헬라어 문장 검색 - Διοδορ́Βιβλιοτ́1́47́

(디오도로스 시켈로스, Bibliotheca Historica, book 1, chapter 46)

οὐ μόνον δὲ τοῦτον τὸν βασιλέα παρειλήφαμεν, ἀλλὰ καὶ τῶν ὕστερον ἀρξάντων πολλοὺσ εἰσ τὴν αὔξησιν τῆσ πόλεωσ πεφιλοτιμῆσθαι. ἀναθήμασί τε γὰρ πολλοῖσ καὶ μεγάλοισ ἀργυροῖσ καὶ χρυσοῖσ, ἔτι δ’ ἐλεφαντίνοισ, καὶ κολοττικῶν ἀνδριάντων πλήθει, πρὸσ δὲ τούτοισ κατασκευαῖσ μονολίθων ὀβελίσκων μηδεμίαν τῶν ὑπὸ τὸν ἥλιον οὕτω κεκοσμῆσθαι. τεττάρων γὰρ ἱερῶν κατασκευασθέντων τό τε κάλλοσ καὶ τὸ μέγεθοσ θαυμαστὸν εἶναι τὸ παλαιότατον, τρισκαίδεκα μὲν σταδίων τὴν περίμετρον, πέντε δὲ καὶ τετταράκοντα πηχῶν τὸ ὕψοσ, εἴκοσι δὲ καὶ τεττάρων ποδῶν τὸ πλάτοσ τῶν τοίχων.

ἀκόλουθον δὲ τῇ μεγαλοπρεπείᾳ ταύτῃ καὶ τὸν ἐν αὐτῷ κόσμον τῶν ἀναθημάτων γενέσθαι, τῇ τε δαπάνῃ θαυμαστὸν καὶ τῇ χειρουργίᾳ περιττῶσ εἰργασμένον.

τὰσ μὲν οὖν οἰκοδομὰσ διαμεμενηκέναι μέχρι τῶν νεωτέρων χρόνων, τὸν δ’ ἄργυρον καὶ χρυσὸν καὶ τὴν δι’ ἐλέφαντοσ καὶ λιθείασ πολυτέλειαν ὑπὸ Περσῶν σεσυλῆσθαι καθ’ οὓσ καιροὺσ ἐνέπρησε τὰ κατ’ Αἴγυπτον ἱερὰ Καμβύσησ·

ὅτε δή φασι τοὺσ Πέρσασ μετενεγκόντασ τὴν εὐπορίαν ταύτην εἰσ τὴν Ἀσίαν καὶ τεχνίτασ ἐξ Αἰγύπτου παραλαβόντασ κατασκευάσαι τὰ περιβόητα βασίλεια τά τε ἐν Περσεπόλει καὶ τὰ ἐν Σούσοισ καὶ τὰ ἐν Μηδίᾳ. τοσοῦτο δὲ πλῆθοσ χρημάτων ἀποφαίνουσι γεγονέναι τότε κατ’ Αἴγυπτον ὥστε τῶν κατὰ τὴν σύλησιν ἀπολειμμάτων κατακαυθέντων τὰ συναχθέντα κατὰ μικρὸν εὑρεθῆναι χρυσίου μὲν πλείω τῶν τριακοσίων ταλάντων, ἀργυρίου δ’ οὐκ ἐλάττω τῶν δισχιλίων καὶ τριακοσίων ταλάντων.

εἶναι δέ φασι καὶ τάφουσ ἐνταῦθα τῶν ἀρχαίων βασιλέων θαυμαστοὺσ καὶ τῶν μεταγενεστέρων τοῖσ εἰσ τὰ παραπλήσια φιλοτιμουμένοισ ὑπερβολὴν οὐκ ἀπολείποντασ.

οἱ μὲν οὖν ἱερεῖσ ἐκ τῶν ἀναγραφῶν ἔφασαν εὑρίσκειν ἑπτὰ πρὸσ τοῖσ τετταράκοντα τάφουσ βασιλικούσ·

εἰσ δὲ Πτολεμαῖον τὸν Λάγου διαμεῖναί φασιν ἑπτακαίδεκα μόνον, ὧν τὰ πολλὰ κατέφθαρτο καθ’ οὓσ χρόνουσ παρεβάλομεν ἡμεῖσ εἰσ ἐκείνουσ τοὺσ τόπουσ, ἐπὶ τῆσ ἑκατοστῆσ καὶ ὀγδοηκοστῆσ ὀλυμπιάδοσ. οὐ μόνον δ’ οἱ κατ’ Αἴγυπτον ἱερεῖσ ἐκ τῶν ἀναγραφῶν ἱστοροῦσιν, ἀλλὰ καὶ πολλοὶ τῶν Ἑλλήνων τῶν παραβαλόντων μὲν εἰσ τὰσ Θήβασ ἐπὶ Πτολεμαίου τοῦ Λάγου, συνταξαμένων δὲ τὰσ Αἰγυπτιακὰσ ἱστορίασ, ὧν ἐστι καὶ Ἑκαταῖοσ, συμφωνοῦσι τοῖσ ὑφ’ ἡμῶν εἰρημένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 46

(디오도로스 시켈로스, Bibliotheca Historica, book 1, chapter 46)

상위

목록

SEARCH

MENU NAVIGATION