헬라어 문장 검색 - Διοδορ́Βιβλιοτ́1́11́

(디오도로스 시켈로스, Bibliotheca Historica, book 1, chapter 10)

φασὶ τοίνυν Αἰγύπτιοι κατὰ τὴν ἐξ ἀρχῆσ τῶν ὅλων γένεσιν πρώτουσ ἀνθρώπουσ γενέσθαι κατὰ τὴν Αἴγυπτον διά τε τὴν εὐκρασίαν τῆσ χώρασ καὶ διὰ τὴν φύσιν τοῦ Νείλου. τοῦτον γὰρ πολύγονον ὄντα καὶ τὰσ τροφὰσ αὐτοφυεῖσ παρεχόμενον ῥᾳδίωσ ἐκτρέφειν τὰ ζωογονηθέντα· τήν τε γὰρ τοῦ καλάμου ῥίζαν καὶ τὸν λωτόν, ἔτι δὲ τὸν Αἰγύπτιον κύαμον καὶ τὸ καλούμενον κορσαῖον καὶ πολλὰ τοιαῦθ’ ἕτερα τροφὴν ἑτοίμην παρέχεσθαι τῷ γένει τῶν ἀνθρώπων. τῆσ δ’ ἐξ ἀρχῆσ παρ’ αὐτοῖσ ζωογονίασ τεκμήριον πειρῶνται φέρειν τὸ καὶ νῦν ἔτι τὴν ἐν Θηβαΐδι χώραν κατά τινασ καιροὺσ τοσούτουσ καὶ τηλικούτουσ μῦσ γεννᾶν ὥστε τοὺσ ἰδόντασ τὸ γινόμενον ἐκπλήττεσθαι·

ἐνίουσ γὰρ αὐτῶν ἑώσ μὲν τοῦ στήθουσ καὶ τῶν ἐμπροσθίων ποδῶν διατετυπῶσθαι καὶ κίνησιν λαμβάνειν, τὸ δὲ λοιπὸν τοῦ σώματοσ ἔχειν ἀδιατύπωτον, μενούσησ ἔτι κατὰ φύσιν τῆσ βώλου. ἐκ τούτου δ’ εἶναι φανερὸν ὅτι κατὰ τὴν ἐξ ἀρχῆσ τοῦ κόσμου σύστασιν τῆσ γῆσ εὐκράτου καθεστώσησ μάλιστ’ ἂν ἔσχε τὴν γένεσιν τῶν ἀνθρώπων ἡ κατ’ Αἴγυπτον χώρα·

καὶ γὰρ νῦν, οὐδαμοῦ τῆσ ἄλλησ γῆσ φυούσησ οὐδὲν τῶν τοιούτων, ἐν μόνῃ ταύτῃ θεωρεῖσθαί τινα τῶν ἐμψύχων παραδόξωσ ζωογονούμενα. καθόλου δὲ λέγουσιν, εἴτε κατὰ τὸν ἐπὶ Δευκαλίωνοσ γενόμενον κατακλυσμὸν ἐφθάρη τὰ πλεῖστα τῶν ζῴων, εἰκὸσ μάλιστα διασεσῶσθαι τοὺσ κατὰ τὴν Αἴγυπτον ὑπὸ τὴν μεσημβρίαν κατοικοῦντασ, ὡσ ἂν τῆσ χώρασ αὐτῶν οὔσησ ἀνόμβρου κατὰ τὸ πλεῖστον, εἴτε, καθάπερ τινέσ φασι, παντελοῦσ γενομένησ τῶν ἐμψύχων φθορᾶσ ἡ γῆ πάλιν ἐξ ἀρχῆσ καινὰσ ἤνεγκε τῶν ζῴων φύσεισ, ὅμωσ καὶ κατὰ τοῦτον τὸν λόγον πρέπειν τὴν ἀρχηγὸν τῶν ἐμψύχων γένεσιν προσάπτειν ταύτῃ τῇ χώρᾳ.

τῆσ γὰρ παρὰ τοῖσ ἄλλοισ ἐπομβρίασ τῷ παρ’ ἑαυτοῖσ γινομένῳ καύματι μιγείσησ εἰκὸσ εὐκρατότατον γενέσθαι τὸν ἀέρα πρὸσ τὴν ἐξ ἀρχῆσ τῶν πάντων ζωογονίαν.

καὶ γὰρ ἐν τοῖσ καθ’ ἡμᾶσ ἔτι χρόνοισ κατὰ τὴν ἐπίκλυστον Αἴγυπτον ἐν τοῖσ ὀψίμοισ τῶν ὑδάτων φανερῶσ ὁρᾶσθαι γεννωμένασ φύσεισ ἐμψύχων·

ὅταν γὰρ τοῦ ποταμοῦ τὴν ἀναχώρησιν ποιουμένου τὴν πρώτην τῆσ ἰλύοσ ὁ ἥλιοσ διαξηράνῃ, φασὶ συνίστασθαι ζῷα, τινὰ μὲν εἰσ τέλοσ ἀπηρτισμένα, τινὰ δὲ ἡμιτελῆ καὶ πρὸσ αὐτῇ συμφυῆ τῇ γῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 10

(디오도로스 시켈로스, Bibliotheca Historica, book 1, chapter 10)

상위

목록

SEARCH

MENU NAVIGATION