Diodorus Siculus, Bibliotheca Historica, book 1, chapter 65

(디오도로스 시켈로스, Bibliotheca Historica, book 1, chapter 65)

μετὰ δὲ τοὺσ προειρημένουσ βασιλεῖσ διεδέξατο τὴν ἀρχὴν Βόκχορισ, τῷ μὲν σώματι παντελῶσ εὐκαταφρόνητοσ, ἀγχινοίᾳ δὲ πολὺ διαφέρων τῶν προβασιλευσάντων. πολλοῖσ δ’ ὕστερον χρόνοισ ἐβασίλευσε τῆσ Αἰγύπτου Σαβάκων, τὸ μὲν γένοσ ὢν Αἰθίοψ, εὐσεβείᾳ δὲ καὶ χρηστότητι πολὺ διαφέρων τῶν πρὸ αὐτοῦ.

τῆσ μὲν οὖν ἐπιεικείασ αὐτοῦ λάβοι τισ ἂν τεκμήριον τὸ τῶν νομίμων προστίμων ἆραι τὸ μέγιστον, λέγω δὲ τὴν τοῦ ζῆν στέρησιν·

ἀντὶ γὰρ τοῦ θανάτου τοὺσ καταδικασθέντασ ἠνάγκαζε λειτουργεῖν ταῖσ πόλεσι δεδεμένουσ, καὶ διὰ τούτων πολλὰ μὲν χώματα κατεσκεύαζεν, οὐκ ὀλίγασ δὲ διώρυχασ ὤρυττεν εὐκαίρουσ·

ὑπελάμβανε γὰρ τοῖσ μὲν κολαζομένοισ τὸ τῆσ τιμωρίασ ἀπότομον ἠλαττωκέναι, ταῖσ δὲ πόλεσιν ἀντὶ προστίμων ἀνωφελῶν μεγάλην εὐχρηστίαν περιπεποιηκέναι. τὴν δὲ τῆσ εὐσεβείασ ὑπερβολὴν συλλογίσαιτ’ ἄν τισ ἐκ τῆσ κατὰ τὸν ὄνειρον φαντασίασ καὶ τῆσ κατὰ τὴν ἀρχὴν ἀποθέσεωσ.

ἔδοξε μὲν γὰρ κατὰ τὸν ὕπνον λέγειν αὐτῷ τὸν ἐν Θήβαισ θεὸν ὅτι βασιλεύειν οὐ δυνήσεται τῆσ Αἰγύπτου μακαρίωσ οὐδὲ πολὺν χρόνον, ἐὰν μὴ τοὺσ ἱερεῖσ ἅπαντασ διατεμὼν διὰ μέσων αὐτῶν διέλθῃ μετὰ τῆσ θεραπείασ.

πολλάκισ δὲ τούτου γινομένου μεταπεμψάμενοσ πανταχόθεν τοὺσ ἱερεῖσ ἔφη λυπεῖν τὸν θεὸν ἐν τῇ χώρᾳ μένων·

οὐ γὰρ ἂν αὐτῷ τοιαῦτα προστάττειν κατὰ τὸν ὕπνον. ἀπελθὼν οὖν βούλεσθαι καθαρὸσ παντὸσ μύσουσ ἀποδοῦναι τὸ ζῆν τῇ πεπρωμένῃ μᾶλλον ἢ λυπῶν τὸν κύριον καὶ μιάνασ ἀσεβεῖ φόνῳ τὸν ἴδιον βίον ἄρχειν τῆσ Αἰγύπτου·

καὶ πέρασ τοῖσ ἐγχωρίοισ ἀποδοὺσ τὴν βασιλείαν ἐπανῆλθεν εἰσ τὴν Αἰθιοπίαν.

일치하는 문장이 없습니다.

SEARCH

MENU NAVIGATION