Diodorus Siculus, Bibliotheca Historica, book 1, chapter 25

(디오도로스 시켈로스, Bibliotheca Historica, book 1, chapter 25)

καθόλου δὲ πολλή τίσ ἐστι διαφωνία περὶ τούτων τῶν θεῶν. τὴν αὐτὴν γὰρ οἱ μὲν Ἶσιν, οἱ δὲ Δήμητραν, οἱ δὲ Θεσμοφόρον, οἱ δὲ Σελήνην, οἱ δὲ Ἥραν, οἱ δὲ πάσαισ ταῖσ προσηγορίαισ ὀνομάζουσι. τὸν δὲ Ὄσιριν οἱ μὲν Σάραπιν, οἱ δὲ Διόνυσον, οἱ δὲ Πλούτωνα, οἱ δὲ Ἄμμωνα, τινὲσ δὲ Δία, πολλοὶ δὲ Πᾶνα τὸν αὐτὸν νενομίκασι·

λέγουσι δέ τινεσ Σάραπιν εἶναι τὸν παρὰ τοῖσ Ἕλλησι Πλούτωνα ὀνομαζόμενον. φασὶ δ’ Αἰγύπτιοι τὴν Ἶσιν φαρμάκων τε πολλῶν πρὸσ ὑγίειαν εὑρέτιν γεγονέναι καὶ τῆσ ἰατρικῆσ ἐπιστήμησ μεγάλην ἔχειν ἐμπειρίαν· διὸ καὶ τυχοῦσαν τῆσ ἀθανασίασ ἐπὶ ταῖσ θεραπείαισ τῶν ἀνθρώπων μάλιστα χαίρειν, καὶ κατὰ τοὺσ ὕπνουσ τοῖσ ἀξιοῦσι διδόναι βοηθήματα, φανερῶσ ἐπιδεικνυμένην τήν τε ἰδίαν ἐπιφάνειαν καὶ τὸ πρὸσ τοὺσ δεομένουσ τῶν ἀνθρώπων εὐεργετικόν.

ἀποδείξεισ δὲ τούτων φασὶ φέρειν ἑαυτοὺσ οὐ μυθολογίασ ὁμοίωσ τοῖσ Ἕλλησιν, ἀλλὰ πράξεισ ἐναργεῖσ·

πᾶσαν γὰρ σχεδὸν τὴν οἰκουμένην μαρτυρεῖν ἑαυτοῖσ, εἰσ τὰσ ταύτησ τιμὰσ φιλοτιμουμένην διὰ τὴν ἐν ταῖσ θεραπείαισ ἐπιφάνειαν. κατὰ γὰρ τοὺσ ὕπνουσ ἐφισταμένην διδόναι τοῖσ κάμνουσι βοηθήματα πρὸσ τὰσ νόσουσ, καὶ τοὺσ ὑπακούσαντασ αὐτῇ παραδόξωσ ὑγιάζεσθαι·

καὶ πολλοὺσ μὲν ὑπὸ τῶν ἰατρῶν διὰ τὴν δυσκολίαν τοῦ νοσήματοσ ἀπελπισθέντασ ὑπὸ ταύτησ σώζεσθαι, συχνοὺσ δὲ παντελῶσ πηρωθέντασ τὰσ ὁράσεισ ἤ τινα τῶν ἄλλων μερῶν τοῦ σώματοσ, ὅταν πρὸσ ταύτην τὴν θεὸν καταφύγωσιν, εἰσ τὴν προϋπάρξασαν ἀποκαθίστασθαι τάξιν. εὑρεῖν δ’ αὐτὴν καὶ τὸ τῆσ ἀθανασίασ φάρμακον, δι’ οὗ τὸν υἱὸν Ὧρον, ὑπὸ τῶν Τιτάνων ἐπιβουλευθέντα καὶ νεκρὸν εὑρεθέντα καθ’ ὕδατοσ, μὴ μόνον ἀναστῆσαι, δοῦσαν τὴν ψυχήν, ἀλλὰ καὶ τῆσ ἀθανασίασ ποιῆσαι μεταλαβεῖν.

δοκεῖ δ’ ὕστατοσ τῶν θεῶν οὗτοσ βασιλεῦσαι μετὰ τὴν τοῦ πατρὸσ Ὀσίριδοσ ἐξ ἀνθρώπων μετάστασιν. τὸν δὲ Ὧρον μεθερμηνευόμενόν φασιν Ἀπόλλωνα ὑπάρχειν, καὶ τήν τε ἰατρικὴν καὶ τὴν μαντικὴν ὑπὸ τῆσ μητρὸσ Ἴσιδοσ διδαχθέντα διὰ τῶν χρησμῶν καὶ τῶν θεραπειῶν εὐεργετεῖν τὸ τῶν ἀνθρώπων γένοσ.

일치하는 문장이 없습니다.

SEARCH

MENU NAVIGATION