헬라어 문장 검색 - Διοδορ́Βιβλιοτ́1́70́

(디오도로스 시켈로스, Bibliotheca Historica, book 1, chapter 69)

ἐπεὶ δὲ τὰσ τῶν ἐν Αἰγύπτῳ βασιλέων πράξεισ ἀπὸ τῶν ἀρχαιοτάτων χρόνων διεληλύθαμεν ἀρκοῦντωσ μέχρι τῆσ Ἀμάσιδοσ τελευτῆσ, τὰσ λοιπὰσ ἀναγράψομεν ἐν τοῖσ οἰκείοισ χρόνοισ· περὶ δὲ τῶν νομίμων τῶν κατ’ Αἴγυπτον νῦν διέξιμεν ἐν κεφαλαίοισ τά τε παραδοξότατα καὶ τὰ μάλιστα ὠφελῆσαι δυνάμενα τοὺσ ἀναγινώσκοντασ.

πολλὰ γὰρ τῶν παλαιῶν ἐθῶν τῶν γενομένων παρ’ Αἰγυπτίοισ οὐ μόνον παρὰ τοῖσ ἐγχωρίοισ ἀποδοχῆσ ἔτυχεν, ἀλλὰ καὶ παρὰ τοῖσ Ἕλλησιν οὐ μετρίωσ ἐθαυμάσθη· διόπερ οἱ μέγιστοι τῶν ἐν παιδείᾳ δοξασθέντων ἐφιλοτιμήθησαν εἰσ Αἴγυπτον παραβαλεῖν, ἵνα μετάσχωσι τῶν τε νόμων καὶ τῶν ἐπιτηδευμάτων ὡσ ἀξιολόγων ὄντων.

καίπερ γὰρ τῆσ χώρασ τὸ παλαιὸν δυσεπιβάτου τοῖσ ξένοισ οὔσησ διὰ τὰσ προειρημένασ αἰτίασ, ὅμωσ ἔσπευσαν εἰσ αὐτὴν παραβαλεῖν τῶν μὲν ἀρχαιοτάτων Ὀρφεὺσ καὶ ὁ ποιητὴσ Ὅμηροσ, τῶν δὲ μεταγενεστέρων ἄλλοι τε πλείουσ καὶ Πυθαγόρασ ὁ Σάμιοσ, ἔτι δὲ Σόλων ὁ νομοθέτησ.

λέγουσι τοίνυν Αἰγύπτιοι παρ’ αὑτοῖσ τήν τε τῶν γραμμάτων εὑρ́εσιν γενέσθαι καὶ τὴν τῶν ἄστρων παρατήρησιν, πρὸσ δὲ τούτοισ τά τε κατὰ τὴν γεωμετρίαν θεωρήματα καὶ τῶν τεχνῶν τὰσ πλείστασ εὑρεθῆναι, νόμουσ τε τοὺσ ἀρίστουσ τεθῆναι.

καὶ τούτων μεγίστην ἀπόδειξίν φασιν εἶναι τὸ τῆσ Αἰγύπτου πλείω τῶν ἑπτακοσίων καὶ τετρακισχιλίων ἐτῶν βασιλεῦσαι τοὺσ πλείουσ ἐγγενεῖσ καὶ τὴν χώραν εὐδαιμονεστάτην ὑπάρξαι τῆσ ἁπάσησ οἰκουμένησ·

ταῦτα γὰρ οὐκ ἄν ποτε γενέσθαι μὴ οὐ τῶν ἀνθρώπων χρωμένων κρατίστοισ ἔθεσι καὶ νόμοισ καὶ τοῖσ κατὰ πᾶσαν παιδείαν ἐπιτηδεύμασιν. ὅσα μὲν οὖν Ἡρόδοτοσ καί τινεσ τῶν τὰσ Αἰγυπτίων πράξεισ συνταξαμένων ἐσχεδιάκασιν, ἑκουσίωσ προκρίναντεσ τῆσ ἀληθείασ τὸ παραδοξολογεῖν καὶ μύθουσ πλάττειν ψυχαγωγίασ ἕνεκα, παρήσομεν, αὐτὰ δὲ τὰ παρὰ τοῖσ ἱερεῦσι τοῖσ κατ’ Αἴγυπτον ἐν ταῖσ ἀναγραφαῖσ γεγραμμένα φιλοτίμωσ ἐξητακότεσ ἐκθησόμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, book 1, chapter 69

(디오도로스 시켈로스, Bibliotheca Historica, book 1, chapter 69)

상위

목록

SEARCH

MENU NAVIGATION