Diodorus Siculus, Bibliotheca Historica, book 1, chapter 55

(디오도로스 시켈로스, Bibliotheca Historica, book 1, chapter 55)

κατασκευάσασ δὲ τὴν δύναμιν ἐστράτευσεν ἐπὶ πρώτουσ Αἰθίοπασ τοὺσ πρὸσ τῇ μεσημβρίᾳ κατοικοῦντασ, καὶ καταπολεμήσασ ἠνάγκασε τὸ ἔθνοσ φόρουσ τελεῖν ἔβενον καὶ χρυσὸν καὶ τῶν ἐλεφάντων τοὺσ ὀδόντασ. ἔπειτ’ εἰσ μὲν τὴν Ἐρυθρὰν θάλατταν ἀπέστειλε στόλον νεῶν τετρακοσίων, πρῶτοσ τῶν ἐγχωρίων μακρὰ σκάφη ναυπηγησάμενοσ, καὶ τάσ τε νήσουσ τὰσ ἐν τοῖσ τόποισ κατεκτήσατο καὶ τῆσ ἠπείρου τὰ παρὰ θάλατταν μέρη κατεστρέψατο μέχρι τῆσ Ἰνδικῆσ·

αὐτὸσ δὲ μετὰ τῆσ δυνάμεωσ πεζῇ τὴν πορείαν ποιησάμενοσ κατεστρέψατο πᾶσαν τὴν Ἀσίαν. οὐ μόνον γὰρ τὴν ὕστερον ὑπ’ Ἀλεξάνδρου τοῦ Μακεδόνοσ κατακτηθεῖσαν χώραν ἐπῆλθεν, ἀλλὰ καί τινα τῶν ἐθνῶν ὧν ἐκεῖνοσ οὐ παρέβαλεν εἰσ τὴν χώραν.

καὶ γὰρ τὸν Γάγγην ποταμὸν διέβη καὶ τὴν Ἰνδικὴν ἐπῆλθε πᾶσαν ἑώσ ὠκεανοῦ καὶ τὰ τῶν Σκυθῶν ἔθνη μέχρι Τανάιδοσ ποταμοῦ τοῦ διορίζοντοσ τὴν Εὐρώπην ἀπὸ τῆσ Ἀσίασ·

ὅτε δή φασι τῶν Αἰγυπτίων τινὰσ καταλειφθέντασ περὶ τὴν Μαιῶτιν λίμνην συστήσασθαι τὸ τῶν Κόλχων ἔθνοσ. ὅτι δὲ τοῦτο τὸ γένοσ Αἰγυπτιακόν ἐστι σημεῖον εἶναι τὸ περιτέμνεσθαι τοὺσ ἀνθρώπουσ παραπλησίωσ τοῖσ κατ’ Αἴγυπτον, διαμένοντοσ τοῦ νομίμου παρὰ τοῖσ ἀποίκοισ, καθάπερ καὶ παρὰ τοῖσ Ιοὐδαίοισ.

ὁμοίωσ δὲ καὶ τὴν λοιπὴν Ἀσίαν ἅπασαν ὑπήκοον ἐποιήσατο καὶ τῶν Κυκλάδων νήσων τὰσ πλείουσ.

διαβὰσ δ’ εἰσ τὴν Εὐρώπην καὶ διεξιὼν ἅπασαν τὴν Θρᾴκην ἐκινδύνευσεν ἀποβαλεῖν τὴν δύναμιν διὰ σπάνιν τροφῆσ καὶ τόπων δυσχωρίασ. διόπερ ὁρ́ια τῆσ στρατείασ ποιησάμενοσ ἐν τῇ Θρᾴκῃ, στήλασ κατεσκεύασεν ἐν πολλοῖσ τόποισ τῶν ὑπ’ αὐτοῦ κατακτηθέντων·

. τὴν δὲ στήλην κατεσκεύασεν ἔχουσαν αἰδοῖον ἐν μὲν τοῖσ μαχίμοισ ἔθνεσιν ἀνδρόσ, ἐν δὲ τοῖσ ἀγεννέσι καὶ δειλοῖσ γυναικόσ, ἀπὸ τοῦ κυριωτέρου μέρουσ τὴν διάθεσιν τῆσ ἑκάστων ψυχῆσ φανερωτάτην τοῖσ ἐπιγινομένοισ ἔσεσθαι νομίζων.

ἐν ἐνίοισ δὲ τόποισ καὶ τὴν ἑαυτοῦ κατεσκεύασεν εἰκόνα λιθίνην, τόξα καὶ λόγχην ἔχουσαν, τῷ μεγέθει τέτταρσι παλαισταῖσ μείζονα τῶν τεττάρων πηχῶν, ἡλίκοσ ὢν καὶ αὐτὸσ ἐτύγχανεν.

ἐπιεικῶσ δὲ προσενεχθεὶσ ἅπασι τοῖσ ὑποτεταγμένοισ καὶ συντελέσασ τὴν στρατείαν ἐν ἔτεσιν ἐννέα, τοῖσ μὲν ἔθνεσι κατὰ δύναμιν προσέταξε δωροφορεῖν κατ’ ἐνιαυτὸν εἰσ Αἴγυπτον, αὐτὸσ δ’ ἀθροίσασ αἰχμαλώτων τε καὶ τῶν ἄλλων λαφύρων πλῆθοσ ἀνυπέρβλητον ἐπανῆλθεν εἰσ τὴν πατρίδα, μεγίστασ πράξεισ τῶν πρὸ αὐτοῦ κατειργασμένοσ.

καὶ τὰ μὲν ἱερὰ πάντα τὰ κατ’ Αἴγυπτον ἀναθήμασιν ἀξιολόγοισ καὶ σκύλοισ ἐκόσμησε, τῶν δὲ στρατιωτῶν τοὺσ ἀνδραγαθήσαντασ δωρεαῖσ κατὰ τὴν ἀξίαν ἐτίμησε.

καθόλου δὲ ἀπὸ ταύτησ τῆσ στρατείασ οὐ μόνον ἡ συνανδραγαθήσασα δύναμισ μεγάλην εὐπορίαν κτησαμένη τὴν ἐπάνοδον ἐποιήσατο λαμπράν, ἀλλὰ καὶ τὴν Αἴγυπτον ἅπασαν συνέβη παντοίασ ὠφελείασ ἐμπλησθῆναι.

일치하는 문장이 없습니다.

SEARCH

MENU NAVIGATION