헬라어 문장 검색 - Διοδορ́Βιβλιοτ́1́28́

(디오도로스 시켈로스, Bibliotheca Historica, book 1, chapter 27)

νομοθετῆσαι δέ φασι τοὺσ Αἰγυπτίουσ παρὰ τὸ κοινὸν ἔθοσ τῶν ἀνθρώπων γαμεῖν ἀδελφὰσ διὰ τὸ γεγονὸσ ἐν τούτοισ τῆσ Ἴσιδοσ ἐπίτευγμα· ταύτην γὰρ συνοικήσασαν Ὀσίριδι τῷ ἀδελφῷ, καὶ ἀποθανόντοσ ὀμόσασαν οὐδενὸσ ἔτι συνουσίαν ἀνδρὸσ προσδέξεσθαι, μετελθεῖν τόν τε φόνον τἀνδρὸσ καὶ διατελέσαι βασιλεύουσαν νομιμώτατα, καὶ τὸ σύνολον πλείστων καὶ μεγίστων ἀγαθῶν αἰτίαν γενέσθαι πᾶσιν ἀνθρώποισ. διὰ δὴ ταύτασ τὰσ αἰτίασ καταδειχθῆναι μείζονοσ ἐξουσίασ καὶ τιμῆσ τυγχάνειν τὴν βασίλισσαν τοῦ βασιλέωσ, καὶ παρὰ τοῖσ ἰδιώταισ κυριεύειν τὴν γυναῖκα τἀνδρόσ, ἐν τῇ τῆσ προικὸσ συγγραφῇ προσομολογούντων τῶν γαμούντων ἅπαντα πειθαρχήσειν τῇ γαμουμένῃ.

οὐκ ἀγνοῶ δὲ διότι τινὲσ τῶν συγγραφέων ἀποφαίνονται τοὺσ τάφουσ τῶν θεῶν τούτων ὑπάρχειν ἐν Νύσῃ τῆσ Ἀραβίασ, ἀφ’ ἧσ καὶ Νυσαῖον τὸν Διόνυσον ὠνομάσθαι.

εἶναι δὲ καὶ στήλην ἑκατέρου τῶν θεῶν ἐπιγεγραμμένην τοῖσ ἱεροῖσ γράμμασιν. "ἐγὼ Ἶσίσ εἰμι ἡ βασίλισσα πάσησ χώρασ, ἡ παιδευθεῖσα ὑπὸ Ἑρμοῦ, καὶ ὅσα ἐγὼ ἐνομοθέτησα, οὐδεὶσ αὐτὰ δύναται λῦσαι.

"ἐγώ εἰμι ἡ τοῦ νεωτάτου Κρόνου θεοῦ θυγάτηρ πρεσβυτάτη· "ἐγώ εἰμι γυνὴ καὶ ἀδελφὴ Ὀσίριδοσ βασιλέωσ· "ἐγώ εἰμι ἡ πρώτη καρπὸν ἀνθρώποισ εὑροῦσα· "ἐγώ εἰμι μήτηρ Ὥρου τοῦ βασιλέωσ· "ἐγώ εἰμι ἡ ἐν τῷ ἄστρῳ τῷ ἐν τῷ κυνὶ ἐπιτέλλουσα· "ἐμοὶ Βούβαστοσ ἡ πόλισ ᾠκοδομήθη. "χαῖρε χαῖρε Αἴγυπτε ἡ θρέψασά με. "πατὴρ μέν ἐστί μοι Κρόνοσ νεώτατοσ θεῶν ἁπάντων, εἰμὶ δὲ Ὄσιρισ ὁ βασιλεύσ, ὁ στρατεύσασ ἐπὶ πᾶσαν χώραν ἑώσ εἰσ τοὺσ ἀοικήτουσ τόπουσ τῶν Ἰνδῶν καὶ τοὺσ πρὸσ ἄρκτον κεκλιμένουσ, μέχρι Ἴστρου ποταμοῦ πηγῶν, καὶ πάλιν ἐπὶ τἄλλα μέρη ἑώσ ὠκεανοῦ.

εἰμὶ δὲ υἱὸσ Κρόνου πρεσβύτατοσ, καὶ βλαστὸσ ἐκ καλοῦ τε καὶ εὐγενοῦσ ᾠοῦ σπέρμα συγγενὲσ ἐγεννήθην ἡμέρασ. "καὶ οὐκ ἔστι τόποσ τῆσ οἰκουμένησ εἰσ ὃν ἐγὼ οὐκ ἀφῖγμαι, διαδοὺσ πᾶσιν ὧν ἐγὼ εὑρετὴσ ἐγενόμην. τοσαῦτα τῶν γεγραμμένων ἐν ταῖσ στήλαισ φασὶ δύνασθαι ἀναγνῶναι, τὰ δ’ ἄλλα ὄντα πλείω κατεφθάρθαι διὰ τὸν χρόνον.

τὰ μὲν οὖν περὶ τῆσ ταφῆσ τῶν θεῶν τούτων διαφωνεῖται παρὰ τοῖσ πλείστοισ διὰ τὸ τοὺσ ἱερεῖσ ἐν ἀπορρήτοισ παρειληφότασ τὴν περὶ τούτων ἀκρίβειαν μὴ βούλεσθαι τἀληθὲσ ἐκφέρειν εἰσ τοὺσ πολλούσ, ὡσ ἂν καὶ κινδύνων ἐπικειμένων τοῖσ τἀπόρρητα περὶ τῶν θεῶν τούτων μηνύσασιν εἰσ τοὺσ ὄχλουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 27

(디오도로스 시켈로스, Bibliotheca Historica, book 1, chapter 27)

상위

목록

SEARCH

MENU NAVIGATION