Diodorus Siculus, Bibliotheca Historica, book 1, chapter 43

(디오도로스 시켈로스, Bibliotheca Historica, book 1, chapter 43)

βίῳ γὰρ τὸ παλαιὸν Αἰγυπτίουσ φασὶ χρῆσθαι τὸ μὲν ἀρχαιότατον πόαν ἐσθίοντασ καὶ τῶν ἐν τοῖσ ἕλεσι γινομένων τοὺσ καυλοὺσ καὶ τὰσ ῥίζασ, πεῖραν διὰ τῆσ γεύσεωσ ἑκάστου λαμβάνοντασ, πρώτην δὲ καὶ μάλιστα προσενέγκασθαι τὴν ὀνομαζομένην ἄγρωστιν διὰ τὸ καὶ τῇ γλυκύτητι διάφορον εἶναι καὶ τὴν τροφὴν ἀρκοῦσαν παρέχεσθαι τοῖσ σώμασι τῶν ἀνθρώπων· καὶ γὰρ τοῖσ κτήνεσι ταύτην θεωρεῖσθαι προσηνῆ καὶ ταχὺ τοὺσ ὄγκουσ αὐτῶν προσανατρέφειν.

διὸ καὶ τῆσ εὐχρηστίασ τῆσ περὶ τὴν βοτάνην ταύτην μνημονεύοντασ τοὺσ ἀνθρώπουσ μέχρι τοῦ νῦν, ὅταν πρὸσ θεοὺσ βαδίζωσι, τῇ χειρὶ ταύτησ λαμβάνοντασ προσεύχεσθαι· οἰόνται γὰρ τὸν ἄνθρωπον ἕλειον καὶ λιμνῶδεσ εἶναι ζῷον, ἀπό τε τῆσ λειότητοσ τεκμαιρόμενοι καὶ τῆσ φυσικῆσ ποιότητοσ, ἔτι δὲ τοῦ προσδεῖσθαι τροφῆσ τῆσ ὑγρᾶσ μᾶλλον ἢ τῆσ ξηρᾶσ. δευτέραν δὲ λέγουσιν ἔχειν διαγωγὴν τοὺσ Αἰγυπτίουσ τὴν τῶν ἰχθύων βρῶσιν, πολλὴν δαψίλειαν παρεχομένου τοῦ ποταμοῦ, καὶ μάλισθ’ ὅτε μετὰ τὴν ἀνάβασιν ταπεινούμενοσ ἀναξηραίνοιτο.

ὁμοίωσ δὲ καὶ τῶν βοσκημάτων ἔνια σαρκοφαγεῖν, καὶ ταῖσ δοραῖσ τῶν κατεσθιομένων ἐσθῆσι χρῆσθαι, καὶ τὰσ οἰκήσεισ ἐκ τῶν καλάμων κατασκευάζεσθαι.

ἴχνη δὲ τούτων διαμένειν παρὰ τοῖσ νομεῦσι τοῖσ κατ’ Αἴγυπτον, οὓσ ἅπαντάσ φασι μέχρι τοῦ νῦν μηδεμίαν ἄλλην οἴκησιν ἢ τὴν ἐκ τῶν καλάμων ἔχειν, δοκιμάζοντασ ἀρκεῖσθαι ταύτῃ. πολλοὺσ δὲ χρόνουσ τούτῳ τῷ βίῳ διεξαγαγόντασ τὸ τελευταῖον ἐπὶ τοὺσ ἐδωδίμουσ μεταβῆναι καρπούσ, ὧν εἶναι καὶ τὸν ἐκ τοῦ λωτοῦ γινόμενον ἄρτον.

καὶ τούτων τὴν εὑρ́εσιν οἱ μὲν εἰσ τὴν Ἶσιν ἀναφέρουσιν, οἱ δ’ εἴσ τινα τῶν παλαιῶν βασιλέων τὸν ὀνομαζόμενον Μηνᾶν. οἱ δ’ ἱερεῖσ εὑρετὴν τῶν μὲν παιδειῶν καὶ τῶν τεχνῶν μυθολογοῦσι τὸν Ἑρμῆν γεγονέναι, τῶν δ’ εἰσ τὸν βίον ἀναγκαίων τοὺσ βασιλεῖσ·

διὸ καὶ τὸ παλαιὸν παραδίδοσθαι τὰσ βασιλείασ μὴ τοῖσ ἐκγόνοισ τῶν ἀρξάντων, ἀλλὰ τοῖσ πλεῖστα καὶ μέγιστα τὸ πλῆθοσ εὐεργετοῦσιν, εἴτε προκαλουμένων τῶν ἀνθρώπων τοὺσ ἐφ’ ἑαυτῶν βασιλεῖσ ἐπὶ τὴν κοινὴν εὐεργεσίαν, εἴτε καὶ κατ’ ἀλήθειαν ἐν ταῖσ ἱεραῖσ ἀναγραφαῖσ οὕτω παρειληφότων.

일치하는 문장이 없습니다.

SEARCH

MENU NAVIGATION