헬라어 문장 검색 - Διοδορ́Βιβλιοτ́1́63́

(디오도로스 시켈로스, Bibliotheca Historica, book 1, chapter 62)

μετὰ δὲ τὴν τοῦ βασιλέωσ τούτου τελευτὴν ἐπὶ γενεὰσ πέντε γενομένησ ἀναρχίασ τῶν ἀδόξων τισ ᾑρέθη βασιλεύσ, ὃν Αἰγύπτιοι μὲν ὀνομάζουσι Κέτηνα, παρὰ δὲ τοῖσ Ἕλλησιν εἶναι δοκεῖ Πρωνεὺσ ὁ κατὰ τὸν Ἰλιακὸν γεγονὼσ πόλεμον. τούτου δὲ παραδεδομένου τῶν τε πνευμάτων ἔχειν ἐμπειρίαν καὶ τὴν μορφὴν μεταβάλλειν ὁτὲ μὲν εἰσ ζῴων τύπουσ, ὁτὲ δὲ εἰσ δένδρον ἢ πῦρ ἤ τι τῶν ἄλλων, ὁμολογούμενα τούτοισ συμβαίνει καὶ τοὺσ ἱερεῖσ λέγειν περὶ αὐτοῦ.

ἐκ μὲν γὰρ τῆσ μετὰ τῶν ἀστρολόγων συμβιώσεωσ, ἣν ἐποιεῖτο συνεχῶσ, ἐμπειρίαν ἐσχηκέναι τὸν βασιλέα τῶν τοιούτων, ἐκ δὲ τοῦ νομίμου τοῦ παραδεδομένου τοῖσ βασιλεῦσι τὸ περὶ τὰσ μεταβολὰσ τῆσ ἰδέασ μυθολογηθῆναι παρὰ τοῖσ Ἕλλησιν.

ἐν ἔθει γὰρ εἶναι τοῖσ κατ’ Αἴγυπτον δυνάσταισ περιτίθεσθαι περὶ τὴν κεφαλὴν λεόντων καὶ ταύρων καὶ δρακόντων προτομάσ, σημεῖα τῆσ ἀρχῆσ·

καὶ ποτὲ μὲν δένδρα, ποτὲ δὲ πῦρ, ἔστι δ’ ὅτε καὶ θυμιαμάτων εὐωδῶν ἔχειν ἐπὶ τῆσ κεφαλῆσ οὐκ ὀλίγα, καὶ διὰ τούτων ἅμα μὲν ἑαυτοὺσ εἰσ εὐπρέπειαν κοσμεῖν, ἅμα δὲ τοὺσ ἄλλουσ εἰσ κατάπληξιν ἄγειν καὶ δεισιδαίμονα διάθεσιν. μετὰ δὲ τὴν Πρωτέωσ τελευτὴν διαδεξάμενοσ τὴν βασιλείαν ὁ υἱὸσ Ῥέμφισ διετέλεσε πάντα τὸν τοῦ ζῆν χρόνον ἐπιμελόμενοσ τῶν προσόδων καὶ σωρεύων πανταχόθεν τὸν πλοῦτον, διὰ δὲ μικροψυχίαν καὶ φιλαργυρίαν ἤθουσ οὔτε εἰσ ἀναθήματα θεῶν οὔτ’ εἰσ εὐεργεσίαν ἀνθρώπων οὐδὲν ἀνήλωσε.

διὸ καὶ γενόμενοσ οὐ βασιλεὺσ ἀλλ’ οἰκονόμοσ ἀγαθὸσ ἀντὶ τῆσ ἐπ’ ἀρετῇ δόξησ ἀπέλιπε πλεῖστα χρήματα τῶν πρὸ αὐτοῦ βασιλευσάντων·

ἀργύρου γὰρ καὶ χρυσοῦ παραδέδοται συναγαγεῖν αὐτὸν εἰσ τετταράκοντα μυριάδασ ταλάντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 62

(디오도로스 시켈로스, Bibliotheca Historica, book 1, chapter 62)

상위

목록

SEARCH

MENU NAVIGATION