Diodorus Siculus, Bibliotheca Historica, book 1, chapter 59

(디오도로스 시켈로스, Bibliotheca Historica, book 1, chapter 59)

ὁ δ’ υἱὸσ αὐτοῦ διαδεξάμενοσ τὴν βασιλείαν καὶ τὴν τοῦ πατρὸσ προσηγορίαν ἑαυτῷ περιθέμενοσ πρᾶξιν μὲν πολεμικὴν ἢ μνήμησ ἀξίαν οὐδ’ ἡντινοῦν συνετελέσατο, συμπτώματι δὲ περιέπεσεν ἰδιάζοντι. ἐστερήθη μὲν γὰρ τῆσ ὁράσεωσ εἴτε διὰ τὴν πρὸσ τὸν πατέρα τῆσ φύσεωσ κοινωνίαν εἴθ’, ὥσ τινεσ μυθολογοῦσι, διὰ τὴν εἰσ τὸν ποταμὸν ἀσέβειαν, ἐν ᾧ χειμαζόμενόσ ποτε τὸ φερόμενον ῥεῦμα κατηκόντισε·

διὰ δὲ τὴν ἀτυχίαν ἀναγκασθεὶσ καταφυγεῖν ἐπὶ τὴν τῶν θεῶν βοήθειαν, ἐπὶ χρόνουσ ἱκανοὺσ πλείσταισ θυσίαισ καὶ τιμαῖσ τὸ θεῖον ἐξιλασκόμενοσ λασκόμενοσ οὐδεμιᾶσ ἐτύγχανε πολυωρίασ· τῷ δεκάτῳ δ’ ἔτει μαντείασ αὐτῷ γενομένησ τιμῆσαί τε τὸν θεὸν τὸν ἐν Ἡλιουπόλει καὶ γυναικὸσ οὔρῳ νίζεσθαι τὸ πρόσωπον ἥτισ ἑτέρου πεῖραν ἀνδρὸσ οὐκ εἴληφε, τῶν μὲν γυναικῶν ἀπὸ τῆσ ἰδίασ ἀρξάμενοσ καὶ πολλὰσ ἐξετάσασ οὐδεμίαν εὑρ͂εν ἀδιάφθορον πλὴν κηπουροῦ τινοσ, ἣν ὑγιὴσ γενόμενοσ ἔγημε·

τὰσ δ’ ἄλλασ ζώσασ ἐν κώμῃ τινὶ κατέκαυσεν, ἣν Αἰγύπτιοι διὰ τὸ σύμπτωμα τοῦτο προσηγόρευσαν ἱερὰν βῶλον· τῷ δ’ ἐν Ἡλιουπόλει θεῷ τὰσ χάριτασ ἀπονέμων τῆσ εὐεργεσίασ κατὰ τὸν χρησμὸν ὀβελίσκουσ ἀνέθηκε δύο μονολίθουσ, τὸ μὲν πλάτοσ ὀκτώ, τὸ δὲ μῆκοσ πηχῶν ἑκατόν.

일치하는 문장이 없습니다.

SEARCH

MENU NAVIGATION