헬라어 문장 검색 - Διοδορ́Βιβλιοτ́1́14́

(디오도로스 시켈로스, Bibliotheca Historica, book 1, chapter 13)

ἄλλουσ δ’ ἐκ τούτων ἐπιγείουσ γενέσθαι φασίν, ὑπάρξαντασ μὲν θνητούσ, διὰ δὲ σύνεσιν καὶ κοινὴν ἀνθρώπων εὐεργεσίαν τετευχότασ τῆσ ἀθανασίασ, ὧν ἐνίουσ καὶ βασιλεῖσ γεγονέναι κατὰ τὴν Αἴγυπτον. μεθερμηνευομένων δ’ αὐτῶν τινὰσ μὲν ὁμωνύμουσ ὑπάρχειν τοῖσ οὐρανίοισ, τινὰσ δ’ ἰδίαν ἐσχηκέναι προσηγορίαν, Ἥλιόν τε καὶ Κρόνον καὶ Ῥέαν, ἔτι δὲ Δία τὸν ὑπό τινων Ἄμμωνα προσαγορευόμενον, πρὸσ δὲ τούτοισ Ἥραν καὶ Ἥφαιστον, ἔτι δ’ Ἑστίαν καὶ τελευταῖον Ἑρμῆν.

καὶ πρῶτον μὲν Ἥλιον βασιλεῦσαι τῶν κατ’ Αἴγυπτον, ὁμώνυμον ὄντα τῷ κατ’ οὐρανὸν ἄστρῳ. ἔνιοι δὲ τῶν ἱερέων φασὶ πρῶτον Ἥφαιστον βασιλεῦσαι, πυρὸσ εὑρετὴν γενόμενον καὶ διὰ τὴν εὐχρηστίαν ταύτην τυχόντα τῆσ ἡγεμονίασ·

γενομένου γὰρ ἐν τοῖσ ὄρεσι κεραυνοβόλου δένδρου καὶ τῆσ πλησίον ὕλησ καομένησ προσελθόντα τὸν Ἥφαιστον κατὰ τὴν χειμέριον ὡρ́αν ἡσθῆναι διαφερόντωσ ἐπὶ τῇ θερμασίᾳ, λήγοντοσ δὲ τοῦ πυρὸσ ἀεὶ τῆσ ὕλησ ἐπιβάλλειν, καὶ τούτῳ τῷ τρόπῳ διατηροῦντα τὸ πῦρ προκαλεῖσθαι τοὺσ ἄλλουσ ἀνθρώπουσ πρὸσ τὴν ἐξ αὐτοῦ γινομένην εὐχρηστίαν. μετὰ δὲ ταῦτα τὸν Κρόνον ἄρξαι, καὶ γήμαντα τὴν ἀδελφὴν Ῥέαν γεννῆσαι κατὰ μέν τινασ τῶν μυθολόγων Ὄσιριν καὶ Ἶσιν, κατὰ δὲ τοὺσ πλείστουσ Δία τε καὶ Ἥραν, οὓσ δι’ ἀρετὴν βασιλεῦσαι τοῦ σύμπαντοσ κόσμου.

ἐκ δὲ τούτων γενέσθαι πέντε θεούσ, καθ’ ἑκάστην τῶν ἐπαγομένων παρ’ Αἰγυπτίοισ πένθ’ ἡμερῶν ἑνὸσ γεννηθέντοσ· ὀνόματα δὲ ὑπάρξαι τοῖσ τεκνωθεῖσιν Ὄσιριν καὶ Ἶσιν, ἔτι δὲ Τυφῶνα καὶ Ἀπόλλωνα καὶ Ἀφροδίτην· καὶ τὸν μὲν Ὄσιριν μεθερμηνευόμενον εἶναι Διόνυσον, τὴν δὲ Ἶσιν ἔγγιστά πωσ Δήμητραν.

ταύτην δὲ γήμαντα τὸν Ὄσιριν καὶ τὴν βασιλείαν διαδεξάμενον πολλὰ πρᾶξαι πρὸσ εὐεργεσίαν τοῦ κοινοῦ βίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, book 1, chapter 13

(디오도로스 시켈로스, Bibliotheca Historica, book 1, chapter 13)

상위

목록

SEARCH

MENU NAVIGATION