Diodorus Siculus, Bibliotheca Historica, book 1, chapter 58

(디오도로스 시켈로스, Bibliotheca Historica, book 1, chapter 58)

πολλῶν δὲ καὶ μεγάλων περὶ τὸν Σεσόωσιν ὑπαρξάντων δοκεῖ μεγαλοπρεπέστατον αὐτῷ γεγονέναι τὸ συντελούμενον ἐν ταῖσ ἐξόδοισ περὶ τοὺσ ἡγεμόνασ. τῶν γὰρ καταπεπολεμημένων ἐθνῶν οἵ τε τὰσ συγκεχωρημένασ βασιλείασ ἔχοντεσ καὶ τῶν ἄλλων οἱ τὰσ μεγίστασ ἡγεμονίασ παρειληφότεσ ἀπήντων εἰσ Αἴγυπτον ἐν τακτοῖσ χρόνοισ φέροντεσ δῶρα·

οὓσ ὁ βασιλεὺσ ἐκδεχόμενοσ ἐν μὲν τοῖσ ἄλλοισ ἐτίμα καὶ διαφερόντωσ προῆγεν, ὁπότε δὲ πρὸσ ἱερὸν ἢ πόλιν προσιέναι μέλλοι, τοὺσ ἵππουσ ἀπὸ τοῦ τεθρίππου λύων ὑπεζεύγνυεν ἀντὶ τούτων κατὰ τέτταρασ τούσ τε βασιλεῖσ καὶ τοὺσ ἄλλουσ ἡγεμόνασ, ἐνδεικνύμενοσ, ὡσ ᾤετο, πᾶσιν ὅτι τοὺσ τῶν ἄλλων κρατίστουσ καὶ δι’ ἀρετὴν ἐπιφανεστάτουσ καταπολεμήσασ εἰσ ἅμιλλαν ἀρετῆσ οὐκ ἔχει τὸν δυνάμενον συγκριθῆναι. δοκεῖ δ’ οὗτοσ ὁ βασιλεὺσ πάντασ τοὺσ πώποτε γενομένουσ ἐν ἐξουσίαισ ὑπερβεβηκέναι ταῖσ τε πολεμικαῖσ πράξεσι καὶ τῷ μεγέθει καὶ τῷ πλήθει τῶν τε ἀναθημάτων καὶ τῶν ἔργων τῶν κατεσκευασμένων κατ’ Αἴγυπτον.

ἔτη δὲ τρία πρὸσ τοῖσ τριάκοντα βασιλεύσασ ἐκ προαιρέσεωσ ἐξέλιπε τὸν βίον, ὑπολιπόντων αὐτὸν τῶν ὀμμάτων· καὶ τοῦτο πράξασ οὐ μόνον παρὰ τοῖσ ἱερεῦσιν, ἀλλὰ καὶ παρὰ τοῖσ ἄλλοισ Αἰγυπτίοισ ἐθαυμάσθη, δόξασ τῇ μεγαλοψυχίᾳ τῶν πεπραγμένων ἀκόλουθον πεποιῆσθαι τὴν τοῦ βίου καταστροφήν. ἐπὶ τοσοῦτο δ’ ἴσχυσε καὶ διέτεινε τοῖσ χρόνοισ ἠ δόξα τούτου τοῦ βασιλέωσ ὥστε τῆσ Αἰγύπτου πολλαῖσ γενεαῖσ ὕστερον πεσούσησ ὑπὸ τὴν ἐξουσίαν τῶν Περσῶν, καὶ Δαρείου τοῦ Ξέρξου πατρὸσ σπουδάσαντοσ ἐν Μέμφει τὴν ἰδίαν εἰκόνα στῆσαι πρὸ τῆσ Σεσοώσιοσ, ὁ μὲν ἀρχιερεὺσ ἀντεῖπε λόγου προτεθέντοσ ἐν ἐκκλησίᾳ τῶν ἱερέων, ἀποφηνάμενοσ ὡσ οὔπω Δαρεῖοσ ὑπερβέβηκε τὰσ Σεσοώσιοσ πράξεισ, ὁ δὲ βασιλεὺσ οὐχ ὅπωσ ἠγανάκτησεν, ἀλλὰ καὶ τοὐναντίον ἡσθεὶσ ἐπὶ τῇ παρρησίᾳ σπουδάσειν ἔφησεν ὅπωσ κατὰ μηδὲν ἐκείνου λειφθείη βιώσασ τὸν ἴσον χρόνον, καὶ παρεκάλει συγκρίνειν τὰσ ἡλικιώτιδασ πράξεισ·

τοῦτον γὰρ δικαιότατον ἔλεγχον εἶναι τῆσ ἀρετῆσ. περὶ μὲν οὖν Σεσοώσιοσ ἀρκεσθησόμεθα τοῖσ λόγοισ τοῖσ ῥηθεῖσιν.

일치하는 문장이 없습니다.

SEARCH

MENU NAVIGATION