헬라어 문장 검색 - Διοδορ́Βιβλιοτ́1́39́

(디오도로스 시켈로스, Bibliotheca Historica, book 1, chapter 38)

ἐπειδὴ δὲ περὶ τῶν πηγῶν καὶ τῆσ ῥύσεωσ αὐτοῦ διεληλύθαμεν, πειρασόμεθα τὰσ αἰτίασ ἀποδιδόναι τῆσ πληρώσεωσ. Θαλῆσ μὲν οὖν, εἷσ τῶν ἑπτὰ σοφῶν ὀνομαζόμενοσ, φησὶ τοὺσ ἐτησίασ ἀντιπνέοντασ ταῖσ ἐκβολαῖσ τοῦ ποταμοῦ κωλύειν εἰσ θάλατταν προχεῖσθαι τὸ ῥεῦμα, καὶ διὰ τοῦτ’ αὐτὸν πληρούμενον ἐπικλύζειν ταπεινὴν οὖσαν καὶ πεδιάδα τὴν Αἴγυπτον.

τοῦ δὲ λόγου τούτου, καίπερ εἶναι δοκοῦντοσ πιθανοῦ, ῥᾴδιον ἐξελέγξαι τὸ ψεῦδοσ.

εἰ γὰρ ἦν ἀληθὲσ τὸ προειρημένον, οἱ ποταμοὶ πάντεσ ἂν οἱ τοῖσ ἐτησίαισ ἐναντίασ τὰσ ἐκβολὰσ ἔχοντεσ ἐποιοῦντο τὴν ὁμοίαν ἀνάβασιν· οὗ μηδαμοῦ τῆσ οἰκουμένησ συμβαίνοντοσ ζητητέον ἑτέραν αἰτίαν ἀληθινὴν τῆσ πληρώσεωσ. Ἀναξαγόρασ δ’ ὁ φυσικὸσ ἀπεφήνατο τῆσ ἀναβάσεωσ αἰτίαν εἶναι τὴν τηκομένην χιόνα κατὰ τὴν Αἰθιοπίαν, ᾧ καὶ ὁ ποιητὴσ Εὐριπίδησ μαθητὴσ ὢν ἠκολούθηκε·

λέγει γοῦν Νείλου λιπὼν κάλλιστον ἐκ γαίασ ὕδωρ, ὃσ ἐκ μελαμβρότοιο πληροῦται ῥοὰσ Αἰθιοπίδοσ γῆσ, ἡνίκ’ ἂν τακῇ χιών. καὶ ταύτην δὲ τὴν ἀπόφασιν οὐ πολλῆσ ἀντιρρήσεωσ δεῖσθαι συμβέβηκε, φανεροῦ πᾶσιν ὄντοσ ὅτι διὰ τὴν ὑπερβολὴν τῶν καυμάτων ἀδύνατον χιόνα πίπτειν περὶ τὴν Αἰθιοπίαν·

καθόλου γὰρ περὶ τοὺσ τόπουσ τούτουσ οὔτε πάγοσ οὔτε ψῦχοσ οὔθ’ ὅλωσ χειμῶνοσ ἔμφασισ γίνεται, καὶ μάλιστα περὶ τὴν ἀνάβασιν τοῦ Νείλου.

εἰ δέ τισ καὶ συγχωρήσαι χιόνοσ εἶναι πλῆθοσ ἐν τοῖσ ὑπὲρ Αἰθιοπίαν τόποισ, ὅμωσ ἐλέγχεται τὸ ψεῦδοσ τῆσ ἀποφάσεωσ· πᾶσ γὰρ ποταμὸσ ἀπὸ χιόνοσ ῥέων ὁμολογουμένωσ αὔρασ ἀναδίδωσι ψυχρὰσ καὶ τὸν ἀέρα παχύνει·

περὶ δὲ τὸν Νεῖλον μόνον τῶν ποταμῶν οὔτε νέφουσ ὑποστάσεισ ὑπάρχουσιν οὔτ’ αὖραι ψυχραὶ γίνονται οὔθ’ ὁ ἀὴρ παχύνεται. Ἡρόδοτοσ δέ φησι τὸν Νεῖλον εἶναι μὲν φύσει τηλικοῦτον ἡλίκοσ γίνεται κατὰ τὴν πλήρωσιν, ἐν δὲ τῷ χειμῶνι τὸν ἥλιον κατὰ τὴν Λιβύην φερόμενον ἐπισπᾶσθαι πρὸσ ἑαυτὸν πολλὴν ὑγρασίαν ἐκ τοῦ Νείλου, καὶ διὰ τοῦτο περὶ τοὺσ καιροὺσ τούτουσ παρὰ φύσιν ἐλάττονα γίνεσθαι τὸν ποταμόν·

τοῦ δὲ θέρουσ ἐπιστάντοσ ἀποχωροῦντα τῇ φορᾷ τὸν ἥλιον πρὸσ τὰσ ἄρκτουσ ἀναξηραίνειν καὶ ταπεινοῦν τούσ τε περὶ τὴν Ἑλλάδα ποταμοὺσ καὶ τοὺσ κατὰ τὴν ἄλλην χώραν τὴν ὁμοίωσ ἐκείνῃ κειμένην.

οὐκέτ’ οὖν εἶναι παράδοξον τὸ γινόμενον περὶ τὸν Νεῖλον·

οὐ γὰρ ἐν τοῖσ καύμασιν αὔξεσθαι, κατὰ τὸν χειμῶνα δὲ ταπεινοῦσθαι διὰ τὴν προειρημένην αἰτίαν. ῥητέον οὖν καὶ πρὸσ τοῦτον ὅτι καθῆκον ἦν, ὥσπερ ἀπὸ τοῦ Νείλου τὴν ὑγρασίαν ὁ ἥλιοσ ἐφ’ ἑαυτὸν ἐπισπᾶται κατὰ τοὺσ τοῦ χειμῶνοσ καιρούσ, οὕτω καὶ ἀπὸ τῶν ἄλλων τῶν κατὰ τὴν Λιβύην ὄντων ποταμῶν ἀναλαμβάνειν τι τῶν ὑγρῶν καὶ ταπεινοῦν τὰ φερόμενα ῥεύματα.

ἐπεὶ δ’ οὐδαμοῦ τῆσ Λιβύησ οὐδὲν τοιοῦτον γινόμενον θεωρεῖται, περιφανῶσ ὁ συγγραφεὺσ σχεδιάζων εὑρίσκεται·

καὶ γὰρ οἱ περὶ τὴν Ἑλλάδα ποταμοὶ τὴν αὔξησιν ἐν τῷ χειμῶνι λαμβάνουσιν οὐ διὰ τὸ μακρότερον ἀφίστασθαι τὸν ἥλιον, ἀλλὰ διὰ τὸ πλῆθοσ τῶν γινομένων ὄμβρων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 38

(디오도로스 시켈로스, Bibliotheca Historica, book 1, chapter 38)

상위

목록

SEARCH

MENU NAVIGATION