσοθέων· ἔν τε γὰρ τοῖσ ἱεροῖσ εἴδωλον αὐτοῦ κατασκευάσασαν τιμᾶν καταδεῖξαι καὶ κατὰ τὰσ τελετὰσ καὶ τὰσ θυσίασ τὰσ τῷ θεῷ τούτῳ γινομένασ ἐντιμότατον ποιῆσαι καὶ πλείστου σεβασμοῦ τυγχάνειν. διὸ καὶ τοὺσ Ἕλληνασ, ἐξ Αἰγύπτου παρειληφότασ τὰ περὶ τοὺσ ὀργιασμοὺσ καὶ τὰσ Διονυσιακὰσ ἑορτάσ, τιμᾶν τοῦτο τὸ μόριον ἔν τε τοῖσ μυστηρίοισ καὶ ταῖσ τοῦ θεοῦ τούτου τελεταῖσ τε καὶ θυσίαισ, ὀνομάζοντασ αὐτὸ φαλλόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 22

(디오도로스 시켈로스, Bibliotheca Historica, book 1, chapter 22)

상위

목록

SEARCH

MENU NAVIGATION